Etibar Quliyev
Etibar Quliyev | |
---|---|
Quliyev Etibar Möhübbət oğlu | |
Doğum tarixi | |
Doğum yeri | Merdinli, Füzuli rayonu, Azərbaycan SSR, SSRİ |
Vəfat tarixi | (20 yaşında) |
Vəfat yeri | Tərtər rayonu, Azərbaycan |
Vəfat səbəbi | şəhid olmuşdur. |
Dəfn yeri | Beyləqan rayonu Cərcis peyğəmbərin ziyarətgahı, şəhidlər xiyabanı. |
Mükafatları |
Etibar Quliyev — "Azərbaycan Bayrağı" ordeni təltifçisi; Birinci Qarabağ müharibəsi şəhidi.
Həyatı[redaktə | mənbəni redaktə et]
22 aprel 1974-cü ildə Füzuli rayonunun Merdinli kəndində doğulmuşdur. 1980-1988-ci illərdə Merdinli kənd orta mərktəbində təhsil alıb. Könüllü müraciətlə 1994-cü ildə Füzuli rayon Hərbi Komissarlığı tərəfindən hərbi xidmətə cəlb edilib. Beyləqan rayonunda Cərcis peyğəmbərin ziyarətgahının ətrafındakı şəhidlər xiyabanında dəfn edilib.
Döyüşlərdə iştirakı[redaktə | mənbəni redaktə et]
1994-cü ilin əvvəlində könüllü olaraq cəbhəyə yollanır. Tərtər və digər rayonlara aid yaşayış məntəqələrinin müdafiəsində qəhrəmancasına iştirak edir. Döyüş yoldaşlarının məlumatına əsasən, cəbhənin Tərtər istiqamətində bir erməni tankı naməlum trayektoriyalarla hərəkət edir, bəlli hədəfləri vurduqdan sonra gizlənir, kamuflyaj olurdu. Həmin tankın fəaliyyəti nəticəsində dostunu itirən Etibar onun intiqamını alacağına söz verir. Komandirdən çətinliklə icazə aldıqdan sonra erməni tankının yerini öyrənməyə başlayır. Diqqətli müşahidələri nəticəsində tankın yerini təyin etmiş Etibar 6 may 1994-cü ildə qumbaraatandan atəş açmaqla tankı zərərsizləşdirmiş, həmçinin tank ekipajı daxil olmaqla təxminən 30-a yaxın düşməni öldürmüşdü. Sevinc hissi ilə geriyə qayıdan Etibar tankın vurulması nəticəsində yaralanmış erməni əsgərinin açdığı atəşlə şəhid olub.
Ailəsi[redaktə | mənbəni redaktə et]
Subay idi.
Mükafatları[redaktə | mənbəni redaktə et]
Azərbaycan Respublikası Prezidentinin 22 iyun 2006-cı il tarixli 1527 saylı Sərəncamı ilə ölümündən sonra "Azərbaycan Bayrağı" ordeni ilə təltif verilmişdir.