Oslo Universiteti
|
Oslo Universiteti |
|
|---|---|
 Seal of The Royal Frederick University (as of 1842) |
|
| Yaranma tarixi | 1811 |
| Tip | Dövlət Universiteti |
| Rektor | Professor Ole Petter Ottersen (2009-dan) |
| Tələbə sayı | 25,617 (2008) |
| Şəhər | Oslo |
| Ölkə |  Norveç |
| Universitet şəhərciyi | şəhərli |
| Vebsayt | www.uio.no |
Oslo Universiteti (norveçcə Universitetet i Oslo, lat. Universitas Osloensis) — Norveçin ən qədim, böyük və nüfuzlu universitetidir. Oslo şəhərində yerləşir.
O, 1811-ci ildə "Kral Frederik Universiteti" (norveçcə Det Kongelige Frederiks Universitet və latınca Universitas Regia Fredericiana) kimi yaradılıb. Universitetin tikintisi üçün Humbolt Universitetindən nümunə götürülüb, və ilkin olaraq Danimarkanın və Norveçin kralı olan Frederikin şərəfinə adlandırılmışdır. Öz bugünki adını isə 1939-cu ildə alıb.
Universitetdə lüteranlıq, ilahiyyat, hüquq, tibb, humanitar, riyaziyyat, təbiət elmləri, stomatologiya, sosial elmlər və təhsil fakültələri var. Hüquq fakültəsi hələ Milli Teatrın yaxınlıqda olan köhnə şəhərçikdə Karl Yohans küçəsində (Karl Johans gate), parlamentin (Stortinget) və kral sarayının yanında yerləşir. Digər fakültələr isə 1930-cu ildən tikilən müasir universitet şəhərçiyində Blindern adlı ərazidə yerləşir. Tibb fakültəsi isə Oslo ərazisində bir neçə universitet xəstəxanaları arasında bölüşdürülüb.
İndi universitetdə 27.000-ə yaxın tələbə təhsil alır və təxminən 4600 işçi çalışır. O, Skandinaviyada aparıcı universitetlərdən biri sayılır və ardıcıl olaraq "Dünya Universitetlərinin Akademik Reytinqi" tərəfindən tərtib onlunan dünyanın 100 top universitetlərinin siyahısında yer alır. 2009-cu ildə o Norveçdə birinci, Şimali Avropa ölkələrində isə üçüncü, Avropada 18-ci və dünyada 65-ci ən yaxşı universitet elan olunub. [1] Eyni zamanda Humanitar Fakültə Nordik ölkələrdə birinci, Avropada 5-ci və dünyada 16-cı ən yaxşı kimi seçilib.[2]. 2010 ildə QS Dünya Universitetlərin Reytinqi onu dünyada 100-cü yerə qoydu.[3] Oslo Universitetin 1811-ci ildə yaranılmasından əvvəl Kopenhaqen Universiteti Danimarka-Norveç ittifaqında yeganə universitet olub. Danimarka-Norveç ittifaqının 1814-cü ilin dağılmaslndan sonra, ölkələr arasında təhsil əlaqələri davam etdirilib. Oslo Universiteti Norveçdə 1946-cı ilə qədər yeganə universitet olub, ona görə də tez-tez sadəcə "Universitet" kimi tanınılır. Qeyri-rəsmi olaraq ona qısaca "Kral Frederikin" deyilir. Oslo Universiteti Nobel mükafatını alanların təhsil ocağı olub, və Nobel Sülh Mükafatı da Oslo şəhərində Hüquq fakültəsinin yaxınlığında verilir.
Nobel laureatları [redaktə]
Oslo Universitetindən beş tədqiqatçi Nobel mükafatına layiq görülüb:
- Frityuf Nansen (Fridtjof Nansen) – 1922 – Sülh (Fəqət onun elmi işi ona mükafat gətirməyib)
- Raqnar Friş (Ragnar Frisch) – 1969 – İqtisadiyyat
- Odd Hassel – 1969 – Kimya
- Ivar Gəver (Ivar Giæver) – 1973 – Fizika
- Triqve Hovelmu (Trygve Haavelmo) – 1989 – İqtisadiyyat
Xarici keçidlər [redaktə]
 |
Commonsda Oslo Universiteti ilə əlaqədar müxtəlif fayllar var. |
- The University of Oslo website
- The Foundation for Student Life in Oslo (Studentsamskipnaden)
- Universitas (student newspaper)
- Radio Nova (student radio)
