Sadıq bəy Xalxali
| Sadıq bəy Xalxali | |
|---|---|
| Doğum yeri | Xalxal |
| Fəaliyyəti | şair |
Sadıq bəy Xalxali —XIX əsr Azərbaycan şairi.
Həyatı[redaktə | mənbəni redaktə et]
Sadıq bəy Xalxal şəhərində anadan olmuşdu. Əslən Şəqaqi elinin İspərli oymağındandır.
Sadıq bəy şair idi. Sabit təxəllüsü ilə xoştəb şeirlər yazırdı. Ünlü bioqraf Mirzə Məhəmmədəli xan Tərbiyyət onun haqqında yazır: "Sabit Xalxali – adı Sadıq bəydir. O, İspərlu elindən, Xalxal mahalının vəkilürrüayası idi. Sabit arif olmuş və fars, türk dillərində bir sıra şeirlər qoşmuşdur.
O, qoca yaşlarında da eşqini, həvəsini itirməmişdir. Sabitin günü-ruzigarı yaxşı olmuş və dövründəki böyük şəxsiyyətlərə möhtac olmamışdır. O, həyatı sevən, səmimiyyətli, xoşsöhbət və arifməslək olaraq, gözəl məzmunlu şeirlər yaratmışdır. Aşağıdakı şerlər onundur:
Salma hörülmüş sünbülü gül kimi üzünə.
Niyə salırsan günəşi bulud pərdəsinə.
Yaradıcılığı[redaktə | mənbəni redaktə et]
Ürəyin çarəsi döyünməkdir ancaq,
Nə etsin ki, sənsiz aram olmayacaq.
Təkcə ayrılığın törətmir iztirab,
Cəmalın görcək də qalmır onda tab.
Könlümün bağbanı o çiçək bağından,
Baxmaq diləyir tək, dirmək yox, sən inan!
Rəqiblə bir yerdə necə görüm səni,
Tabım yox eşitmək rəqibin səsini.
Sabit, hicri odundan qurtarmaq istəsən,
Əcəl badəsini gərək sən içəsən.
***
Qoy açılmasın gündüz heç qiyamətəcən,
Bəlkə də qucaqladım ayı bir gecə mən.
***
Hər kim istərsə yar kuyundan keçsin,
Ona əvvəl gərək canından keçsin.
Ölüm mənə yeydir bu yaşayışdan,
Sabit istər belə ömürdən keçsin.
Aşağıdakı türk dilində şeir də Sabitdəndir:
Dağıdıb qamətinə sərv səmənbər geysu,
Kim görüb sərvdə bir bəylə müənbər geysu.
Kah zəncirim olur, gah könül murğuna dam,
Gətürür başimə Sabit, nə bəladır keysu.
(“Nigaristani-Dara”)
