Bricit Bardo

Vikipediya, açıq ensiklopediya
Keçid et: naviqasiya, axtar
Bricit Bardo, 1962.

Bricit Bardo (28 sentyabr 1934)—məşhur Fransa aktrisası.

Həyatı[redaktə]

Bricit Bardo 28 sentyabr 1934-cü ildə ticarətçi ailəsində dünyaya gəlib. Anasının istəyi ilə o və bacısı uşaqlıqdan rəqslə məşğul olurdu. Bacısı Mijanu elmə çox vaxt sərf etməyə başlayır. Ondan fərqli olaraq Brijit balet karyerasını qurmağı qərara alır. 1947-ci ildə Milli rəqs akademiyasına imtahan verir. 3 il ərzində rus xoreoqrafi Boris Knyazevdən dərs alır. 1949-cu ildə Bardo moda festivalında iştirak edir. 1950-ci ildə "Elle" jurnalında onun ilk şəkli çıxır. Bu şəkillər rejissor Roje Vadimonun diqqətini çəkir. O, bunları ssenari yazarı olan dostuna, Mark Alleqreyə göstərir. Mark Bardoya kinoya çəkilməyi təklif edir. Sınaq çəkilişləri uğurlu alınır. Ardınca kinematoqraf karyerası başlayır. Vadimon Bricitin təkcə sənətində yox, həm də şəxsi həyatında böyük rol oynayır. 1952-ci ildə "Le Trou Normand" filminə çəkilən aktrisa elə həmin il Vadimonla ailə qurur. Bundan sonrakı 4 il ərzində aktrisa 17 filmdə, xüsusilə də lirik melodramlarda rol alır. Ona dünya şöhrətini isə "Mən qadını gözləməkdən qorxuram" filmi gətirir. Bu məşhur debütdən sonra Bardo bir çox tanınmış rejissorlarla işləyir. Lui Mal, Jan Lyuk Qodar, Kristian Jak kimi kino nəhəngləri aktrisanı ardıcıl bir neçə ekran əsərinə çəkirlər. Maraqlıdır ki, Bricit bütün obrazlarını özünəməxsus tərzdə canlandırırb. Belə ki, "Babetta döyüşə gedir" filmində onun elədiyi saç düzümü hələ də kütləvi izləyicilər arasında danışılmaqdadır. Hollivudda ilk debütü isə rejissor Cimmi Stüartın "Sevimli Bricit" filmi olur. Beləcə, Bardo dünya şöhrətinə daha bir səhifə yazır. Özü də bəyaz pərdədə...

Aktrisanın şəxsi həyatındakı dönüş isə bu debütdən hələ 7 il əvvəl, 1959-cu ildə baş verdi. O, Vadimondan ayrılıb Jak Şarye ilə ailə qurur. 1960-cı ildə isə oğlu Nikolya dünyaya gəlir. İkinci nigahı da uğursuz olan Bardo ondan da boşandıqdan sonra uşağı Şarye ailəsinə verirlər. Bu dəfə aktrisa nigah masasına bir də 1992-ci ildə Bernard Ormalya ilə oturur. Əvvəlkilərdən fərqli olaraq Bardo bu dəfə öz xoşbəxtliyini tapdığını deməkdən çəkinmir.

2009-cu ildə isə Fransız sənətsevərləri məşhur aktrisa Bricit Bardonun 75 illik yubileyini qeyd etdi. Ünlü sənətçinin Sen-Tropa kurort şəhərinin yaxınlığında yerləşən villasına dünyanın hər yerindən minlərlə təbrik teleqramları gəldi. Özünün kinokaryerasına hələ 1973-cü ildə son qoymasına baxmayaraq, onlarca kinofilmdə çağdaş fransız qadınının obrazını yaradan Bricit Bardo bu gün də fransız xalqının nəzərində böyük və əvəzsiz bir sənətçi olaraq qalmaqdadır. Dünyaşöhrətli aktrisanın pərəstişkarları sənətçinin 75 illiyinə hədiyyə olaraq Fransa tarixində ən böyük sərgi təşkil ediblər. Sahəsi 1000 kvadratmetrə çatan bu sərgidə Bricit Bardonun uşaqlıq illərindən tutmuş kino aləmində yaratdığı məşhur rollara kimi bütün həyat və yaradıcılığını əks etdirən minlərlə fotoşəkil sərgilənir.

Sərgi[redaktə]

"Bardo, qayğısız illər" adlanan nəhəng fotosərgi paytaxt Parisin ən məşhur sərgi mərkəzlərindən olan Bulon Biyankur şəhərciyində təşkil olunub. Beləcə, zaman bir daha təsdiq edib ki, Bardo imzası Fransız kinosunda əvəzsizdir.

Filmoqrafiya[redaktə]

İstinadlar[redaktə]

Həmçinin bax[redaktə]

Xarici keçidlər[redaktə]