Azərbaycan Beynəlxalq Bankı

Azərbaycan Beynəlxalq Bankı
Növü	Qapalı Tipli Səhmdar Cəmiyyət
Yaranma tarixi	1992
Baş qərargahı	Bakı, Azərbaycan
Rəhbərlik	Cahangir Hacıyev
İşçiləri	1.211 nəfər (31 Mart 2011)
Gəliri	457 milyon ABŞ Dolları (2008)
İstiqaməti	Bank sektoru
Saytı	http://www.ibar.az

Azərbaycan Beynəlxalq Bankı Azərbaycan Respublikasında dövlət idarəsində olan bankdır. Bakıda baş ofisi yerləşməklə bank 36 filial və 40 şəhərdə 95 xidmət şöbəsinə malikdir. Azərbaycan Maliyyə Nazirliyi bankın əss səhmdarıdır və 50,2 faiz paya malikdir. Bank Azərbaycan bank sisteminin ümumi aktivlərinin 40-50 faizinə malikdir. Azərbaycanda 10 böyük bankdan biri olmaqla bank akitləvlərin 44,2%-ə, istiqrazların 47,6%-ə, pərakəndə satış istiqrazlarının 15,7%-ə, depozitlərin 39,4%-ə, kapitalın 30,5%-ə və bank sektoru mənfəətlərinin 44,3%-ə malikdir. 2008-ci ilin may ayında Azərbaycan Avrobond və American Express kredit kartlarının istehsalı üzrə Azərbaycanda mərkəzi mövqe daşımışdır. 2008-ci ilin iyul ayında bank ABŞ Federal ehtiyat Sistemindən Nyu York şəhərində nümayəndəliyini açmaq haqqınca icazə əldə etmişdir. Bank beynəlxalq səviyyədə inkişaf edir. 2012-ci ilin ilk altı ayında Azərbaycana birbaşa investisiya 2,2 milyard ABŞ dollar təşkil etmişdir, bu rəqəm bir il əvvələ nisbətən 27 faiz çoxdur. Bir sektor olaraq Azərbaycan bankları Azərbaycan iqtisadiyyatına 2012-ci ilin sentyabrında 2011-ci ilin sentyabrı ilə müqaisədə 8,2 faiz artıq borc vermişlər. Dr. Cahangir Hacıyev banka 1995-ci ildə banka kredit komitəsinin sədri və kredit və investisiyalar şöbəsinin direktoru kimi daxil olmuşdur. O, 2001-ci ildən banka sədrlik edir.

Tarixçə

1990

• SSRİ Xarici İqtisadi Bankının Azərbaycan şöbəsi kimi yaradılmışdır. Vaqif Əhmədov ilk İdarə heyətinin sədri təyin edilir.

1992

• Azərbaycan Respublikası Prezidentinin 10 yanvar 1992-ci il tarixli 545 nömrəli Fərmanı ilə səhmlərinin nəzarət paketi dövlətə məxsus olan səhmdar bankına çevrilmişdir. Vaqif Əhmədov bankın Prezidenti – İdarə heyətinin sədri təyin edilir.
• Bank, 1992-ci il dekabrın 30-da bank fəaliyyətinin həyata keçirilməsi üçün Azərbaycan Milli Bankının Baş lisenziyasını alır.

1993

• Bank Bakı Banklararası Valyuta Birjasının həmtəsisçisi və tam hüquqlu üzvü olur.

1994

• Bank Europay Intenational və Reuters beynəlxalq ödəniş sistemlərinin tam hüquqlu üzvü olur.
• Fitch IBCA beynəxalq reytinq agentliyi Banka "B" reytinqi verir.

1995

• Bank SWIFT (Ümumdünya Banklararası Maliyyə Telekommunikasiyaları Cəmiyyəti) üzvü olur.
• Fuad Axundov İdarə heyətinin sədri təyin edilir.

1996

• Bank əhalinin bütün təbəqələrinə, həm fiziki, həm də hüquqi şəxslərə maksimum mümkün olan klassik və müasir xidmətlər dəstinin təklif edilməsini nəzərdə tutan "Universal Bank" strategiyasını qəbul edir.
• Bank AzəriKard prossesinq şirkətinin həmtəsisçisi olur və plastik kartlara xidmət etməyə başlayır.

1997

• Bank Europay/MasterCard International beynəlxalq ödəniş sisteminin plastik kartlarının buraxılışına başlayır.
• Bank VISA International beynəlxalq ödəniş sisteminin tam hüquqlu üzvü olur.
• Moskvada, MDB-nin maliyyə mərkəzində Bankın nümayəndəliyi açılır.
• Bank özünün bankomatlar şəbəkəsinin yaradılmasına başlayır.

