Pərviz Əmiraslanov

Vikipediya, azad ensiklopediya
Naviqasiyaya keç Axtarışa keç
Pərviz Əmiraslanov
Əmiraslanov Pərviz Arzuman oğlu
Doğum tarixi (52 yaş)
Doğum yeri Tovuz rayonu, Sarıtala
Vətəndaşlığı SSRİ SSRİ→Azərbaycan Azərbaycan
Milliyyəti Azərbaycanlı
Elm sahələri Maşınqayırma və Avtomobil Mühəndisliyi, Texniki simulyasiya, Dinamiki sistemlər, Komfortlu sistemlər, Süni İntellekt metodları
Elmi dərəcəsi Texnika Elmləri Doktoru

Pərviz Əmiraslanov (Pərviz Arzuman oğlu Əmiraslanov; d. 28.07.1971, Tovuz rayonu, Sarıtala kəndi) — IAV GmbH şirkətində “Texniki Simulyasiya və Rəqəmsal Texnologiya” şöbəsinin müdiri vəzifəsində çalışır.

Həyatı[redaktə | mənbəni redaktə et]

Pərviz Əmiraslanov 28 iyul 1971-ci ildə Tovuz rayonunun Sarıtala kəndində anadan olmuşdur. 1978-ci ildə Sarıtala kənd orta məktəbinə getmiş və həmin məktəbi 1988-ci ildə əla qiymətlərlə bitirdikdən sonra 98 N°-li Qovlar Qəsəbəsi Orta Texniki Peşə Məktəbinə daxil olmuş və 1989-cu ildə fərqlənmə diplomu ilə bitirmişdir. Oxuduğu müddət ərzində dəfələrlə fənn olimpiadalarında fəal iştirak etmişdir. Müxtəlif illərdə olimpiyada qalibi və zona üzrə 2-ci, 3-cü yerləri tutmuşdur. 1989-cu ildə Azərbaycan Texniki Universitetinin maşınqayırma fakültəsinə daxil olmuşdur. Tələbəlik illərində universitet və respublika olimpiyadası qalibi olmuşdur. Oxuduğu müddət ərzində dəfələrlə fərqlənmiş, mükafatlara layiq görülmüş və Texniki Universitetin „Sərbəst Tələbə“ adını almışdır. Azərbaycan Texniki Universiteti Maşınqayırma fakültəsi üzrə keçirilən Tələbə Elmi Konfranslarında 3 il ardıcıl olaraq Elmi Katib kimi fəaliyyət göstərmişdir. Tələbə olduğu müddət ərzində 2 elmi məqaləsi çap edilmişdir. Bunlardan biri 1993-cü ildə Azərbaycan Texniki Universitetində keçirilmiş olan konfrans materiallarında, digəri isə 1994-cü ildə Azərbaycan Dövlət Neft Akademiyası (AzDNA) “Elmi Əsərlər” jurnalının 4 saylı buraxılışında dərc olunub. 1994-cü ildə isə Maşınqayırma Fakültəsini fərqlənmə diplomu ilə bitirmişdir.

Fəaliyyəti[redaktə | mənbəni redaktə et]

1994-cü ilin sentyabrında Azərbaycan Respublikası Təhsil Nazirliyinin Qərarı ilə “Gənc Mütəxəssis” olaraq və eyni status ilə Azərbaycan Texniki Universitetinin “Maşınqayırmada Avtomatlaşdırılmış Layihələndirmə Sistemləri" kafedrasına “Tədqiqatçı-Mühəndis” kimi işlə təmin olunmuşdur. 1995-ci ilin oktyabrında həmin kafedrada “Laboratoriya Müdiri” vəzifəsinə təyin olunmuşdur. Müxtəlif sənaye tipli proyektlərin mütərəqqi üsullarla həyata keçirilməsində çox əmək sərf etmiş və bir neçə aparıcı zavodların sahə üzrə ixtisas şurasına üzv qəbul edilmişdir.

