Panatinaikos (stadion)

Vikipediya, açıq ensiklopediya
Keçid et: naviqasiya, axtar

Koordinatlar: 38°36′08.33″ şm. e. 24°14′01.11″ ş. u. (G)

Panatinaikos
Kallimarmaron stadium.JPG
Tam adı Panatinaikos Stadionu
Orijinalda adı yun. Παναθηναϊκό στάδιο
Yeri Flag of Greece.svg Yunanıstan, Afina
Tikilib təxminən e.ə 566
Yenidən qurulub e.ə 329 (mərmərlə yenidən tikilib)
1869 (1870 və 1875 Olimpiadaları)
1895-1896 (1896 Yay Olimpiadası və
1906 Yay Olimpiya Oyunları
2000-2004-cü illər (2004 Yay Olimpiya Oyunları)
Sahibi Yunanıstan dövləti
Tamaşaçı tutumu 80,000 (1896)
45,000(hal-hazırda[1])
Panatinaikos Commonsda

Panatinaikos stadionu— 1896-ci ildə ilk müasir Olimpiya Oyunlarının keçirildiyi Afinada yüngül atletika və bir çox başqa yarışlar üçün istifadə olunan çoxməqsədli stadiondur. Qədim Yunan stadionun qalıqlarından yenidən bərpa olunmuş Panatinaikos dünyada yeganə böyük stadiondur ki, tikilməsində bütünlüklə ağ mərmərdən istifadə olunmuşdur və bu stadion dünyanın ən qədim stadionlarından biridir.

Tarixi[redaktə]

Qədim dövrlərdə stadionun yerləşdiyi ərazi İlahə Afinanın şərəfinə Panatinaikos Oyunlarının atletika növünü keçirmək üçün istifadə olunurdu. Həmin vaxtlarda stadionda taxta oturacaqlar var idi. E.ə 329-cu ildə stadion arxont Lycurgus tərəfindən mərmərlə yenidən tikilib, bundan 140 il sonra İrodun Atticus tərəfindən stadion yenidən qurulmuş və genişləndirilmişdir. Nəticədə, stadionda oturacaqların sayı 50000-ə çatmışdır.

Olimpiya Oyunlarının yenidən dirçəlməsi üçün Evangelis Zappasın vasaiti hesabına qədim tikilinin qalıqları qazılıb çıxarılaraq təmir olunub.[2] Zappas 1870-1875-ci illərdə baş tutmuş olimpiadalara sponsurluq etmişdir. 1895-ci ildə stadion xeyriyyəçi Corc Averoffun maliyyə yardımı ilə 1896-cı il Olimpiya Oyunlarına görə ikinci dəfə təmir olunub. Giriş qapısında indinin özündə də orda qalan mərmər sütünlar memarlar Anastasios MetaksasErnst Zillerin konstruksiyaların əsasında hazırlanmışdır.[3]

1906-ci ildə Panatinaikos Stadionunda daha bir böyük beynəlxalq idman tədbiri—1906–cı il Olimpiya Oyunları keçirilib.

4 aprel 1968-ci ildə bu stadionda 1967-68-ci il Basketbol Üzrə Avropa Kubokunun finalı baş tutmuşdu və bu finalda 60000 tamaşaçı qarşısında Afinanın AEK basketbol klubu Praqanın USK basketbol klubunu məğlub etmişdi. Belə hesab edilir ki, həmin oyundan etibarən Panatinaikos Stadionunda baş tutmuş basketbol oyunlarının heç birində bu qədər tamaşaçı olmamışdır.[4]

2004-cü il Olimpiya Oyunlarında, Panatinaikos Stadionunda oxatma yarışları və Marafonunun finalı keçirilib.[5]

Konsert yeri kimi[redaktə]

Nadir hallarda stadion seçilmiş musiqi və rəqs kollektivlərinin iştirakı üçün məkan kimi istifadə olunmuşdur. Bunların arasına Plaçido Dominqo, Xoakin Kortes, Depeche Mode,Cure, Stranglers, Run-D.M.C. qrupu, Culture Club, Bonni Tayler daxildir.

2008-ci ilin sentyabrında stadionda MTV Yunanıstanın R.E.M., Kaiser Chiefs, C:Real kimi qrupların və Qabriella Kilminin iştirakı ilə buraxılış partisi keçirilib. 2009-cu il iyulun 1-də Sakis Ruvas bu stadionda konsert proqramı ilə çıxış edib.[6]

Panorama of a U-shaped stadium of white marble
Giriş qapısından Panatinaikos Stadionunun Panaroması.
Panorama
1896-cı il Yay Olimpiya Oyunlarının ilk günü Panatinaikos Stadionunun görünüşü.

İstinadlar[redaktə]

  1. http://www.worldstadiums.com/europe/countries/greece.shtml
  2. "Timeline of the Modern Olympic Games". http://www.zappas.org/timeline.shtml. İstifadə tarixi: 25 may, 2014.
  3. "1896 Summer Olympics official report". http://library.la84.org/6oic/OfficialReports/1896/1896.pdf. İstifadə tarixi: 25 may, 2014.
  4. "Partizan sets crowd record at Belgrade Arena!". Mart 5, 2009. http://www.euroleague.net/news/i/45551/180/partizan-sets-crowd-record-at-belgrade-arena. İstifadə tarixi: 25 may, 2014.
  5. "2004 Summer Olympics official report". http://www.la84foundation.org/6oic/OfficialReports/2004/or2004b.pdf. İstifadə tarixi: 25 may, 2014.
  6. "Panathenaic Stadium". http://famouswonders.com/panathenaic-stadium/. İstifadə tarixi: 25 may, 2014.

Xarici keçidlər[redaktə]

VikiAnbarda Panatinaikos (stadion) ilə əlaqəli mediafayllar var.