Ayşənur Yazıcı
| Ayşənur Yazıcı | |
|---|---|
| Ayşenur Yazıcı | |
| Doğum tarixi | 13 sentyabr 1958 (65 yaş) |
| Doğum yeri | |
| Fəaliyyəti | yazıçı |
| aysenuryazici.com | |
Ayşənur Yazıcı (13 sentyabr 1958, Elazığ) – Türkiyəli aparıcı və yazıçı.
A.Yazıcı Ərzurumlu zabit ata və Elazığlı müəllim ananın ilk övladı olaraq dünyaya gəlib. O, ibtidai təhsilini Anadolunun müxtəlif yerlərində, orta məktəbi Parisdə, liseyi Ankara Tofiq Fikrət Liseyində, universiteti Fransanın Lion şəhərindəki Rhone Akademiyasında bitirib, kosmetologiya və səhnə kino sənəti üzrə təhsil alıb.
1983-cü ildə İzmir TRT-də işləməyə başlayıb. TRT-dəki işinə davam edərkən Christian Dior şirkətinin Türkiyə nümayəndəliyində 5 il texniki müdir və təlimatçı olaraq çalışıb. Printemps mağazalarının reklam, animasiya və ictimaiyyətlə əlaqələr müdiri vəzifəsində olduğu illərdə geniş çərçivəli kosmetika promosyonların ilk tətbiqçisi və təbliğatçısı olub. O, 1984-cü ildə evlənib, lakin 1986-cı ildə boşanıb. Onun bu evlilikdən 1986-cı ildə Kərəm adında bir oğlu dünyaya gəlib. 1989-cu ildə isə indiki soyadını hələ də istifadə etdiyi Cem Yazıcı ilə evlənsə də 1996-cı ildə onunla da boşanıblar. [1]
1990-2011-ci illər arasında özəl televiziyalarda və TRT-də diktor və veriliş aparıcısı kimi işləyib. [1] Onun bu peşə üzrə 50-dən çox mükafatı var. O, Türk Dil Qurumu tərəfindən ən böyük mükafat olan “Türkəci ən yaxşı istifadə edən diktor” mükafatına layiq görülüb.
O, Zülfü Livanelinin “Şahmeran” filmində dünyaca məşhur maestro Serj Mentelet ilə birlikdə işləyib. 1990-cı ildən bəri müxtəlif həftəlik jurnallarda kosmetologiya ilə bağlı yazılar, psixoloji testlər hazırlayıb və yayımlayıb. A.Yazıcı həmçinin qəzetlərdə köşə yazıları yazıb.
Müəllifin Epsilon nəşriyyatında nəşr olunmuş "Ekmek arası hayat", "Bedriye", "Kadınlar ağlar", "Makyajda sihirbazlık numaraları", "Son 13 Gün", "Sizin hikayenizi çaldım", Boyner Nəşriyyatı tərəfindən nəşr edilmiş "Yaşama yetişemeyenlere mucize çözümler" və Doğan (Edmont) nəşriyyatında nəşr edilmiş "Sensin mağara adamı", Nemesis kitabından "Dil Kafirleri"(diksiyon kitabı),"Çocuk gelin","Dön Muazzez","Son Lobotomi","Kendinden utanmak" kimi kitabları var. TRT 1-də “Sütlü Kahve” adlı proqramının yayımı dayandırıldıqdan sonra "Yılın TV Aile medya etik" mükafatına layiq görülüb. O, antoloji şeir müsabiqəsində mükafat qazanıb. A.Yazıcı universitetlərdə rənglərlə terapiya və onun həyata təsiri, düşüncə gücünün həyatımıza təsiri mövzusunda seminarlar verir. O, universal enerjidən istifadə texnikasına əsaslanan təlim olan Reiki üzrə ustaddır.
İngilis, fransız dillərini bilən yazıçının bir övladı var.
Filmoqrafiya[redaktə | mənbəni redaktə et]
Benden ne olur? – Güzin Bal (2022)
Hadi be oğlum – (2018)
Küstüm Çiçeği – (2010)
Sıkı Dostlar – (2009)
Anadolu Kaplanı - Neriman (2006)
Kitabları[redaktə | mənbəni redaktə et]
• Bedriye, dekabr / 2002. ISBN 975-331-408-6
• Ekmek Arası Hayat, may / 2002
• Kadınlar Ağlar, dekabr / 2004
• Makyajda Sihirbazlık Numaraları, iyul / 2007
• Sizin Hikayenizi Çaldım, iyul / 2007
• Son On Üç Gün, may / 2006
• Yaşama Yetişemeyenlere Mucize Çözüm Hikayeleri, yanvar / 2007
• Sensin Mağaraa Adamı, noyabr / 2008
• Makyajda Sihirbazlık Numaraları, mart, 2010
• Dil Kâfirleri Diksiyon yardımcı el kitabı, 2009
• Dön Muzazzez, 2009
• Son Lobotomi, 2010
• Ke(n)di(n)den Utanmak, 2011
İstinadlar[redaktə | mənbəni redaktə et]
- ↑ 1 2 "Arxivlənmiş surət". 2020-08-13 tarixində arxivləşdirilib. İstifadə tarixi: 2023-09-04.