1998

• Bank Bakı Fond Birjasının tam hüquqlu üzvü və həmtəsisçisi olur.

2001

• Azərbaycanın bank sistemi tarixində ilk dəfə olaraq, Bank "Raiffeizenbank" başda olmaqla Avstriya banklar konsorsiumundan 6 il müddətinə sindikatlaşdırılmış kredit alır.
• Cahangir Hacıyev İdarə heyətinin sədri təyin edilir.

2002

• Fitch IBCA beynəlxalq reytinq agentliyi Banka "B+positive" reytinqi verir.
• Bank nizamnamə fondunun həcminə görə ölkənin sığorta bazarında ən iri şirkət olan "Beynəlxalq Sığorta Şirkəti"-nin təsisçisi və yeganə sahibi olur (nizamnamə fondunun həcmi 5 milyon ABŞ dolları təşkil edir).
• Bank Rusiya Federasiyasının Moskva şəhərində nizamnamə fondu 10 milyon Avro olan "Azərbaycan Beynəlxalq Bankı – Moskva" törəmə strukturunu təsis edir. Bu, Azərbaycan bankının ölkənin hüdudlarından kənarda fəal işləyən törəmə strukturu yaratdığı ilk haldır.
• Böyük Britaniyanın London şəhərində bankın nümayəndəliyi açılır.

2003

• Ölkə bazarında tutduğu mövqelərini nəzərə alaraq, Bank Ümummilli İnkişaf Bankı strategiyasını qəbul edir.
• İnternet Banking xidmətinin tətbiqinə başlanmışdır
• "ABB-Moskva" MMC-nin Sankt-Peterburq şəhərində filialının açılışı olmuşdur.
• ABB "AzəriKard" prosessinq şirkətinin 100%-li səhmdarı olmuşdur.
• ABB-nin 90-mininci plastik kartı buraxılmışdır.

Maliyyələr

Bazar mövqeyi

2012.ci ilin iyulun 1-də ABB aşağıdakı sector mövqelərinə malik olmuşdur:

• Azərbaycan bank bazarının 35%-i
• İstiqraz portfeli bazarının 30%-i
• Ümumi depozit portfelinin 35%-i

Maliyyə mövqeyi

2012-ci ilin 1 oktyabrında ABB-in ümumi kapitalı 594,1 milyon manat olmuşdur.

Depozitlər

ABB-ın depozitləri 2012-ci ilin əvvəlinə nisbətən 20,2% artmışdır. Ümumi depozit məbləği 1165 milyard manat təşkil etmişdir.

Aktivlər

2012-ci ilin ilk 6 ayında ABB aktivlərini 13% artıraraq 5,5 milyard manata çatdırmışdır. Artım korporativ kreditləşmə və pərakəndə satış kreditinə əsaslanır. Əsas aktivlər üzrə rəqəmlərə daxildir:

• 2010 – 46% capital artımı
• 2011 – mənfəət 13milyon manat təşkil edib
• 2012 – kapital 100 milyon manata qədər artıb
• 2012 – kredit portfeli 4,6 milyard manat təşkil edib

American Express ilə əməkdaşlıq

2012-ci ilin 3 noyabrında ABB və American Express arasında əməkdaşlıq sövdələşməsinin imzalanması haqqında məlumat verildi. "Azərbaycan Beynəlxaql Bankının məlumatına əsasən bu razılaşma Azərbaycan Beynəlxalq Bankı və American Express arasında münasibətlərin inkişafında yeni addım olacaq."

İslam bankçılığı

2012-ci ilin sentyabrında Mərkəzi Asiyanın ümumi xəbər agentliyi ABB və İslam İnkişaf Bankının bir hissəsi olan Özəl Sektorun inkişafı üzrə İslam Əməkdaşlığı arasında 20 milyon ABŞ dollar məbləğində “kommersiya məqsədli Murahaba razılaşması” imzalanmışdır. Müqavilə bir il üçün nəzərdə tutulub və kimyəvi madələrin ticarətinə dəstək xarakteri daşıyır. ABB-ın islam bankçılığı departamentinin direktoru Bəxnam Qurbanzadə bu müqavilənin ABB-ın tarixində şəriət qaydalarına əsasən imzaladığı ilk müqavilə olmuşdur. 2012-ci ilin sentyabrında da İqtisadi Xəbərlər (OreandaMəlumat Agentliyi) ABB-in üçücü Qlobal İslam Maliyyə forumunda iştirak etməyə dəvət edilməsi və ABB-in Azərbaycanı forumda təmsil etməsi haqqında hesabat vermişdir. Forum sentyabr ayında Kuala Lumpurda həyata keçirilmişdir və forumun mövzusu belə idi - İslam Maliyyələşməsi: İqtisadiyyatlararası körpü.

