Məhəmməd Baharlı
| MƏHƏMMƏD BAHARLI | |
| Məhəmməd Əhməd oğlu Əhmədov | |
 |
|
| Doğum tarixi: | 12 mart 1948-ci il |
|---|---|
| Doğum yeri: | Baharlı, Zəngilan |
Əhmədov Məhəmməd Əhməd oğlu - nasir, publisist.
[redaktə] Həyatı
Məhəmməd Baharlı 1948-ci il 12 martda Zəngilan rayonunun Baharlı kəndində anadan olmuşdur. Burada orta məktəbi bitirdikdən sonra 1965-1969-cu illərdə Azərbaycan Dövlət Universitetinin jurnalistika fakültəsində təhsil almışdır.
Əmək fəaliyyətinə "Azərbaycan gəncləri" qəzeti redaksiyasında ədəbi işçi kimi başlamışdır. 1970-1971-ci illərdə ordu sıralarında xidmət etmişdir. "Azərbaycan məktəbi" jurnalı redaksiyasında şöbə müdiri, məsul katib (1971-1985), "Kənd həyatı" jurnalı redaksiyasında məsul katib (1986-1988), "Azərbaycan məktəbi" jurnalı redaksiyasında məsul katib (1988-1989), "Gənclik" və "Molodost" jurnalları redaksiyasında məsul katib (1989-1992), "Təhsil" qəzetinin baş redaktoru (1992-1993)işləmişdir. 1993-cü ildən Azərbaycan müəllimi qəzetinin fəaliyyətini bərpa etmiş, 2002-ci ilədək onun baş redaktoru olmuşdur. Hazırda Təhsil Nazirliyinin elmi-metodik jurnalı olan "Azərbaycan dili və ədəbiyyat tədrisi"nin baş redaktorudur.
Yaradıcılığında elmi-pedaqoji, publisistik və nəsr əsərləri, həmçinin şerləri başlıca yer tutur. Mətbuatda yüzlərlə yumoristik hekayəsi dərc olunub. "Dan ulduzu", "Qızıl qələm", "Ustad" ali jurnalist və "Araz" ali ədəbi mükafatların laureatıdır. "SSRİ Maarif Əlaçısı", "Azərbaycan SSR Qabaqcıl Maarif Xadimi" döş nişanlarına layiq görülmüşdür. Satira yaradıcılığı üzrə bir sıra müsabiqələrin qalibidir.
[redaktə] Əsərləri
- 1.Dərs müasirlik tələb edir. Bakı: Maarif, 1981, 63 səh.
- 2.Gəlin gülək. Bakı: Yazıçı, 1985, 140 səh.
- 3.Həyat işığı. Bakı: Gənclik, 1988, 45 səh.
- 4.Məktəbdə pedaqoji işə rəhbərlik. Bakı: Təhsil, 1999, 100 səh.
- 5.Dünya təhsil sistemi: dünən, bugün, sabah. Bakı: Azərbaycan, 2002, 144 səh.
- 6.Qoca türkün şərqiləri (150 şeir). Bakı: Mars, 2003
- 7.Azərbaycan tarixi: Baharlılar. Bakı: Adiloğlu, 2010. 50 səh.
- 8.Seçilmiş əsərləri. I cild “Publisistika (axtarışlardan sensasiyalaradək)”. Bakı, 2012. 209 səh.
