Bürhan Əliyev
 | Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 17 saat əvvəl Sura Shukurlu (müzakirə | töhfələr) tərəfindən redaktə olunub. (Yenilə) |
| Bürhan Əliyev | |
|---|---|
 | |
| Doğum tarixi | |
| Doğum yeri | Ağdaş, Azərbaycan SSR |
| Vəfat tarixi | (54 yaşında) |
| Vəfat yeri | Bakı, Azərbaycan |
Bürhan Muxtar oğlu Əliyev (24 sentyabr, 1964 −15 dekabr, 2018) — Azərbaycan həkimi, Səhiyyə əlaçısı (1998).
Həyatı[redaktə | mənbəni redaktə et]
24 sentyabr 1964-cü ildə Ağdaş şəhərində həyatını şagirdlərin təlim-tərbiyəsinə həsr edən bir ailədə böyüyüb boya-başa çatıb. Belə ki, atası Əliyev Muxtar Rəsul oğlu müəllim, anası Abdullayeva Minayə Məmməd qızı isə Ağdaş rayon Təhsil Şöbəsinin müdiri vəzifəsində çalışıb.
Bürhan Əliyev 1971-ci ildə Nizami adına Ağdaş şəhər orta məktəbinin birinci sinfinə qədəm qoyub, 1978-ci ilə kimi bu məktəbdə oxuyub. Sonra təhsilini Bakı şəhər kimya-biologiya təmayüllü məktəbdə davam etdirib. 1981-ci ildə həmin məktəbi nümunəvi qiymətlərlə başa vurub.
Bürhan Əliyev 1981-ci ildə N. Nərimanov adına Azərbaycan Tibb İnstitutunun (indiki Azərbaycan Dövlət Tibb Universiteti) stomatologiya fakültəsinə qəbul olub, 1986-cı ildə oranı bitirib.
İlk əmək fəaliyyətinə Ağdaşda həkim-stomatoloq kimi başlayıb. Əvvəlcə Ağdaş rayonunun Şıxlı kəndində, sonra isə Ağdaş Mərkəzi Rayon Xəstəxanasının poliklinika şöbəsində ixtisası üzrə fəaliyyətini davam etdirib. Rayonda bacarıqlı və savadlı həkim-stomatoloq kimi tanınıb. Ağdaş camaatının böyük hörmətini qazanan Bürhan Əliyev rayon üzrə baş stomatoloq-həkim təyin olunub və bu vəzifəni şərəflə icra edib.
Bürhan Əliyev 1999-cu ildən həyatının son gününədək Azərbaycan Respublikası Səhiyyə Nazirliyi Uşaq Stomatoloji Mərkəzinin ortodoktiya şöbəsinin müdiri vəzifəsində işləyib.
Bürhan Əliyev 15 dekabr 2018-ci ildə Bakıda vəfat edib.
Ailəsi[redaktə | mənbəni redaktə et]
Bürhan Əliyev 5 dekabr 1987-ci ildə ixtisasca həkim-stomatoloq olan Rəxşəndə xanım Əliyeva ilə ailə qurub. Rəşad və Rüfət adlı oğulları, Leyla, Bürhan, Aras adlı nəvələri var.