ABB Liderliyi

2012-ci ilin oktyabrında, Azərnyus Azərbaycanın islam maliyyələşməsində regional mərkəzə çevrilməsini bəyan etmişdir. Məqaləyə əsasən, "İslam maliyyələşməsi dünyada qlobal maliyyə xidmətləri sənayesinin ən tez inkişaf edən seqmentlərindən biridir. Azərbaycan Beynəlxalq Bankı, ölkənin lider bankı, bu yaxınlarda islam bankçılığı departamentini yaratmışdır. . ." Məqaləyə əsasən Azərbaycan Beynəlxalq Bankı aşağıdakı islam bankçılığı xidmətlərini təqdim edəcək:

• Murahaba (qiymətli metallarla əməliyyatlar)
• Mudaraba (depozit əməliyyatları)
• Vakala (maliyyə xidmətləri)
• Icara (lizinq)
• Qard-al-Hasan (müştəri xidmətləri)

Bazarın genişləndirilməsi

Reuters xəbər agentliyinin məlumatına əsasən, ABB islam krediti vasitəsilə 2012-cü ildə 150 milyon ABŞ dollar əldə etməyi planlaşdırır. Bankın məqsədi 2012-cü ildə İslam bank aktivlərini 60 milyon ABŞ dollarından 120 milyon ABŞ dolların artırmaqdır.

• Kredit “bir illik özəl sindikatlaşma” vasitəsilə fəaliyyət göstərəcək, bu əməliyyat Azərbaycanda bu tipli ilk əməliyyat olacaq və ABB-ə 9 milyonluq əhalisinin 93%-I müsəlman olan ölkədə xidmət göstərməsinə kömək edəcək."
• ABB hal-hazırda islam pəncərəsi vasitəsilə şəriət qaydalarına əsaslanan məhsullar təklif edir, bu məhsullar faizlərə və sırf pul möhtəkirliyinə qadağa kimi dini prinsiplərə riayət edir."

ABB-ən təqdim etdiyi islam bankçılığı məhsullarına daxildir:

• Kiçik biznes kreditləri
• Avtomobil maliyyələşməsi
• Əmlak maliyyələşməsi
• İxracla bağlı fəaliyyətlərin maliyyələşməsi

Sədr Hacıyev

Dr. Hacıyevə müxtəlif beyəlxalq mükafatlar verilmişdir. 2012-ci ildə Dr Hacıyev “İlin Lideri” və EMEA Finance Britaniya jurnali tərəfindən “Ən yaxşı Baş İcraçı director” mükafatına laiq görülüb.

Milli Liderlik

Sədr Hacıyev milli bank liderliyinə görə tanınıb. O, Azərbaycanda lisenziyalı bankların sayı kimi məsələlərdə güclü mövqeyə malikdir. Sədr Hacıyev inanır ki, Azərbaycanda bankların optimal sayı 20-dir. Sədr Hacıyev jurnalistlərə bildirmişdir ki, “Mən bazar qanunlarına həmişə dəstək vermişəm. səlahiyyətli kapitalı artırmaq istəyən banklar bunu edəcəklər, çünki bu, yüksək mövqe əldə etməyə ehtiyac duyan banklar üçün vacibdir”.

Beynəlxalq liderlik

TheCityUK

Sədr Hacıyev ABB-in Xəzər regionundan ilk üzv kimi TheCityUK-a qoşulmasına təkan vermişdir. TheCityUK Birləşmiş Krallıqlarda maliyyə və peşəkar xidmətlər sənayesinə dəstək üzrə yeni, müstəqil qurumdur. "Biz Azərbaycan və Birləşmiş Krallıqlar arasında korporativ münasibətlərin genişləndirilməsi imkanına görə təşəkkür edirik. TheCityUK heyətinin yüksək peşəkarları yeni bazarın inkişafı ilə ahəng təşkil edən biznesdə yüksək standartlara təkan verirlər," sədr Hacıyev dedi.