1996-cı ilin yanvarında Texniki Universitetin Aspiranturasına daxil olmuşdur. İşlədiyi müddət ərzində dəfələrlə Texniki Universitet və Respublika Konfranslarında iştirak etmə hüququ qazanmış və məqalələri çap olunmuşdur. Eyni zamanda “Metalkəsən Dəzgahların mexaniki otürmə mexanizmlərinin avtomatlaşdırılmış Layihələndirilməsi” adlı Metodik Vəsaitin (1997-ci il Tələbələr üçün nəzərdə tutulub) və Azərbaycan dilində ilk dəfə olaraq “Maşınqayırmada Riyazi Modelləşdirmə” adlı Kitabın (1998-ci il - Bakı) müəllifidir. Kafedrada çoxsaylı laboratoriya işlərinin və elmi proqramların müəllifidir. Azərbaycan Respublikası Təhsil Nazirliyinin qərarı ilə Tədris Proqramına uyğun olaraq bir neçə metodiki göstərişlərin müştərək müəllifidir.

1998-ci ilin iyul ayında Almaniya Federativ Respublikasında Alman Akademik Mübadilə Xidməti Cəmiyyətinin Elmi Təqaüdünə layiq gorülmüşdür. Bu məqsədlə 10 aylıq Braunşvayq Texniki Universitetinə elmi araşdırma üçün dəvət almışdır. 1999-cu il avqust ayından 2000-ci il yanvar ayının sonuna kimi Alman Akademik Mübadilə Xidməti Cəmiyyəti və Qərbi Almaniya Aşağı Saksoniya Əyalətinin (Almaniya Təhsil Nazirliyinin Rəyi və göstərişi ilə) dəstəyi ilə Braunşvayq Texniki Universiteti üçün Böyük Elmi Layihədə iştirakçı oldmuşdur. Bu məqsədlə Hannover şəhərində “Lazer Mərkəzi” və digər sənaye profilli elmi tədqiqat işlərində əvvəl yardımçı və daha sonra isə „Böyük Elmi Işçi“ işləmişdir. Bu işlərin elmi nəticələri baxımından Braunşvayq Texniki Universitetində elmi işçi olaraq işə götürülmüşdür. 2001-ci il aprel ayında Braunşvayq Texniki Universitetinin Maşınqayırma Fakültəsində “Avtomobil hissələrində Lazerlə Pardaxlama Prosesinin Modelləşdirilməsi” adlı dissertasiya işi müdafiə etmişdir. Dissertasiya işi “Doktor - Mühəndis” (Doktor) tituluna layiq görulub. 2002–ci ilin mart ayında Braunşvayq Texniki Universitetinin Təhsil Söbəsinin və Almaniya Aşağı Saksoniya Əyalətinin Təhsil Nazirliyinin birgə qərarı ilə “Dosent” olaraq dərs deməyə layiq görülmüşdür. Dərs dediyi müddət ərzində dəfələrlə universitet tərəfindən müxtəlif diplomlara layiq görülüb. 2003-cü ildə Braunşvayq Texniki Universitetində təhsilin daha səmərəli keçirilməsində apardığı seminarlar üçün şəxsi tövsiyəsi ilə Almaniyanın digər universitetlərində də eyni formatlı seminarlar qəbul edilmişdir. Bunun nəticəsi olaraq 2003–cü ilin dekabrında normal üzvü olduğu “''Almaniya Mühəndislər Birliyi''“- nə “Həqiqi üzv” kimi qəbul edilmişdir.

Braunşvayq Texniki Universitetində rəhbərlik etdiyi bir neçə diplom işləri yüksək nəticə verib və mükafatlara layiq görülüb. İki ədəd diplom işi ilin ən yaxşı diplom işi kimi qiymətləndirilib. Bir ədəd diplom işi isə Avropanın Texniki Elmlər Şurasına baxış nüsxəsi kimi qəbul edilib.

Sənaye profilli elmi tədqiqat işlərinin Almaniya Dövlət Patent İdarəsi tərəfindən yüksək dəyər verilməsi və bunun üçün Siemens VDO Automotive AG firmasının təklifi ilə 2005-ci ilin yanvarında firmada „Ali Məktəblərlə Elmi İş üzrə Şöbənin Rəisi” vəzifəsinə layiq görülmüşdür. Eyni zamanda Braunşvayq Texniki Universitetində davamlı olaraq mühazirə oxumuşdur və oxumağa davam edir. Avropanın aparıcı universitetləri ilə bağlanılan müqavilələr Siemens VDO Automotive AG firmasında rəhbərlik etdiyi elmi şöbəyə DFG (Deutsche Forschungsgemeinschaft) tərəfindən ikiqat mükafat verilmişdir.

