Rəşid Əliyev

Vikipediya, açıq ensiklopediya
Keçid et: naviqasiya, axtar
Rəşid Əliyev
Şəkil yoxdur.jpg
Doğum tarixi: 30 yanvar 1954 (1954-01-30) (60 yaş)
Doğum yeri: Flag of the Soviet Union.svg SSRİ
Flag of Georgian SSR.svg Gürcüstan SSR, Bolnisi, Faxralı, Gürcüstan
Vətəndaşlıq: Flag of the Soviet Union.svg SSRİFlag of Azerbaijan.svg Azərbaycan

Rəşid Əliyev — kvant elektronikası və lazer texnikası üzrə yüksək ixtisaslı mütəxəssis

Həyatı[redaktə]

1954-cü il yanvarın 30-da Gürcüstanın Bolnisi rayonu, Faxralı kəndində qulluqçu ailəsində anadan olub.

Azərbaycan Dövlət Universitetinin fizika fakültəsinin bitirib. 35 ildən artıq bu fakültədə işləyib. Baş laborantdan aparıcı mühəndis vəzifəsinə qədər yüksəlib. Hazırda BDU-nun nəzdindəki Fizika Problemləri Elmi-Tədqiqat İnstitutunun bioloji sistemlər fizikası laboratoriyasında aparıcı mühəndis vəzifəsində işləyir.

Qarabağ müharibəsində[redaktə]

1992-ci ilin mayında o, elmi fəaliyyətini dayandıraraq, 38 yaşında Azərbaycan ordusunda xidmətə yollanıb və 1999-cu ilədək döyüşdüyü hərbi hissədə rabitə rəisi vəzifəsində çalışıb. O, Qarabağ müharibəsi veteranı, ehtiyatda olan kapitandır.

Elmi fəaliyyəti[redaktə]

Rəşid Əliyev kvant elektronikası və lazer texnikası üzrə yüksək ixtisaslı mütəxəssis kimi tanınır. O, bir çox elmi məqalə, ixtira və səmərələşdirici təkliflərin müəllifidir. Alim fizika Problemləri Elmi-Tədqiqat İnstitutunda da, AMEA Genetik Ehtiyatlar İnstitutunda və bu tip elm ocaqlarında mürəkkəb rentgen, lazer və başqa optik qurğuların sazlanmasını, işlək vəziyyət gətirilməsini təmin edib. Rəşid Əliyev "Lazer" Elmi-Texniki Mərkəzində hazırlanmış xüsusi təyinatlı lazer texnikası sınaqlarının təşkilində fəal iştirak etmişdir. BDU-dakı elmi fəaliyyəti ilə yanaşı gəmi təmiri üzrə də əhəmiyyətli işlər görüb.

2007-ci ilin yanvarında Rəşid Əliyev İranın Simnan şəhərindəki "SAZAN Electronics İndustrics" şirkəti tərəfindən müqavilə əsasında işlə təmin olunub. Şirkətin direktoru doktor Abbas İftixari BDU-nun rektoru Abel Məhərrəmova rəsmi müraciət edərək, onun İranda elektronika sahəsində aparılan elmi-tədqiqat işlərinə icazə verməsini istəyib. Alim İranda bir ay işləyəndən sonra Bakıya qayıdıb və vizasının vaxtının uzadaraq, İslam Respublikasına gedib. Bakda olanda şirkət rəhbərliyi ona dəfələrlə zəng edib və işlərinin dayandığını və «Rəşidə ehtiyac duyduqlarını» bildiriblər.

Ona İranda qalıb işləmək təklif olunub. Ancaq Rəşid Əliyev onların bu təkliflərini rədd edib. Sonuncu dəfə Bakıya qayıdandan sonra "maaşının müqavilə şərtlərindən az olduğunu" söyləyərək, bir daha İrana getməyəcəyinin bildirib. Bu narazılıq qarşılığında İran tərəfi ona müəyyən qədər pul göndərib, yenə də təkidlə qısa müddətə İrana dəvət ediblər. Abbas İftixarinin təkidli xahişlərindən sonra o, yenidən İranın Simnan əyalətinə yollanıb. Bu səfərdən sonra onun ailəsi əlaqəsi tamam kəsilmişdi.[1]

Həbsi[redaktə]

Rəşid Əliyev 2008-ci ildə İran İslam Respublikasında viza problemi bəhanə gətirilərək həbs edilib. Ona qarşı məxfi məlumatların guya Azərbaycana ötürülməsi ittihamı irəli sürülüb. 1 il 10 ay həbsdə qaldıqdan sonra azadlığa buraxılmasında millət vəkilləri, hüquq müdafiəçiləri və müdafiə komitəsinin İran tərəfinə müraciətlərinin mühüm rol oynadığını deyən Rəşid Əliyev konkret olaraq hansı əsaslarla azadlığa buraxılması barədə həm İran, həm də Azərbaycan tərəfindən məlumatlandırılmadığını da bildirib. Rəşid Əliyev Tehran həbsxanasında saxlanıldığı müddətdə çox böyük psixoloji sarsıntı keçirdiyini qeyd edib.[2]

Mənbə[redaktə]