Fəth əl-Bari
| Fəth əl-Bari | |
|---|---|
| ərəb. فتح الباري شرح صحيح البخاري | |
 | |
| Müəllif | İbn Həcər əl-Əskalyani |
| Janr | İslam |
| Orijinalın dili | Ərəbcə |
| Ölkə | |
| Orijinalın nəşr ili | 1372 |
Fəth əl-Bari (ərəb. فتح الباري شرح صحيح البخاري) —— Məhəmməd əl-Buxarinin "Səhih"inə İbn Həcər əl-Əsqəlani tərəfindən şərh.
Müəllif[redaktə | mənbəni redaktə et]
İbn Həcər 1372-ci ildə Qahirədə anadan olmuşdur. O, uşaqlıq illərini doğma yurdunda keçirmiş, burada Qurani-Kərimi, İbn əl-Hacibin "Əl-Havi" və "Əl-Muxtəsər"ini və digər əsərləri əzbərləmişdir. O, qəyyumlarından birinin müşayiəti ilə Məkkəyə gedir və orada məşhur üləmalardan dərs alır. İslam haqqında biliklərini artırmaq üçün Hicaz, Şam və Misirdə hədis alimlərinin dərslərində və mühazirələrində iştirak etmişdir. On il İbn Həcər əl-İraqidən dərs alır. Bundan əlavə, o, əl-Bəlkini və İbn əl-Müləkkindən dərs almışdır.
Səhih əl-Buxari[redaktə | mənbəni redaktə et]
Səhih əl-Buxari altı əsas sünni hədis toplusundan biridir (Kutub əl-sitta). Hədislər orta əsr İslam ilahiyyatçısı Məhəmməd əl-Buxari tərəfindən toplanmışdır, bu hədislər iki yüz il şifahi şəkildə nəql edilmişdir. Sünnilər üçün Səhih əl-Buxari, Səhih Müslim və İmam Malikin Muvattası ilə birlikdə ən etibarlı üç hədis toplusundan biridir. Bəzi ilahiyyatçılar "Səhih əl-Buxari"ni Qurandan sonra ən etibarlı İslam kitabı hesab edirlər.
Kitabın təsviri[redaktə | mənbəni redaktə et]
İbn Həcər İslamla bağlı 150-yə yaxın elmi əsərin müəllifidir, lakin onların ən məşhuru haqlı olaraq "Fəthul-Bari"dir.
İbn Həcərin "Səhih əl-Buxari"yə verdiyi şərh İslam dininə dair ən mühüm elmi mənbələrdən biridir, müəllif onu tərtib etmək üçün təxminən 25 il vaxt sərf etmişdir. İbn Həcər "Fəthul-Bari"ni hicri 817-ci ildə, 44 yaşında ikən yazmağa başlamış və hicri 842-ci ilin Rəcəb ayının əvvəlində tamamlamışdır[1].
İbn Həcər "Fəthul-Bari"ni yazarkən "Səhih" əl-Buxarinin mətnini Əbu Zərra Əbd (ullah) ibn Əhməd əl-Həravinin variantında əsas götürmüşdür.
"Fəthul-Bari" kitabının həcmi (Səhih əl-Buxari ilə birlikdə): 14 cild, 28 bölmə (cildlərin sayı nəşrə görə dəyişir)[2].
İstinadlar[redaktə | mənbəni redaktə et]
- ↑ Ализаде А. А. Ибн Хаджар аль-Аскалани // Исламский энциклопедический словарь. — М. : Ансар, 2007. — С. 303. — ISBN 978-5-98443-025-8.
- ↑ Ибн Хаджар аль-Аскаляни / Абд аль-Кадир Шейба аль-Хамд. (PDF). Ər-Riyad. 2001 https://ia700800.us.archive.org/2/items/WAQfbssb/fbssb01p.pdf (#bare_url_missing_title).
Фатх аль-Бари