Xəzər dənizi Dəhlizi Konfransı

Sədr Hacıyev vacib regional və qlobal iqtisadi konfranslarda Azərbaycanı tanıtmaq üçün liderlik rolunu öz üzərinə götürmüşdür. 2012.ci ilin noyabr ayında Londonda Xəzər dənizi Dəhlizi Konfransı keçirilmişdir və Sədr Hacıyev bu konfransa rəhbərlik etmişdir. Konfrans Xəzər dənizi ölkələrinin üzləşdiyi problem və imkanları araşdırmaq və biznes həllərini inkişaf etdirmək üçün hökümət, biznes və mətbuat sahələrində qlobal liderləri bir araya gətirmişdir. ABB tədbirin sponsor olmuşdur.

Direktorlar Şurası

ABB direktolar şurasının dörd üzvü var:

• Cahangir Hacıyev, İdarə Heyətinin Sədri
• Emil Mustafayev, İdarə heyətinin sədrinin birinci müavini
• Vaqif Əkbərov, İdarə heyətinin sədr müavini
• Qubad Hüseynov, İdarə heyətinin sədr müavini

Peşəkar üzvlüklər

ABB aşağıdakı peşəkar təşkilatlar və sistemlərin üzvüdür:

• Azərbaycan Banklar Assosiasiyası (ABA)
• Bakı Banklararası Valyuta Birjası (BBVB)
• Bakı Fond birjası (BFB)
• Ümumdünya banklararası maliyyə telekommunikasiyalar birliyi (SWIFT);
• MasterCard International beynəlxalq ödəniş sistemi;
• VISA International beynəlxalq ödəniş sistemi;
• American Express beynəlxalq ödəniş sistemi;
• Reuters beynəlxalq məlumat-dilinq sistemi;
• Mərkəzi və Şərqi Avropa Banklar Assosiasiyası (BACEE);
• Qlobal İnkişaf edən Şirkətlər Cəmiyyəti (GGC);
• Ümumdünya İqtisadi Forumu (WEF)

Filiallar və şöbələr

ABB-ın bir sıra filialları mövcuddur:

• ABB-Moskva
• Azərbaycan Beynəlxalq Bankı - Gürcüstan
• Beynəlxalq Sığorta Şirkəti
• AzəriKard MMC
• BusinessRabita

ABB-Moskva

ABB-Moskva ABB-ın Moskvada yerləşən törəmə bankıdır. ABB.Moskva qeydiyyatdan keçmiş Rusiya məhdud məsuliyyətli cəmiyyətidir. Şirkət 125009, Moskva, Tverskaya 6 küç 2 ünvanında yerləşir. ABB-Moskva 2002-ci ildə fəaliyyətə başlamışdır. İlkin məramı Rusiyada yaşayan Azərbaycan vətəndaşlarına xidmət göstərməklə Rusiya və Azərebaycan arasında ticarət və iqtisadi əaqələri dərinləşdirməkdən ibarətdir. Bank Sankt.Peterburq və Ekaterinburqda iki filial və 50 bankomata malikdir. Orporativ müştərilərə daxildir:

• AZAL
• Crocus International
• RusAvto
• Metropolis
• Mosazervinzavod
• InterProConsulting
• Rusbiznessinvest
• Moskviç Hotel
• Belrusnefteqaz
• Rosoxotribolovsoyuz

Azərbaycan Beynəlxalq Bankı – Gürcüstan

Azərbaycan Beynəlxalq Bankı – Gürcüstan ABB-ın 2007-ci ildə yaradılmış Tbilisi, Gürüstanda yerləşən filialıdır. Bank depozit və kommersiya məqsədli bank xidmətləri təklif edir. Xidmətlərə daxildir:

• Valyuta mübadiləsi
• Pul köçürülməsi
• Depositlər
• Kredit

ABB Gürcüstan Gürcüstanın Bank Assosiasiyasının, Tbilisi Banklararası Valyuta Birjasının və Mərkəzi və Şərqi Avropa üzrə Banklar Assosiasiyasının üzvüdür. 2010-cu ilin sonunda qazanılmış aktivlər il ərzində 35% artmışdır. Gəlirlər və mənfəətlər müvafiq olaraq 104% və 87% artmışlar.

Filiallar

ABB Müştərək Lizinq Qapalı Şirkətində 47,6% və Bakı Banklararası Valyuta Birjasında 20% paya malikdir.

Mükəmməl Beynəlxalq İnvestisiyalar

Birləşmiş Ərəb Əmirlikləri

İyun ayında, Azər Press Xəbər Agentliyi bankın Birləşmiş Ərəb Əmiriyində toxuculuq zavounun tikintisini maliyyələşdirməsi haqqında məlumat vermişdir.

