Fatma Qədri

Vikipediya, açıq ensiklopediya
Keçid et: naviqasiya, axtar
Fatma Qədri
Fatma xanım Qədir qızı
Fatma Qədri Cülyetta rolunda 1936.jpg
Doğum tarixi: 14 aprel 1907(1907-04-14)
Doğum yeri: Odessa
Vəfatı: 29 fevral 1968 (60 yaşında)
Vəfat yeri: Bakı
Peşəsi: Aktrisa

Fatma Qədri (14.4.1907, Odessa - 29.2.1968, Bakı) — Azərbaycan teatr aktrisası, Azərbaycanda ilk professional teatr təhsili görmüş qadın-aktrisa. Azərbaycanın xalq artisti[1], Azərb. Resp. xalq artisti (1943).

Həyatı[redaktə]

Fatma Qədir qızı Bakı Teatr Texnikumunu və Azərb. Pedaqoji İn-tunu bitirmişdir (1926). Səhnə fəaliyyətinə 1927 ildə Bakı Türk İşçi Teatrında başlamış, burada Nübar ("Cancur Səməd", M.Əfəndiyev; J.B.Molyerin "Zorən xəstə" əsərinin təbdili), Sürucuin ("Hind qızı", Ə.Hamid), Oa-Şen ("Çin tanrısı", F.Pavlovun "Tunc büt" əsəri üzrə), Gülüş və Sevil ("Sevil", C.Cabbarlı), Xumar ("Şeyx Sənan", H.Cavid), Esmeralda ("Paris Notrdam kilsəsi", V.Hüqonun eyniadlı əsəri üzrə), Gülbahar ("Anamın kitabı", C.Məmmədquluzadə) kimi səhnə obrazları yaratmışdır. 1932-35 illərdə Bakı Rus Dram Teatrının aktrisası olmuş, 1935 ildən Azərb. Milli Dram Teatrında işləmişdir. Əsas rolları: Maşa ("Dubrovski", A.S.Puşkin), Xuraman ("Vaqif", S.Vurğun), Cülyetta, Emiliya ("Romeo və Cülyetta", "Otello", U.Şekspir), Luiza ("Məkr və məhəbbət", F.Şiller), Larisa, Katerina ("Cehizsiz qız", "Tufan", A.Ostrovski), Polina ("Ögey ana", O.Balzak), Gültəkin ("Aydın", C.Cabbarlı), Məhəbbət ("Məhəbbət", M.İbrahimov). 1933 ildən pedaqoji fəaliyyət göstərmişdir.

Milli səhnəmizin ilk peşakar aktrisalarından olan yüksək səhnə mədəniyyəti örnək sayılan, zəngin dünyagörüşlü, geniş mütaliəli ziyalı, ciddi xarakterli misilsiz ifaçısı Fatma xanım Qədir qızı 14 aprel 1907-ci ildə Qərbi Rusiyanın Odessa şəhərində doğulub. Rusca təhsil alıb və yeniyetmə yaşlarından ailəsi Bakıya köçən Fatma xanım Azərbaycan Pedaqoji İnistutunu bitirib. Həmçinin Azərbaycan Teatr Texnikomunun ilk buraxılışında aktyor diplomu alıb (1923-1926).

1933-ci ildən etibarən Gəncə şəhərində işini davam etdirib. 1935-ci ilin payızından etibarən ömrünün sonunadək Milli Dram Teatrında işləyib.

İstinadlar[redaktə]

  1. Fatma Qədri (adam.az)