Rövşən Yerfi
| RÖVŞƏN YERFİ | |
| Rövşən Həsənbaba oğlu Həsənli | |
 |
|
| Doğum tarixi: | 20 aprel 1965-ci il |
|---|---|
| Doğum yeri: | Yerfi, Quba |
| Peşələri: | Yazıçı, jurnalist |
Həsənli Rövşən Həsənbaba oğlu (Rövşən Yerfi) — nasir, 2006-cı ildən Azərbaycan Yazıçılar Birliyinin üzvü.
Mündəricat |
[redaktə] Həyatı
Rövşən Yerfi 1965-ci ilin aprelin 20-də Quba rayonunun Yerfi kəndində anadan olmuşdur. 1972-1982-ci illərdə orta məktəbi oxumuş, 1982-ci ildən Bakı poçtamtında əmək fəaliyyətinə başlamışdır. 1983-1985-ci illərdə orduda qulluq etmişdir.
1986-1992-ci illərdə Bakı Dövlət Universitetinin Kitabxanaşünaslıq-biblioqrafiya fakültəsində ali təhsil almışdır. 1991-1995-ci illərdə Səhiyyə Nazirliyinin orqanı olan "Şəfqət" qəzetində (indiki "Tibb qəzeti") ilk məsul katib işləmişdir. 1995- 2012 -ci illərdə Ədliyyə Nazirliyi Penitensiar Xidmətin əməkdaşı olmuşdur, istefada olan ədliyyə mayorudur.
[redaktə] Fəaliyyəti
1988-ci ildən Azərbaycan qəzetlərində məqalələri çap olunub. 1993-cü ildə Azərbaycan Jurnalistlər Birliyinə üzv qəbul edilib. Mətbuatda ilk hekayəsi 1989-cu ildə dərc olunub. Həmin il "Debüt-89" respublika ədəbi yaradıcılıq müsabiqəsinin nəsr üzrə qalibi olub. 2004-cü ildə "Üzdəniraq ada" adlı ilk kitabı işıq üzü görüb. 2008-ci ildə "Qadın düşərgəsi" povesti "Kitab Klubu"nun həyata keçirdiyi "Sınaq nüsxəsi" layihəsində bəyənilərək çap edilmişdir. 2009-cu ildə "Residivist" adlı kitabı nəşr olunub. "Üzdəniraq ada" romanı və "Residivist" povesti cəzaçəkmə müəssisələrinin 1995-1998-ci illərdəki dövründən bəhs edir. Bundan əlavə əsərləri "Azərbaycan", "Ulduz", "Mars", "Aran", "Eko-inter" jurnallarında, üzvü olmuş "Dirili Qurbani" ədəbi məclisinin almanaxlarında çap olunmuşdur.
[redaktə] Əsərləri
- "Üzdəniraq ada" Bakı, Şirvannəşr, 2004
- "Residivist" Bakı, Kitab Klubu, 2009
- "Qadın düşərgəsi" Bakı, Kitab Klubu, 2010
- "Günahsız qatil" Bakı, Qanun, 2010