Yerli investisiyalar

AzMeCo

ABB Azərbaycanın methanol istehsalı şirkəti AzMeCo-ya kapital maliyyəsi ayırmışdır. 2012-ci ilin noyabrında AzMeCo Azərbaycanda AzMeCo zavodunda istehsal olunmuş metanolun satışı, alışı və marketinqi üzrə BP ilə müqavilə imzalamışdır. Bu proses 2013-cü ildə başlayacaq. Zavodun tikintisi üzrə ümumi xərc 360 milyon ABŞ dolları olacaq.

Mədən sahəsinə investisiyalar

Qızıl çıxarma şirkəti Anglo-Asian Mining PLC “təşviqat (qəlivləşdirmə (metallurgiya)) zavodunun tikintisi üçün ABB-dən 30 milyon ABŞ dollar götürmüşür. ABB həmçinin əlavə olaraq 42 milyon ABŞ dollarını Anglo-Asian Mining şirkətinə təqdim edə bilmə imkanı haqqında məktub da təqdim etmişdir. Şirkət Gədəbəydə qızıl və mis çıxarılması üzrə yeni zavod tikəcək.

İnnovasiyalar

Pensiya üzrə bankomatlar

ABB Azərbaycanda pensiyaları idarə edən banklardan biridir. 2013-cü ildə insanların pensiyalarını daha asanlıqla əldə edə bilmələri üçün yeni bankomatlar təqdim edəcək.

ARDNŞ

ABB Azərbaycan Dövlət Neft Şirkətində mühüm maliyyə roluna malik olmuşdur. 2011-ci ildə ARDNŞ-in ABB-ə olan borcu 680 milyon manat təşkil etmişdir. Digər maliyyə rəqəmlərinə aiddir:

• 55 milyon manat qısa müddətli borclar
• 625 milyon manat uzun müddətli borclar

Son istiqraz tarixinə aşağıdakılar daxildir:

• May 2008-ci il – 530,6 milyon manat.
• Yan. 2009-ci il – 6,5 milyon manat.
• 21 iyul, 2009-cu il – 750 milyon manat
• 27 iyul, 2009-cu il – 337 milyon manat

==2012==

İdarə Heyətində yeni üzvlər

2012-ci ilin noyabrında bank idarə heyətində yeni üzvləri elan etdi: Sədr müavini

• Emil Mustafayev və Qubad Hüseynov həm idarə heyətinin üzvləri, həm də İdarə Heyətinin sədr müavinləri təyin olundular.

Vitse prezident

• Vaqif Əkbərov idarə heyətinin üzvü və vitse-prezident təyin olundu.
• Rəşad Hacıyev təzəlikcə idarə heyətinin üzvü və vitse-prezident təyin olundu. Əvvəllər o, ABB-nin Mərkəzi xəzinədarlıq şöbəsində direktor vəzifəsində olmuşdur.

Bankın idarə heyəti bu tərkibdə 2015-ci ilin iyul ayına kimi qalacaq.

Dividendlər

2012-ci ilin noyabr ayında səhmdarlar bölüşdürülməmiş mənfəətin 63%-nin dividend olaraq ödənilməsinə dair səs vermişlər. Təqribən 8,6 miyon manat dividend olaraq ödəniləcək. 2009, 2010 və 2011-ci illərdə bankın xalis mənfəəti 200,958 milyon manat olmuşdur. Gəlir 1,2 milyard manat təşkil etmişdir.

Fitch reytinqləri

2012-ci ilin sonunda flitch reytinqləri ABB-nin dayanıqlıq reytinqini B ilə yeniləmişlər. Flitch dayanıqlıq reytinqini bir neçə səbəbə görə yeniləmişdir:

• Fitch 2012-ci ildə ABB-nin tənzimlənən capital tələblərinə uyğunlaşmasını gözləyir.
• Problemli borclara qarşı ehtiyatlar artmışdır.
• Bankın maliyyəsi sabitdir.
• Bank hal-hazırda dəstəklənən əməliyyat mühitində fəaliyyət göstərir.
• Azərbaycanda qeyri-neft iqtisadiyyatı yüksək inkişafa malikdir.

Qızıl ehtiyatları

2012-ci ildə ABB qızıl məhsullarında 350% inkişafa nail olub. Qızıl məhsullarına edilən ümumi depozitlər 1,5 milyon manat olmuşdur. ABB 2011-ci ilin noyabrında qızıl depoziti məhsullarını təklif etməyə başlamışdır.

