Microsoft Outlook Express

Vikipediya, açıq ensiklopediya
Keçid et: naviqasiya, axtar

Microsoft Outlook Express - elektron poçt vasitəsi ilə məktub almaq və məktub göndərmək üçün istifadə edilən proqramdır.Microsoft Outlook pullu proqram təminatının bir qədər sadələşdirilmiş,pulsuz variantıdır. Windows XP əməliyyat sisteminin tərkibində quraşdırılmış olurdu.Windows Vista əməliyyat sistemində isə daha interaktiv olan Windows Live ilə əvəz olunmuşdur. Outlook Express proqramı poçt ilə işləyən bir çox güclü proqramların malik olduqları imkanlara malikdir.

Outlook Express proqramının imkanları[redaktə]

  • Məktubların əldə edilməsi. Şəxsin poçt ünvana gələn və poçt serverində yığılan məktublar Outlook Express proqramı vasitəsilə istifadəçinin kompyuterinə gətirilir.
  • Məktubların oxunması. Məktub Outlook Express proqramının xüsusi panelinin köməyilə və ya ayrıca pəncərədə oxunur.
  • Məktubların göndərilməsi. Outlook Express yeni məktubun yaradılması, göndərilməsi və HTML kimi göndərilməsini təmin edir.
  • Məktublarla əməliyyat. Outlook Express gələn məktubları əldə etmək üçün əlavə qovluqların yaradılmasına imkan verir. Müəyyən qayda qoymaqla gələn məktubları müxtəlif qovluqlara yığmaq mümkündür.
  • Elektron ünvanların saxlanılması. İnsanların elektron ünvanlarını saxlamaq üçün ünvan kitabçasından istifadə edilir. Ünvan kitabçasına Outlook Express proqramında oxunan məktubun ünvanını daxil etmək üçün məktub üzərində kontekst menyuda uyğun əmr seçilir.

Poçt protokolları[redaktə]

Elektron poçt vasitəsi ilə göndərilən məktub əvvəlcə poçt serverində yerləşdirilir. Bu məktubu almaq üçün poçt serverinə müraciət edərək sizin ünvana göndərilən bütün məktubları soruşmaq lazımdır. Əgər siz İnternetə provayder vasitəsi ilə qoşulmusunuz, o halda poçt serverinin adı cox zaman mail olur. Daha sonra isə İnternet provayderinin adı gəlir. Məsələn, mail.myisp.com. Poçt serverləri istifadə etdikləri müxtəlif poçt protokolları ilə fərqlənirlər. Outlook Express daxil olan məktublar üçün РОР3 (Post Office Protocol – poçt xidməti protokolu) və IMAP (Internet Message Access Protocol – məlumatlara İnternet müraciət protokolları) istifadə edir. Məktubun göndərilməsi üçün SMTP (Simple Mail Transfer Protocol – məktubun göndərilməsinin sadə protokolu) istifadə edilir.

Poçt serverindən məktub ala bilmək üçün həmin serverdə istifadəçinin adını və porolu göstərməklə qeydiyyatdan keçmək vacibdir. Outlook Express proqramına daxil edilmiş qeydiyyat yazısı poçt serverində istifadəçinin adı kimi tanınır. Məsələn, əgər Chris adı qeydiyyat yazısında göstərilmişdirsə, həmin kompyuterdə istifadəçinin poçt ünvanı chris@twostory.com olacaqdır.

Ədəbiyyat[redaktə]

  • E.V.Seyidzadə, V.S.Səmədov. "İnternet", dərs vəsaiti, Bakı, 2005
  • Ə.M.Abbasov, M.N.Əlizadə, E.V.Seyidzadə, M.Ə.Salmanova. "İnformatika və kompyuterləşmənin Əsasları", Dərslik. Bakı, 2005

Həmçinin bax[redaktə]

Xarici keçidlər[redaktə]