Kiçik Asiya gürzəsi

Status. Kiçik arealı, dar endemik növdür.
Yayılması. Naxçıvan MR-in Ordubad, Culfa və Şahbuz rayonlarında rast gəlir.
Yaşayış yeri. Daşlıq qayalıqlarda, dağ yamaclarında, çınqıllıqlarda və kserofit bitki örtüyü ilə zəngin sahələrdə yaşayır, dəniz səviyyəsindən 1000-2500 m yüksəklikdə rast gəlir.
Sayı. Xarakterik yaşayış yerlərində orta hesabla hər hektar sahəyə 4-6 fərd düşür. Qışlama yerlərində bəzən onlarla fərd saymaq olar.
Çoxalması. Yumurta-diri doğandır. Avqust-sentyabr aylarında 7-13 bala doğur.
Düşmənləri. Məlum deyil.
Sayının dəyişilmə səbəbləri. İnsanın təsərrüfat fəaliyyəti, həmçinin tutulması.
Qorunması üçün zəruri olan tədbirlər. Şahbuz rayonunun Kükü kəndi ətrafında yasaqlıq təşkil etmək, yaşadığı yerdə qorunması üçün kütləvi təbliğat işini gücləndirmək lazımdır.