Beynəlxalq mükafatlar

Bank Qlobal Maliyyə jurnalının 2012-ci ildə Dünyanın ən yaxşı Bankları sırasında Azərbaycanda ən yaxşı bank adına laiq görülmüşdür. Qlobal Maliyyə sıralamanı belə əsvir edir: "Qaliblər heç də həmişə ən böyük banklar deyil, ən yaxşı banklar olur – korporasiyalar seçərkən keyfiyyətə malik banklar. Bunlar səmərəli risk menecmenti sistemlərinə, keyfiyyət xidmətinə və korporativ idarəetmədə ən yaxşı təcrübələrə malik banklardır." 2012-ci ildə ABB Business New Europe jurnalı tərəfindən “Avrasiyada başlıca 200 bank” arasında 38-ci sırada dayanmışdır. ABB bu siyahıda Azərbaycandan yeganə bank olmuşdur.

İnkişaf etməkdə olan bazarlarda ən yaxşı bank

2012-ci ildə Global Finance Magazine ABB-ni dünyanın ən yaxşı inkişaf etməkdə olan bazara malik banklarından biri adlandırmışdır.

İnvestisiya mələyi

2011-ci ildə MDB-nin Beynəlxalq Bankçılıq Konfransında Kreditorlar üzrə Beynəlxalq Təşkilat ABB-nı İnvestiisya Mələyi mükafatı ilə təltif etmişdir.

Dünya İqtisadi Forumu

Sədr Hacıyev Azərbaycan Beynəlxalq Bankını beynəlxalq səviyyədə tanıdıb. 2007-ci ildə Business Wire hesabatında bildirmişdir ki, bank Qlobal şəkildə inkişaf edən şirkətlərin qlobal İqtisadi Forumunda başlıca üzv olmuşdur. Məqaləyə əsasən: "Beynəlxalq Bank Qafqazda və Xəzər dənizi regionunda ilk Qlobal İnkişaf edən Şirkətdir. ABB Cənubi Qafqazda ən güclü maliyyə qrupu olduğuna və maliyyə xidmətləri və fərqli inkişafa görə beynəlxalq təcrübələrin daşıyıcısı olmasına görə seçilmişdir. . . Yeganə Milli İnkişaf Bankı olmaqla ABB iqtisadiyyatın müxtəlif sahələrində vahid rola mlaikdir. O, maliyyə xidmətləri, infrastruktur, texnologiya və daxildə iqtisadi inkişafa dəstək verən və qlobal iqtisadiyyata Azərbaycanın inteqrasiyasını sürətləndirən istehlakçı xidmətləri kimi qeyri-neft sahələrinə çoxsaylı investisiyalar etmişdir."

Əsas Göstəriciləri

Azərbaycan Beynəlxalq Bankının səhmlərinin 50,2%-i dövlətə, 49,8%-i isə özəl hüquqi və fiziki şəxlərə məxsusdur. ABB ölkənin bank sektorunda üstün mövqeyə malikdir: yerli bank sisteminin aktivlərinin 42%-i, kreditlərin 43%-i, depozitlərin 36%-i və əmanətlərin 24%-i məhz ABB-nin payına düşür. 2011-ci ildə Moody’s beynəlxalq reytinq agentliyi Azərbaycan Beynəlxalq Bankının (ABB) özəlləşdirilməsinin bankın reytinqinə müsbət təsir edəcəyi barədə proqnoz verib. Agentliyin məlumatında deyilir ki, özəlləşdirmə uzunmüddətli proses olacaq və onun 2011-ci ildə baş tutacağı gözlənilmir. Agenltiyin gözləntilərinə görə, səhmlərin emissiyası nəticəsində bankın kapitalı nəzərə çarpan dərəcədə artacaq. 2011-ci ilin iyul ayına olan məlumata görə bankən aktivləri ilin əvvəlindən 8% artaraq 4,951 mlrd. manata çatıb. Buraya 955 mln. manat həcmində olan bank tərəfindən Mərkəzi Bankın xətti ilə maliyyələşdirilən dövlət layihələri aid deyil. İyun ayının sonuna bankın müştərilərin sayı 767 minə çatıb ki, bunun 753 mini fiziki şəxslərdir. Bankın nizamnamə kapitalı 240 mln. manat, balans kapitalı isə 689 mln. manat təşkil edib. Yarım il ərzində bank xarici mənbələrdən 250 mln. dollar həcmində vəsait cəlb edib. Hal-hazırda ABB-yə məxsus aktiv bank kartlarının sayı 1,8 mln. ədəddir.

