Alameda Kolleci
| Alameda Kolleci | |
|---|---|
 | |
 | |
| 37°46′55″ şm. e. 122°16′44″ q. u. | |
| Əsası qoyulub | 1968 |
| Tələbə sayı | 5.107[1] |
| Ölkə | |
| Sayt | peralta.edu |
Alameda Kolleci — Kaliforniyanın Alameda[2] şəhərində ictimai icma kolleci.
Akkreditasiyası[redaktə | mənbəni redaktə et]
Kollec 1968-ci ildə açılıb. O, Orta Təhsildən Sonra Təhsil üzrə Akkreditasiya Şurası və ABŞ tərəfindən tanınan İnstitusional akkreditasiya orqanı olan İcma və Kiçik Kolleclər üçün Akkreditasiya Komissiyası tərəfindən akkreditə edilmişdir. İlk dəfə Alameda Kolleci 1973-cü ildə, son dəfə isə 2012-ci ildə akkreditasiyadan keçib.
Alameda Kollecinin fərdi peşə proqramları Amerika Stomatoloji Assosiasiyasının (ASA) Stomatoloji Assistentlər üçün Təhsil Şurası, Federal Aviasiya Administrasiyası (FAA) və Avtomobil Xidməti Mükəmməlliyi Milli İnstitutu tərəfindən akkreditə olunmuş və ya sertifikatlaşdırılmışdır.
Kampusu[redaktə | mənbəni redaktə et]
Kollecin ilk dərsləri 1968-ci ildə Alameda şəhərinin Mərkəzi prospektindəki Tarixi Alameda Liseyində müvəqqəti müəssisələrdə keçirilirdi.
Kollecin Aviasiyaya texniki xidmət proqramlarının dərsləri Oakland Beynəlxalq Hava Limanının şimal sahəsi ilə bitişik, Harbour Bay Parkvey adlı ərazidə keçirilir.
Akademik strukturu[redaktə | mənbəni redaktə et]
Alameda Kolleci semestr təqvimində ingilis dili və riyaziyyat üzrə əsas bacarıq kursları, həmçinin fərdi laboratoriya dərsləri və başqa kurslar təklif edir.
Elmlər və İncəsənət üzrə dərəcələr bir çox sahələrində əldə edilə bilər. Qazanılan kreditlərin əksəriyyəti Kaliforniya Universitetinə, Kaliforniya Dövlət kollec və universitetlərinə və digər dövlət və özəl qurumlara köçürülə bilər.
Alameda Elm və Texnologiya İnstitutu[redaktə | mənbəni redaktə et]
Alameda Elm və Texnologiya İnstitutu Alameda Kolleci ərazisində Birləşmiş Dövlət Ali məktəbidir.[3] Ali məktəb 2004-cü ildə yaradılıb. Məktəb bütün tələbələrin kollec təhsilinə layiq olduğu və hüququna malik olduğu və bütün tələbələrin yüksək akademik səviyyədə uğur qazana biləcəkləri inancına əsaslanır.
Tələbə mərkəzləri[redaktə | mənbəni redaktə et]
Kollec tələbələrə akademik təcrübələrini dəstəkləmək üçün müxtəlif xidmətlər təklif edir, bunlardan bəziləri:
Alameda One Stop Karyera Mərkəzi[redaktə | mənbəni redaktə et]
Mərkəzi Kaliforniya Məşğulluq İnkişafı Departamenti və Alameda Kolleci arasında əməkdaşlıq əlaqəsi var. Burada əlavə peşə məsləhətləri, resurs kitabxanası, iş yarmarkaları, işə qəbul, CV yazmaq və iş axtarış strategiyaları seminarları təqdim edilir.[4]
Qiymətləndirmə Mərkəzi[redaktə | mənbəni redaktə et]
Mərkəz tələbələrə ingilis dili, yazı və oxu, riyaziyyat və s. fənlər üzrə bacarıq səviyyələrinə uyğun dərslər seçməkdə kömək edir. Tələbələr qiymətləndirmə testinin nəticələrinə əsasən kurs tövsiyələri alır və daha sonra ən uyğun olan dərsləri seçmək üçün məsləhətçi ilə görüşürlər. Kollecdə tədris olunan əksər fənlər üzrə bütün tələbələrə pulsuz qrup və ya fərdi dərslər keçirilir.
Uşaq Mərkəzi[redaktə | mənbəni redaktə et]
Uşaq mərkəzi tələbələrin, işçilərin və icma üzvlərinin uşaqlarına xidmət göstərir. Mərkəz 7:45-dən 17:15-dək açıqdır.
Qeydiyyat mərkəzi[redaktə | mənbəni redaktə et]
Mərkəz 4 illik kollec və universitetlərə köçmək istəyən tələbələrə kömək etmək üçün müxtəlif xidmətlər təqdim edir. Məktəb tələbələri eyni vaxtda kollecdə xüsusi qiyabi tələbə kimi qeydiyyatdan keçə və hələ orta məktəbdə oxuyarkən kollec kreditləri qazana bilərlər. Bu, məktəb direktoru vasitəsilə təşkil edilir.
Genişləndirilmiş Proqramlar və Xidmətlər[redaktə | mənbəni redaktə et]
Alameda Kolleci, təhsil karyeralarına mane olan təhsil, iqtisadi, sosial, mədəni və ya dil problemləri olan tələbələr üçün Genişləndirilmiş Proqramlar və Xidmətlər proqramı təklif edir. Mərkəz tələbələrinə göstərilən dəstəkləyici xidmətlərə peşəkar məsləhət və həmyaşıdlarla məsləhətləşmə, prioritet qeydiyyat, tutorial xidmətlər, karyera və akademik rəhbərlik, maliyyə və kitab satın alma yardımı, Kaliforniya Universitetinə qəbul üçün yardım və ödənişdən azad olma daxildir.[5]
Əlilliyi olan tələbələr üçün proqramlar və xidmətlər[redaktə | mənbəni redaktə et]
Alameda Kollecinin proqramı Alameda Kollecində təhsil alan əlilliyi olan tələbələr üçün təhsil və peşə dəstəyi xidmətləri göstərir. Proqramlar öyrənmə vərdişlərinin qiymətləndirilməsi, məsləhət və təlimə yönəldilir. Xüsusi ehtiyacı olan tələbələrin kompüterə çıxışının asanlaşdırılması, beyin zədəsi olan tələbələrin idrak bacarıqlarının təkmilləşdirilməsi vasitəsi kimi kompüterlərdən istifadə bacarıqların öyrədilməsini təmin edir.[6]
İstinadlar[redaktə | mənbəni redaktə et]
- ↑ Integrated Postsecondary Education Data System. 1992.
- ↑ "Arxivlənmiş surət". 2024-03-05 tarixində arxivləşdirilib. İstifadə tarixi: 2024-05-07.
- ↑ "Arxivlənmiş surət". 2023-12-22 tarixində arxivləşdirilib. İstifadə tarixi: 2024-05-07.
- ↑ "College of Alameda – Changing the Standards of Education". Alameda.peralta.edu. 2012-07-07 tarixində arxivləşdirilib.
- ↑ "EOPS/CARE". alameda.peralta.edu. 2010-06-29 tarixində orijinalından arxivləşdirilib. İstifadə tarixi: 2009-10-31.
- ↑ "DSPS". alameda.peralta.edu. 2013-06-24 tarixində arxivləşdirilib. İstifadə tarixi: 2024-05-07.
