Hannibal

Hannibal Barka (e.ə. 247- 183)- Karfagen sərkərdəsi və dövlət xadimi. Hamilkar Barkanın oğlu, qədim dünyanın ən məşhur sərkələrindən biri, Romanın qatı düşmənı.

2-ci Pun müharibəsində (e.ə. 218-201) Alp dağlarını keçərək İtaliyaya hərbi yürüş etmiş, Tisin və Trebbiya çayları (218), Trazimen gölü (217) və Kanna yaxınlığında (216) Roma ordusu üzərində qələbələr qazanmışdı. Lakin Hannibal Roma-İtaliya ittifaqını dağıda bilməmiş, 212 ildən təşəbbüs romalıların əlinə keçmiş, Zama döyüşündə (202) Hannibalın ordusu tamamilə darmadağın edilmişdi. Hannibal Suriya hökmdarı III Antioxun yanına qaçmış, onun hərbi məsləhətçisi təyin edilmişdi. Suriyanın Roma ilə müharibədə (e.ə. 192-188) məğlubiyyətindən sonra Ermənistanda və Vifiniyada gizlənmiş, romalıların əlinə keçməmək üçün özünü zəhərləmişdir. Hannibal qədim dövrün ən böyük sərkərdələrindəndir. O, hərb sənəti tarixində silinməz iz qoymuşdur.