2007-ci ilin sentyabr ayından DaimlerChrysler AG (Mercedes) firmasında “Elmi Tədqiqat və İnkişaf Departamentində Qrup Rəhbəri” vəzifəsinə qəbul edilir. Mercedes avtomobillərinin NVH problemlərini, davamlılıq və komfort kimi göstəriciləri üzrə „Simulant - Mütəxəssis“ və Braunşvayq Texniki Universitetində keçirilən elmi konfransda universitet üzrə Daimler AG (Mercedes) təmsilçisi seçilmişdir. Daimler AG şirkətində 20-dən çox elmi hesabata rəhbərlik etmişdir və bir neçə patent həmmüəllifidir.

Daimler AG firmasında üç illik əmək fəaliyyətindən sonra 2010-cu ildən etibarən rəqib avtomobil şirkəti olan Volkswagen AG firmasının Texniki İnkişaf İdarəsində “Simulant-Mütəxəssislər” qrupunun rəhbəri olub. 2012-ci il yanvar ayından bu günə qədər isə həmin idarədə “Texniki Simulyasiya və Rəqəmsal Texnologiya” şöbəsinin müdiri vəzifəsində çalışır. Onun rəhbərlik etdiyi şöbədə yeni avtomobillər üçün intellektual və innovativ texnologiyalar nəzəri cəhətdən araşdırılır və praktiki sınaqdan keçirilir. Son illərdə pilotsuz avtomillər üçün nəzərdə tutulmuş beynəlxalq həcmli proyektlər, o cümlədən “Süni İntellekt” metodunun həm nəzəri və həm də praktiki tətbiqi ilə ciddi məşğul olur. Rəhbərlik etdiyi şöbədə Süni İntellekt Metodunun inkişafı ilə, DeepLearning, MachineLearning, FuzzyLogic və s. kimi sahələrdə Elmi – Metodiki Seminarlar həyata keçirilir.

Braunşvayq Texniki Universiteti, Clausthal Texniki Universitetində və Wolfenbüttel/Wolfsburg/Braunschweig Ali Texniki Məktəbində saathesablı mühazirələr oxuyur və bu ali məktəblər üzrə işçi qupunun rəhbəridir.

Pedaqoji fəaliyyəti[redaktə | mənbəni redaktə et]

Ümumilikdə 23 illik pedaqoji təcrübəsi vardır.

  • 1994-cü ildən 1998-ci illər ərəfəsində AzTU-da pedaqoji fəailiyyətlə məşğul olub.
  • 1998-2005 ci illər ərəfəsində Braunşvayq Texniki Universitetində fasiləsiz pedaqoji fəaliyyəti olmuşdur.
  • 2006-2017 ci illər ərzində müxtəlif Texniki Universitetlərdə (Braunschweig Texniki Universiteti, Clausthal Texniki Universiteti), Texniki Ali Məktəblərdə (Wolfenbüttel/Wolfsburg/Braunschweig Ali Məktəbi) mühazirə aparmış və Elmi-texniki Seminarlara rəhbərlik etmişdir və pedaqoji fəaliyyətini davam etdirir
  • 2014–ci ildən Salzgitter texniki ali məktəbində horar mühazirələr verir.
  • 2015–cı ildən etibarən “Technische Simulation und Dynamische Systeme“ Seminarını honorar olaraq mühazirə formatında tələbələrə, gənc doktorantlara təqdim edir.
  • 2016–cı ildən etibarən Almaniyanın Aşağı Saksoniya Əyalətinin texniki litseylər üçün nəzərdə tutulmuş xüsusi qabiliyyətli şagirdləri üçün “Anschauliche Physik und Mathematik für Fortgeschrittene” konsorsiumunu təsis etmişdir və pedaqoji fəaliyyətini davam etdirir

Elmi pedaqoji əsərləri[redaktə | mənbəni redaktə et]

100-ə yaxın elmi və metodik işləri vardır. Onlardan 8 metodik vəsait, 3 kitab, 15 ədəd milli və keçmiş Sovetlər Birliyinə daxil olan elmi əsərlər, 48 ədəd avtomobil sənayesi əhəmiyyəti kəsb edən Almaniya Mühəndislər Birliyinə daxil olan, akademik yönümlü elmi-pedaqoji əsərlər və 12 Beynəlxalq Konfrans Materialı çap edilmişdir. 5 ədəd şirkətdaxili patent müəllifidir.

