Qara penni

Vikipediya, açıq ensiklopediya
Keçid et: naviqasiya, axtar
Qara penni

Qara penni (ing. Penny Black) — tarixdə birinci poçt markası.

Qara penni 1840-cı ildə çap olunub. İngiltərədə çap olunan bu marka qara rəngdə və bir penni dəyərində olduğuna görə onu "Qara penni" adlandırıblar. Yapışqanlı marka ideyasını ilk dəfə kitab satıcısı Ceyms Çalmers(James Chalmers, 1782−1853)təklif etsə də, bu markanın ixtirasını general-postmaster Roulan Hillin (Rowland Hill; 1795—1879) adı ilə bağlayırlar.

İlk poçt markasının dizaynı üçün elan olunan müsabiqədə 2700-ə yaxın təklif irəli sürülsə də, Çarlz və Frederik Hit(Charles and Fredrick Heath) və Henry Koulun (Henry Cole) layihəsi qalib gəlir. İngiltərədə aparılan poçt islahatı və marka sisteminə keçid poçtlaşmaq həcmini artırdı. Belə ki, 1839-cu ildə 75 milyon məktub göndərilmişdi, 1940-ci ildə isə bu rəqəm 168 milyona qədər artdı. Həmçinin, İngiltərədə poçt göndərişlərini asanlaşdırmaqla yanaşı, onlara görə ödənilən məbləği dəqiq və tam hesablamağa kömək etdi. Roulan Hill bu ixtirasına görə İngiltərə poçt idarəsində baş katib vəzifəsinə gətirildi və 20.000 funt sterlinq məbləğində mükafat aldı.

İlk markalar metalloqrafiya üsulu ilə çap olunurdu. Üzərində iki söz yazılırdı: «Postage» və «One penny». Qara Penninin üzərində şahzadə Viktoriyanın (1819—1901) rəsmi əks olunub.

"Qara Penni" 68 808 000 ədəd çap olunub. Bu gün həmin nümunələri əldə etmək nadir tapıntı hesab olunmasa da kolleksionerlər tarixiliyinə görə öz kolleksiyalarına "Qara Penni"ni əlavə etmək həvəsindədirlər.

Markanın yubileylərində isə xüsusi marka blokları hazırlanır.