Pyotr Stoyanov

Vikipediya, açıq ensiklopediya
Keçid et: naviqasiya, axtar
Pyotr Stoyanov
Петър Стоянов
Pyotr Stoyanov
Bayraq
Bolqarıstanın III prezidenti
Bayraq
19 yanvar 1997 — 22 yanvar 2002
Vitse-prezident: Todor Kavalciyev
Sələfi: Jelyu Jelev
Xələfi: Georgi Pırvanov
 
Partiya: Demokratik Qüvvələr Birliyi
Təvəllüdü: 25 may 1952
Plovdiv, Bolqarıstan
Həyat yoldaşı: Antonina Stoyanova


Pyotr Stefanov Stoyanov (bolq. Петър Стефан Стоянов) — bolqar siyasətçisi, Bolqarıstanın 3-cü prezidenti (1997-2002)

Həyatı[redaktə]

Pyotr Stoyanov 1952-ci il may ayının 25-də Plovdivdə anadan olub. 1976-cı ildə Kliment Oxridski adına Sofiya Universitetinin hüquq fakültəsini bitirib. Bundan sonra Plovdivdə vəkil işləyib.

1992-ci ildə 1944-cü ildən o dövrə qədər Bolqarıstanda mövcud olmuş və Filip Dimitrovun rəhbərlik etdiyi ilk qeyri-kommunist hökumətdə ədliyyə naziri vəzifəsini tutub. Bolqarıstanın Demokratik Qüvvələr Birliyinin üzvü olub.

1994-cü ildə 34-cü Xalq Toplantısına (Bolqarıstan parlamentinə) deputat seçilib. Elə həmin ildən Bolqarıstan DQB sədrinin müavini, turizm, gənclər və idman nazirinin müavini vəzifələrini tutub. 1996-cı ildə DQB-də keçirilən ilkin prezident seçkilərini 66% səs çoxluğu ilə qazanın və partiyanın Bolqarıstan prezidentliyinə namizədi olub.

1996-cı il noyabrın 2-də keçirilən prezident seçkilərində Stoyanov seçicilərin 59,73 %-nin (2 502 517) səsini qazanaraq Bolqarıstan prezidenti seçilib. 1997-ci il yanvar ayının 19-dan vəzifəsinin icrasına başlayıb və Todor Kavalciyevi vitse-prezident vəzifəsinə təsdiq edib.

Pyotr Stoyanov 2001-ci ildə də Bolqarıstan prezidentliyinə öz namizədliyini irəli sürüb. Amma ikinci turda Georgi Pırvanova məğlub olub. 2005-ci ildə Smolyan və Plovdiv dairələrindən yenidən Bolqarıstan parlamentinə deputat seçilib, 2007-ci ilə qədər DQB-nin rəhbəri olub.

Pyotr Stoyanov fəal surətdə internetdən istifadə edir. İngilis və alman dillərini bilir. Antonina Stoyanova ilə evlidir. İki övladı var. O, Danimarka krallığının "Fil ordeni" kavaleridir.