Layiq görüldüyü təltif və mükafatlar[redaktə | mənbəni redaktə et]

  • Almaniya Dövlət Mühəndislər Birliyinin (VDI) fəxri Diplomu (1999, Braunschweig);
  • Almaniya Dövlət Mühəndislər Birliyinin (VDI) Diplomu (2000, Braunschweig);
  • Alman Elmi Tədqiqatları Birlininin (DFG) üzrə iki dəfə Pul mükafatı
  • İstanbul Texniki Universitetinin fəxri Diplomu (2000, ITU Istanbul);
  • Braunschweig Texniki Universiteti tərəfindən “Haynrix Büssinq adına Carola – Wilhelmina” Elmi Tədqiqat “Yaradıcı Gənc Elmi Işçilər” qrupunun illik mükafatçısı. (2003, Braunschweig)
  • Siemens VDO Automotive AG tərəfindən ən yaxşı 5 Yaradıcı Mühəndis Mükafatı (2005, Würzburg)
  • DaimlerChrysler AG tərəfindən Simulation mühəndisləri üçün “Preis des Jahres für Driving Simulation” (2008, Sindelfingen)
  • Volkswagen AG tərifindən HR idarəetmə personalları üçün “Managemanet für interkulturelle Kompetenz” pul mükafatı (2015, Wolfsburg)

Müxtəlif elmi-texniki birliklərə üzvlüyü[redaktə | mənbəni redaktə et]

  • Almaniya Dovlət Mühəndislər Birliyi, (VDI - Verein Deutscher Ingenieure)
  • Alman Avtomobil Sənayesi Forumu, (VDA - Verband Deutscher Automobilindustrie)
  • Almaniya Avtomobil Şirkətlərinin „Simulation“ üzrə İxtisas Komitəsinin üzvü

İctimai fəaliyyəti[redaktə | mənbəni redaktə et]

20 il ərzində Almaniyadakı fəaliyyətini daim azərbaycanlı gənclərlər bölüşür, onlara hər bir sahədə yardımçı olur. Diaspor fəaliyyətində bilavasitə iştirakı vardır. Braunşvayq şəhər bələdiyyəsində, yaşayış yerinin bələdiyyəsi ilə Azərbaycan mədəniyyət günlərinin təşkilində yaxından iştirak edir. Müxtəlif məqamlarda Azərbaycanla bağlı həmişə Almaniyanın elmi və siyasi dairələri ilə diskussiyalar aparır, Almaniyada oxuyan azərbaycanlı tələbələrlə əlaqə saxlayır, onlara yardım və köməyini əsirgəmir.

Əvvəllər Texniki Universitetin böyük auditoriyasında, kitabxanasında, ayrı-ayrı institutlarda Azərbaycanla bağlı çoxsaylı görüşlər, tədbirlər, diskussiyalar keçirmişdir. Braunşvayq Texniki Universitetinin kanslerinin yardımı ilə universitetin elmi işçilər üçün qonaq evində Azərbaycan axşamı keçirməyə nail olmuşdur. Oraya Braunşvayq Texniki Universitetinin bütün fakültə dekanları, prorektorları, rektoru dəvət olunmuşdu. Bu barədə Azərbaycanda və Braunşvayqda bəzi mətbuat orqanlarında da xəbər dərc edilmişdir. Şəhərdə baş tutan əksər tədbirlərə dəvət alıb ölkəmizi orada təmsil edir. Yaşadığı ərazinin mədəniyyət mərkəzində və bələdiyyə evində daim geniş çıxışları olur

İstinadlar[redaktə | mənbəni redaktə et]

Mənbə — "https://az.wikipedia.org/w/index.php?title=Pərviz_Əmiraslanov&oldid=7559607"