Doğuş Universiteti
| Doğuş Universiteti | |
|---|---|
| Doğuş Üniversitesi[1] | |
 | |
 | |
| 41°00′01″ şm. e. 29°02′48″ ş. u. | |
| Əsası qoyulub | 1997[2] |
| Tələbə sayı | 11.700 |
| Ölkə | |
| Sayt | dogus.edu.tr |
Doğuş Universiteti — İstanbulda yerləşən özəl Türkiyə universiteti. Doğuş Təhsil Vəqfinin əməyi ilə Türkiyə Böyük Millət Məclisinin 9 iyul 1997-ci il tarixli 4281 saylı Qanunu ilə İstanbulda yaradılmış vəqf universitetidir.[4]
Tarixi[redaktə | mənbəni redaktə et]
Doğuş Universiteti 1995-ci ildə qurulan Doğuş Təhsil Vəqfi tərəfindən Türkiyə Böyük Millət Məclisinin qəbul etdiyi 9 iyul 1997-ci il tarixli 4281 saylı Qanunla yaradılan publik hüquqi şəxs olan vəqf universitetidir.[5] 2006-cı ildə bir professor-müəllim heyətinə düşən nəşrlərin sayına görə Doğuş Universiteti Türkiyədə 27-ci yerdə yer alıb. Universitetdə 5 fakültədə 34 bakalavr proqramı, tibb elmləri fakültəsində 1 bakalavr proqramı, peşə məktəbində 36 önlisans proqramı, 21 magistratura və 3 doktorantura proqramı olmaqla ali təhsilin bütün səviyyələri mövcuddur.[4] 2001-ci ildə ömür boyu təhsil yanaşması ilə Davamlı Təhsil Mərkəzi yaradılmışdır.[6]
Web Of Science məlumatları və URAP hesabatları göstərir ki, Doğuş Universiteti dünyanın ən yaxşı 2 min universiteti, İstanbulun isə ən yaxşı 3 vəqf universiteti (tibb fakültəsi olmayan) arasındadır. Universitet YKS və xüsusi qabiliyyət imtahanları ilə tələbələri qəbul edir. 2020-ci ildə Doğuş Universiteti The One Awards çərçivəsində Türkiyənin ən yaxşı üç universitetindən biri olmuşdur. Nəşr etdiyi məqalələr və elmi araşdırmaları ilə çox sayda tələbəni Silikon vadisinə göndərmiş, NATO sponsorluğu ilə Müdafiə Sənayesi sahəsində suda uçucu üzvi birləşmələr mövzusunda mühüm işlər həyata keçirmişdir. Erasmus və Farabi proqramlarının tamhüquqlu üzvüdür və 3 qitədə 100-dən çox institutla tələbə mübadiləsi müqavilələri mövcuddur. Universitetin 17000-ə yaxın məzunu var.
Kampuslar[redaktə | mənbəni redaktə et]
Dudullu kampusu rektorluq, peşə məktəbi, elm və incəsənət fakültəsi, mühəndislik fakültəsi, incəsənət-dizayn fakültəsi, hazırlıq, türk dili və inqilab tarixi bölmələrindən ibarətdir. Çəngəlköy kampusunda isə hüquq fakültəsi, iqtisadiyyat və idarəetmə fakültəsi mövcuddur.
İstinadlar[redaktə | mənbəni redaktə et]
- ↑ https://web.archive.org/web/20230815060630/https://uye.ankos.org.tr/uyeler/.
- ↑ https://www.dogus.edu.tr/hakkimizda/universitemiz/gecmisten-bugune-dogus.
- ↑ 1 2 Directory of Open Access Journals. 2003.
- ↑ 1 2 "Geçmişten Bugüne Doğuş". Dogus (türk). 2020-01-16 tarixində arxivləşdirilib. İstifadə tarixi: 2024-04-13.
- ↑ "26.12.2017 tarihli Resmi Gazete" (PDF). web.archive.org. 2017-12-26. Archived from the original on 2017-12-26. İstifadə tarixi: 2024-04-13.
- ↑ "Geçmişten Bugüne Doğuş". web.archive.org. 2015-03-16. Archived from the original on 2015-03-16. İstifadə tarixi: 2024-04-13.
Xarici keçidlər[redaktə | mənbəni redaktə et]
- dogus.edu.tr — Doğuş Universitetinin rəsmi saytı
| Foto, video və audio | |
|---|---|
| Normativ yoxlama | ISNI: 0000000108423532 · LCCN: nb2010033524 · Microsoft: 129994210 · VIAF: 160931781 · WorldCat VIAF: 160931781 |
