Kamal Xodov
| Kamal Xodov | |
|---|---|
| oset. Ходы Хазбийы фырт Камал | |
| Doğum tarixi | 26 yanvar 1941 |
| Doğum yeri |
|
| Vəfat tarixi | 24 iyun 2021 (80 yaşında) |
| Təhsili | |
| Fəaliyyəti | şair, tərcüməçi, ədəbiyyat tənqidçisi |
| Fəaliyyət illəri | 1962-ci ildən |
| Üzvlüyü | |
Kamal Xodov (26 yanvar 1941, Batako[d], Şimali Osetiya MSSR – 24 iyun 2021) — Sovet şairi, tərcüməçi və ədəbiyyatşünas. Şimali Osetiya Muxtar Sovet Sosialist Respublikasının xalq şairi.
Bioqrafiyası[redaktə | mənbəni redaktə et]
1970-ci ildə Kamal Xodov M. Qorki adına Ədəbiyyat İnstitutunu bitirir. Regional qəzetlərin redaksiyaları ilə əməkdaşlıq edir, Şimali Osetiya televiziya studiyasının baş redaktoru, on ildən çox Max duq jurnalının tənqid və jurnalistika şöbəsinə rəhbəri, sonra redaktor vəzifələrində çalışır. "İr" kitab nəşriyyatının müdiri işləyir. 1985-ci ildən Kamal Xodovv Şimali Osetiya Dövlət Dram Teatrının direktoru, eyni zamanda ədəbi Osetiya almanaxının baş redaktoru olur. 1989-1990-cı illərdə Kamal Xodov Şimali Osetiya Muxtar Sovet Sosialist Respublikası Dövlət Nəşriyyat, Çap və Kitab Ticarəti Komitəsinin sədri işləyir. 1990-cı ildə Şimali Osetiya MSSR Yazıçılar Birliyinin sədri olur. 1966-cı ildən Sovet İttifaqı Kommunist Partiyası, 1972-ci ildən isə SSRİ Yazıçılar Birliyinin üzvü olur
1962-ci ildə Kamal Xodovun şeirlərindən ibarət "Səhər ulduzu" adlı gənc müəlliflər toplusu nəşr olunur və 1966-cı ildə "Çörək və duz" adlı ilk poetik kitabı işıq üzü görür. 1970-ci ildə Xodovun "Osetin mahnısı eşidilir" adlı ikinci şeirlər toplusu dərc olunur.
Əsrin narahat edici ritmləri, bugünkü düşüncələri yenidən düşünmə ehtiyacı, vətənpərvərlik Kamal Xodovun yaradıcılığı üçün ən xarakterik mövzulardır. Özündən razılıq, reallığa əks düşüncəli münasibət ona yaddır və bu şeirlərinə xüsusi bir temperament, polemika və həyəcan qatır. Kamal Xodovun bir çox əsərləri rus oxucusuna da tanışdır. Onlar “Gənc qvardiya” kollektiv toplusunda, mərkəzi jurnal və qəzetlərdə nəşr olunur. 1976-cı ildə rus dilinə tərcümə olunan "Ağ qığılcımlar" şeirlər toplusu "Sovremennik" nəşriyyatında, "Öz növbəsində" poetik kitabı isə "Sovet yazıçısı" nəşriyyatında 1988-ci ildə nəşr edilmişdir. Covanni Bokkaçço, Henrix Heyne, Endre Adi, Lope de Veqa, Aleksandr Ostrovski, İvan Vazov kimi yazıçı və dramaturqların əsərlərini osetin dilinə tərcümə etmişdir.
Kamal Xodov oxuculara osetin ədəbiyyatının aktual məsələlərinə dair ədəbi-tənqidi məqalələrin müəllifi kimi yaxşı tanışdır.
Yazıcı 24 iyun 2021 -ci ildə dünyasını dəyişir[1].
Ailəsi[redaktə | mənbəni redaktə et]
Üç övladı və dörd nəvəsi vardır.
Mükafatları[redaktə | mənbəni redaktə et]
Dostluq ordeni (31 may 2001) - çoxmillətli rus ədəbiyyatının inkişafına verdiyi böyük töhfəyə görə.
SSRİ xalq şairi.
K. Xetaqurov adına dövlət mükafatı[2].
İstinadlar[redaktə | mənbəni redaktə et]
- ↑ "На 81-м году жизни скончался Камал Ходов | ГТРК Алания". Россия-Алания / ГТРК (rus). 2021-06-24. 2021-06-28 tarixində arxivləşdirilib. İstifadə tarixi: 2021-06-24.
- ↑ "Указ Президента Российской Федерации от 31 мая 2001 года № 614 «О награждении орденом Дружбы Ходова К. Х.»". 2021-10-22 tarixində arxivləşdirilib. İstifadə tarixi: 2021-10-20.