Qeyd edək ki, ABB ölkə bankları sırasında ən yüksək beynəlxalq reytinqlərə malikdir. Belə ki, "Fitch Rating" agentliyi tərəfindən verilən reytinqi "BBB-" səviyyəsindədir ki, bu da ölkənin reytinqinə bərabərdir. "Moody’s Investors Service" agentliyi isə Banka "BA2" səviyyəsində reytinq verib və reytinq üzrə proqnozunu "Pozitiv"ə yüksəldib. Böyük Britaniyanın "The Banker" jurnalı isə dünyanın ən iri və maliyyə dayanıqlı 1.000 bankı siyahısında ABB 958-ci yeri tutub. MDB ölkələrinə aid olan banklar arasında isə Azərbaycan Beynəlxalq Bankı kapitalın həcminə görə 33-cü yeri tutur.

Xarici Ölkələrdə Fəaliyyəti

Gürcüstan

Azərbaycan Beynəlxalq Bankı-Gürcüstan (ABB-Gürcüstan) 2006-cı il noyabrın 16-da yaradılmışdır və 100% xarici kapitala malik Gürcüstanın rezident bankıdır. Bankın qeydiyyatdan keçmiş və ödənilmiş nizamnamə kapitalı 12 milyon Gürcüstan larisidir (təxminən 7 milyon ABŞ dolları). Səhmlərinin 75% Azərbaycan Beynəlxalq Bankı ASC-yə məxsusdur. ABB-Gürcüstan universal Bank kimi hüquqi və fərdi şəxs olan müştərilərə müxtəlif çeşidli xidmətlər göstərir. "ABB-Gürcüstan" Gürcüstan Respublikası, Tiflis şəhəri, Leonidze küçəsi 1 ünvanında yerləşir. ABB-Gürcüstanın baş direktoru Samir Vəliyevdir. 2010-cu ilin hesabatında göstərilib ki, "ABB-Gürcüstan"ın vaxtı keçmiş kreditlərin (non-performing loans) ümumi kreditlərdə payı Azərbaycandakından bir qədər çox – 28%-dir. Bu Gürcüstan üzrə orta rəqəmdən də 2 dəfə çoxdur. Həmin ilin oktyabr ayında isə "Azərbaycan Beynəlxalq Bankı – Gürcüstan" VISA International plastik bank kartlarının emissiyasına başlayıb. Bank rəhbərliyi həmçinin Gürcüstanda "Maaş kartı" layihəsində iştirak etmək üçün korporativ müştəriləri dəvət etməyi düşünür. Layihə çərçivəsində şirkət əməkdaşları əmək haqqını və digər ödənişləri bank kartları vasitəsilə alacaqlar. 2011-ci ildə ABB-Gürcüstan Bakı-Tiflis-Qars dəmir yolu layihəsi çərçivəsində Gürcüstana əlavə maliyyə vəsaitinin ayrılmasına dair kredit verilməsində iştirak edib. Kredit 25 il müddətinə və illik 5%-lə verilir. 575 milyon dollar həcmində əlavə vəsaitin ayrılmasına səbəb Axalkələkdən Türkiyə sərhədinə qədər olan hissədə tikiləcək tunelin istiqamətinin dəyişdirilməsi və Marabda-Axalkələk sahəsində 160 km-lik mövcud dəmir yolunun reabilitasiya və rekonstruksiya olunmasıdır. Vəsaitin Azərbaycan Beynəlxalq Bankının Gürcüstan nümayəndəliyi vasitəsilə iki tranşla ayrılması nəzərdə tutulur.

Rusiya

Azərbaycan Beynəlxalq Bankı – Moskva (ABB-Moskva) – 2002-ci il yanvarın 24-də yaradılmışdır və 100% xarici kapitala malik Rusiya Federasiyasının rezident bankıdır. ABB-Moskva Rusiyada MDB-dən olan ölkənin kapitalı əsasında açılmış ilk bankdır. Bankın nizamnamə kapitalı 10 milyon avrodur. Bank hüquqi və fərdi şəxs olan müştərilərə müxtəlif çeşidli xidmətlər göstərir. 2003-cü ilin iyun ayında Bank Sankt-Peterburq şəhərində özünün ilk filialını açmışdır. Hal-hazırda "ABB-Moskva"nın Moskva, Sankt-Peterburq və Yekaterinburqda 12 nümayəndəliyi fəaliyyət göstərir.

