Rie Kudan

Vikipediya, azad ensiklopediya
Naviqasiyaya keç Axtarışa keç
Rie Kudan
Doğum tarixi 27 sentyabr 1990(1990-09-27) (33 yaş)
Doğum yeri
Fəaliyyəti roman yazıçısı
Vikianbarın loqosu Vikianbarda əlaqəli mediafayllar

Rie Kudan (九段理江, Kudan Rie?, 27 sentyabr 1990, Urava[d], Saytama prefekturası) – Yaponiya yazıçısı. 2024-cü ildə "Tokio Simpatiya Qülləsi" romanına görə Akutaqava mükafatının qalibi olmuşdur. Romanın bir hissəsinin süni intellektin köməyi ilə yazmışdır.

İlk illəri və təhsili[redaktə | mənbəni redaktə et]

Kudan 27 sentyabr 1990-cı ildə Saytama prefekturasının Urava şəhərində doğulmuşdur.[1] Universitetdən məzun olduqdan sonra laboratoriya köməkçisi kimi işləməyə başlamışdır.[2]

Karyerası[redaktə | mənbəni redaktə et]

İbtidai məktəbin 6-cı sinfində oxuyarkən yazdığı "Gözəl yapon dilindən istifadə edək" (美しい日本語を使おう, Utsukuşī nihonqo o tsukaou?) adlı essesinə görə ilk ədəbi mükafatını qazanmışdır.[3] 2021-ci ildə debüt romanı olan "Pis musiqi" (悪い音楽, Varui onqaku?) romanı ilə 126-cı Ədəbi Dünyanın Yeni Gələni Mükafatının qalibi olmuşdur.[1]

Kudan 2024-cü ildə "Tokio Simpatiya Qülləsi" (東京都同情塔, Tokyo-to Doco To?) romanına görə 170-ci Akutaqava mükafatının qalibi olmuşdur. Bundan öncə 2021-ci ildə "Məktəbli qız" əsərinə görə Akutaqava mükafatına namizəd göstərilsə də, qalib ola bilməmişdi.[2] "Tokio Simpatiya Qülləsi" romanında hadisələr Zaha Hadidin Milli Stadion layihəsinin gerçək olduğu və süni intellektin gündəlik həyatın ayrılmaz hissəsinə çevrildiyi yaxın gələcəkdə baş verir. Hekayə Tokionun Şincuku Qyoen bağında cinayətkarların rahat reabilitasiyası üçün qüllə formasında həbsxana dizayn edən memar və onun bioqrafiyasını yazan oğlan haqqındadır.[4]

Koden mükafat mərasimi zamanı romanın 5%-lik hissəsini birbaşa ChatGPT vasitəsilə yazdığını bildirmişdir. Süni intellektlə yazılmış əsərin mükafatın qalibi kimi seçilməsi mübahisəyə səbəb olmuşdur.[5][6]

Şəxsi həyatı[redaktə | mənbəni redaktə et]

Hazırda Çiba prefekturasında yaşayır.[4]

İstinadlar[redaktə | mənbəni redaktə et]

  1. ↑ 1 2 "第170回芥川賞は九段理江さん（33）、直木賞は河﨑秋子さん（44）、万城目学さん（47）の受賞が決まる". Shūkan Bunshun (yaponca). 17 yanvar 2024. 2024-02-01 tarixində arxivləşdirilib. İstifadə tarixi: 28 yanvar 2024.
  2. ↑ 1 2 "芥川賞に九段理江さん 直木賞に河崎秋子さんと万城目学さん". NHK News (yaponca). 17 yanvar 2024. İstifadə tarixi: 28 yanvar 2024.
  3. ↑ "芥川賞の九段理江さん 「AIのほうが優れていても自分で書きたい". The Asahi Shimbun (yaponca). 17 yanvar 2024. 2024-01-29 tarixində arxivləşdirilib. İstifadə tarixi: 28 yanvar 2024.
  4. ↑ 1 2 "Ex-shepherd from Hokkaido wins prestigious Naoki Prize". The Asahi Shimbun (ingiliscə). 18 yanvar 2024. 2024-01-22 tarixində arxivləşdirilib. İstifadə tarixi: 28 yanvar 2024.
  5. ↑ "Novelist Rie Kudan wins Japan's most prestigious literary prize – then reveals she used ChatGPT". Euronews (ingiliscə). 19 yanvar 2024. 2024-01-24 tarixində arxivləşdirilib. İstifadə tarixi: 28 yanvar 2024.
  6. ↑ Smith, Benedict. "Author admits she used ChatGPT to write parts of prize-winning novel". The Telegraph. 18 yanvar 2024. 2024-01-28 tarixində arxivləşdirilib. İstifadə tarixi: 29 yanvar 2023.
Mənbə — "https://az.wikipedia.org/w/index.php?title=Rie_Kudan&oldid=7487661"