Aforizm

Aforizm (yunanca, αφορισμός, aphorismos) – qısa kəlam, ümumiləşdirilmiş, bitkin, dərin mənalı fikir, hikmətli söz deməkdir. Atalar sözü və məsəllərdən fərqli olaraq, aforizmlərin müəllifi olur. Aforizmlər dəyişməz və yığcam olur. Bu termin ilk dəfə Hippokratın tibb traktatında işlənmişdir.

Nümunələr

• Uşaqlarınızla öz yaşınıza görə deyil, onların yaşına görə davranın. (Həzrəti Əli)
• Hamı uzun ömür istəyir, amma heç kim qocalmaq istəmir.(Leopald Şefer)
• Mən fikirləşirəm, deməli mən yaşayıram. (Dekart)
• Fərsiz övlad 6-cı barmaq kimidir.Saxlasan səni eybəcər göstərər, kəssən incidər. (Məhəmməd Peyğəmbər)
• Bir balaca şamı yandırmaq qaranlığı lənətləməkdən asandır. (Konfutsi)
• Həyatımızda etdiyimiz səhvlərin çoxu düşünməyimiz lazım olan yerdə hiss etməkdən, hiss etməyimiz lazım olan yerdə düşünməkdən irəli gəlir. (Con Kolbins)
• Əgər siz dincələndə gələcəkdən düşünürsünüzsə, onda siz gəncsiniz.Əgər keçmişdən düşünürsünüzsə, onda qocalmısınız. (Ağabəy Sultanov)
• Əsas məsələ pulu qazanmaqda deyil, onu xərcləməkdədir.(Bencamin Franklin)
• Dil fikri açmaq üçün yox, gizlətmək üçündür. (Taleyran)
• Zənginlik dəniz suyu kimidir nə qədər çox içsən susuzluğun bir o qədər artır.(Artur Şopenhaur).
• Siqaret çəkməyi atmaq ən asan işdir, mən yüz dəfələrlə atmışam. (Mark Tven)
• İnsana danışmağı öyrənmək üçün iki il, danışmamağı öyrənməyə isə altmış il lazımdır. (L.Feyxtvanger)
• Yalnız əvvəlcədən düşünülmüş sevgi uğursuz ola bilər.(Aleksandr Düma)
• Əsl məhəbbət kabusa bənzəyir; hamı onun haqqında danışır, lakin çox az adam onu görüb.(Fransua de Laroşfuko)
• Hər bir faciə dəfələrlə təkrarlandıqdan sonra komediyaya çevrilir (E.M.Remark)
• Sevir, çünki sevir, sevmir, çünki sevmir – hisslərin və ehtirasların məntiqi qısadır. (A.Hersen)
• Ayaqların üstə ölmək, dizlərin üstə yaşamaqdan daha yaxşıdır (Emiliano Zapata)
• Əgər səhv etməsəydim, çox az işlər görə bilərdim.(Marsial)
• Tənqid poçt göyərçininə bənzəyir:həmişə geri qayıdır.(Deyl Karnegi)
• Ya insanlar elə edəcəklər ki, havada tüstü azalacaq, ya da tüstü elə edəcək ki, yer üzündə insanlar azalacaq.(Lui Batton)
• İnsanlar ancaq bildiklərini danışsaydılar, təsəvvür edin necə sükut olardı... (Çapek)
• Övladlarınız arasında oğlanla qıza fərq qoymayın, fərq qoymaq lazım gəlsəydi, mən qızları üstün tutardım.(Məhəmməd Peyğəmbər)
• Bir şam digər bir şamı alovlandırmaqla, işığından bir şey itirməz.(Mövlana Cəlaləddin Rumi)
• Hər bir insan olmaq istədiyi qədər ya kölədir, ya azad ([Sokrat])

Həmçinin bax

• Atalar sözü

Bu məqalənin azərbaycan dili əlifbasının ərəb qrafikası ilə qarşılığı vardır. Bax: آفوریسم

Xarici keçidlər

• Aforizm Çoxlugu – İnglis dilində.
• Muasir Aforizm – İnglis dilində.