Panqasius

Vikipediya, açıq ensiklopediya
Keçid et: naviqasiya, axtar
Panqasius
Panqasius
Pangasius hypophthalmus
Elmi təsnifat
Aləmi: Heyvanlar
Tip: Xordalılar
Yarımtip: Onurğalılar
Sinifüstü: Balıqlar
Sinif: Sümüklü balıqlar
Yarımsinif: Şüaüzgəcli balıqlar
Dəstə: Naxakimilər
Fəsilə: Panqasiuslar
Cins: Pangasius
Növ: Pangasius hypophthalmus
Latın dilində adı
Pangasius hypophthalmus Sauvage, 1878
Sinonimləri

Pangasius sutchi Fowler, 1937[1]

Wikispecies-logo.svg
Vikinnövlərdə
təsnifat

Commons-logo.svg
Vikianbarda
axtar

ÜTMS 639954
MBMM 85560

Pangasius hypophthalmus (Pangasius hypophthalmus) – Naxakimilər dəstəsinin panqauslar fəsiləsinə aid balıq növü.

Panqasius balıqları VyetnamÇində xüsusi fermalarda yetişdirilir. Son illər Vyetnamda bu sahə aktiv inkişaf etməkdədir. Bu balıqlar tərəvəz, kiçik balıq, soya, düyü və digər kalorili yeyəcəklərlə bəslənirlər. Ancaq mütəxəssislər hesab edirlər ki, onların yeyəcəklərinə süni, kimyəvi birləşmələr də əlavə olunur. Çünki bu fermalarda saxlanan panqasiusların çəkisi yarım ildə 2 kiloya çatır. Bu da təbii inkişaf halında mümkünsüzdür. Deməli, böyük ehtimalla, onların yeyəcəklərinə antibiotiklər və boy artırıcı kimyəvi birləşmələr əlavə olunur. Bu da həmin balıqları yeyən insanların səhhətlərində gələcəkdə problem yaranması ehtimalını artırır.

Vyetnamdakı Mekonq çayının deltasında yaradılmış süni göllərdə panqasiuslar antisanitariya şəraitində saxlanılırlar. Bu çayın suları yüksək dərəcədə çirklənib. Çay sularında bakteriyaların, ağır metal qarışıqlarının, xlorun və digər kimyəvi birləşmələrin xüsusi çəkisi böyükdür. Bu fermalarda hətta hamilə qadınların sidik cövhərindən də istifadə olunur. Çünki bu cövhərlərin tərkibi balıqların kürü istehsal etməsi prosesi üçün lazımi qidalı maddələrlə zəngin hesab olunur. Bu cövhər vasitəsilə yetişdirilən bir panqasius bir dəfəyə 500 min yumurtanın olduğu kürü tökür və buna görə də onların yeyəcəklərinə genetik modifikasiya olunmuş maddələr qatılır.

Bu yaxınlara qədər həmin balıqlar ABŞ-a da ixrac olunub. Ancaq balıqlarda kimyəvi maddələr aşkarlanandan sonra onların ABŞ-a idxalı kəskin azaldılıb. Amerikalıların arxasınca kanadalılar da belə addım atıblar. Bu il Hollandiya, Belçika, Ukrayna, Rusiya, İspaniya, Almaniya, Misir və digər ölkələr də Vyetnamdan balıq idxalını məhdudlaşdırıblar.

Vyetnam Dəniz Məhsulları İxracı və İstehsalçıları Assosiasiyasının məlumatına görə, 2009-cu ilin yanvar-avqust aylarında Azərbaycana 124 min ton (!) panqasius ixrac olunub. Bu məhsulun bazar dəyəri 272 min 372 dollardır.[2]

İstinadlar[redaktə]