Nümayəndəlikləri

Şəhər	Qeyd
London	2002-ci ilin martında Bank rəhbərliyi Böyük Britaniyanın London şəhərində bankın nümayəndəliyinin açılması haqqında qərar qəbul etdi. Nümayəndəlik 2002-ci ilin dekabrında Müşahidə şurasının və Bank Direktorlar şurasının qərarına əsasən fəaliyyətə başladı. Nümayəndəliyin açılışında məqsəd Avropa və xüsusi halda Britaniya banklarıyla əməkdaşlığın həcmlərinin genişlənilməsi idi.
Frankfurt	2004-cü ilin martında Bank rəhbərliyi Almaniyanın Frankfurt şəhərində bankın nümayəndəliyinin açılması haqqında qərar qəbul etdi. Nümayəndəlik 2005-ci ilin yanvarında Müşahidə şurasının və Bank Direktorlar şurasının qərarına əsasən fəaliyyətə başladı. Nümayəndəliyin açılışında məqsəd Almaniya banklarıyla əməkdaşlığın həcmlərinin genişlənilməsi idi.
Lüksemburq	2007-ci ilin fevralında Bank rəhbərliyi Lüksemburqun paytaxtında bankın nümayəndəliyinin açılması haqqında qərar qəbul etdi. Nümayəndəlik 2007-ci ilin dekabrında Müşahidə şurasının və Bank Direktorlar şurasının qərarına əsasən işləməyə başladı. Nümayəndəliyin açılmasında məqsəd Avropa və xüsusi halda Lüksemburq banklarıyla əməkdaşlığın həcmlərinin genişlənilməsi idi.
Nyu-York	2007-ci ilin fevralında Bank rəhbərliyi Nyu-Yorkda bankın nümayəndəliyinin açılması haqqında qərar qəbul etdi. Nümayəndəliyin açılması icazəsi 31 iyul 2008-ci ildə əldə edilmişdir və 2009-cu ilin 2 yanvar tarixində nümayəndəlik öz fəaliyyətinə başladı. Nümayəndəliyin açılışında məqsəd Amerika banklarıyla əməkdaşlığın həcmlərinin genişlənilməsi idi.
Dubay	ABB-nin Dubayda (Birləşmiş Ərəb Əmirlikləri) nümayəndəliyi 2008-ci ilin noyabr ayından fəaliyyət göstərir.

Şəffaflıq

Azadlıq radiosunun 2011-ci ildə apardığı araşdırma nəticəsində Azərbaycan Beynəlxalq bankından külli miqdarda pulun yoxa çıxdığı məlum olub. Məsələ bankda audit yoxlamaları və hüquq-mühafizə orqanlarının məhkəmə müraciətlərindən bəlli olub. Bank və dövlət rəsmiləri isə gedən yoxlamaları və hətta həbsləri də ört-basdır etməyə çalışıblar. Ekspertlər isə Azərbaycan Mərkəzi Bankı ilə Beynəlxalq Bankın rəsmi hesabatlarının üst-üstə düşmədiyini bildirirdilər. İqtisadi və Sosial İnkişaf Mərkəzinin sədri Vüqar Bayramov bankın vəziyyətinin ürəkaçan olmadığını bildirmişdi.

Bu ilin iyul ayında ABB-nın səhmdarlarının keçirdiyi iclasda dividentlərin 2010-ci ildə verilməməsi və 2011-ci ildə verilməsi haqqında qərar qəbul olunub. Rəsmi rəqəmlərdə bankın mənfəətlə işləməsi ilə bağlı rəqəmlərə baxmayaraq bank artıq öz dividentlərini ödəyə bilmir. ABB bu gün ölkədə problemli kreditlərin həcminə görə birinci yerdədir. Ümumilikdə isə problemli kreditlərin həcmi ölkə üzrə 360 milyon manatdır. Bu problemli kreditlərin 190 milyon manatı ABB-nin payına düşür. Əlbəttə hər halda bankın maddi durumu bu gün ürək açan deyil. Buna baxmayaraq ABŞ-ın "Moody’s İnvestors Service" şirkəti ABB reytinq proqnozunu "Neqativ" səviyyədən "Stabil" səviyyəyədək qaldırmışdır. Amma dividentlərin verilməsi ilə bağlı müşahidə olunan problemlər, ölmüş kreditlərin həcmi ondan xəbər verir ki, Azərbaycan Beynəlxalq Bankının müəyyən maliyyə problemləri var. Hər halda bank dividentlər ödəyə bilmirsə, deməli bu bankın maliyyə vəziyyəti arzu olunan şəkildə deyil.

Vüqar Bayramov buna əsas səbəb kimi bankın kooperativ idarə olunma sisteminin iflasa uğramasını göstərib.