Həsən İmanov

Vikipediya, azad ensiklopediya
Naviqasiyaya keç Axtarışa keç
Həsən İmanov
Həsən Həşim oğlu İmanov
Doğum tarixi
Doğum yeri Şuşa,
Şuşa qəzası, Yelizavetpol quberniyası, Rusiya imperiyası
Vəfat tarixi
Elm sahələri tarix, dilçilik

İmanov Həsən Həşim oğlu (1901–1937) — tarixçi, jurnalist, tərcüməçi.[1][2]

Həyatı[redaktə | mənbəni redaktə et]

  • 1901-ci ildə Şuşada anadan olub.
  • İbtidai təhsilini mədrəsədə almış, daha sonra Şuşa realnı məktəbinə qəbul olaraq 1919-cu ilə qədər təhsil almışdır.
  • 1920-ci ildə Bakıya gəlmişdir.
  • 1921–1926-cı illərdə Azərbaycan Dövlət Universitetinin Şərq fakültəsində təhsil almış və tarixçi ixtisasına yiyələnmişdir. Eyni vaxtda Yeni Türk Əlifbası Komitəsində işləmişdir.
  • 1928-ci ildə Şərq Xalqları İnstitutunun aspiranturasında təhsil almaq üçün Moskvaya Xalq Maarif Komissarlığına göndərilmişdir.[1][2]

Fəaliyyəti[redaktə | mənbəni redaktə et]

  • 1931-ci ildə İnstitutu başa vurduqdan sonra Bakıya qayıtmış və Azərbaycan Dövlət Elmi Tədqiqat İnstitutunda I kateqoriyalı elmi əməkdaş kimi işə başlamışdır.
  • Ali Pedaqoji İnstitutun "Zaqafqaziyada sinfi mübarizə tarixi" kafedrasının dosenti olub. Eyni zamanda Dövlət Muzeyində elmi katib və direktor müavini işləyib.
  • 1932-ci ildə Azərbaycan Dövlət Elmi Tədqiqat İnstitutunun yenidən təşkilindən sonra Dövlət Arxinidə elmi əməkdaş işləmişdir.
  • 1933-cü ildə Dövlət Elmi Şurasına seçilmiş və tarix-fəlsəfə şöbəsinin katibi olmuşdur.
  • 1934-cü ilin yanvarından isə Elmlər Akademiyasının Zaqafqaziya Filialının Azərbaycan şöbəsində işə qəbul olunmuş əvvəlcə məsləhətçi, daha sonra ədəbiyyat şöbəsində elmi əməkdaş işləmişdir.
  • 1935–1937-ci illərdə SSRİ EA-nın Azərbaycan filialının arxeoqrafiya şöbəsinin elmi əməkdaşı və müdiri olub.
  • 1937-ci ilin martında Azərbaycan SSR-in Xalq Daxili İşlər Komissarlığı orqanı tərəfindən həbs olunaraq güllələnmişdir.[1][2]

Əsərləri[redaktə | mənbəni redaktə et]

Azərbaycan tarixşünaslığı üzrə bir neçə əsər yazmışdır, lakin tədqiqatları yalnız tarixi istiqamətlə məhdudlaşmayıb:

  1. Hökumət Türk Dram Tiyatrosunun bir illiyi. Yeni yol, 27 yanvar, 1923, № 4;
  2. "Ölülər" qəhrəmanı İsgəndərin məhkəməsi münasibətilə. Yeni yol, 10 mart, 1923, № 9
  3. Tənqid və biblioqrafiya. Türküstan kitabları. Yeni yol, 31 mart, 1923,№ 11
  4. Tənqid tiyatrosunda. Yeni yol, 19 aprel, 1923, № 14
  5. Acınacaq bir hal (baş məqalə), Yeni yol, 24 aprel, 1924, № 9
  6. Крымский фонетический алфавит. Изв. Общества обследования и изучения Азербайджана. Баку, 1926, № 2
  7. Yeni ərəb əlifbası, Kommunist qəzeti, 18 şubat (fevral), 1926, № 42, s. 4–5
  8. N. B. Vəzirov (nekroloq). Yeni yol, 12 iyul, 1926, № 159
  9. Birinci Türkoloji Qurultay, Yeni yol qəzetinə əlavə, 7 noyabr, 1927, s. 13–14
  10. Вопросы историографии Азербайджана: наши достижения и ближайшие задачи. Труды АзФАНф. ХХХ том. Баку, 1936, с. 161–164
  11. Вопросы историографии Азербайджана. Наука АзССР за 15 лет. Б, 1936[2]

Mənbələr[redaktə | mənbəni redaktə et]

  1. Ə. Tahirzadə. Dosent Həsən Həşim oğlu İmanov. 525-ci qəzet, 11 dekabr, 2004, s. 27; 14 dekabr 2004, s. 27
  2. ЦА НАНА, ф. 39, оп. 1
  3. Гос. Истор. архив Азерб. ф. 103, оп. 1
  4. Архив МНБ АР, архивно-следственное дело № ПР 19087

İstinadlar[redaktə | mənbəni redaktə et]

  1. ↑ 1 2 3 Ə. Tahirzadə. Dosent Həsən Həşim oğlu İmanov. 525-ci qəzet, 11 dekabr, 2004, s. 27; 14 dekabr 2004, s. 27
  2. ↑ 1 2 3 4 Керимова Т.С. Из истории Национальной Академии наук Азербайджана. Баку: Тахсил, 2005, с. 403–404
Mənbə — "https://az.wikipedia.org/w/index.php?title=Həsən_İmanov&oldid=7129192"