Salman Rüşdi
| SALMAN RÜŞDİ | |
 |
|
| Doğum tarixi: | 19 iyun 1947-ci il |
|---|---|
| Doğum yeri: | Bombey, Hindistan |
Salman Rüşdi - (19 iyun 1947, Bombey, Hindistan) - hind əsilli ingilis yazıçısı, 1981-ci ildə Buker mükafatı laureatı.
Həyatı [redaktə]
Salman Rüşdi 1947-ci ildə Bombeydə biznesmen ailəsində anadan olub. 1961-ci ildə təhsil almaq üçün İngiltərəyə yollanıb. 1964-cü ildə Böyük Britaniya vətəndaşlığını alıb. Kembric Uniiversitetinin tarix fakültəsini bitirib.
Yaradıcılığı [redaktə]
İlk əsəri 1975-ci ildə yazdığı "Qrimus" romanıdır.
1988-ci ildə yazdığı Qurandan bəhs edən "Şeytan ayələri" kitabı müsəlman dünyasında qəzəblə qarşılanıb. Kitab Hindistan və Cənubi Afrika Respublikasında qadağan edilib. 1989-cu ildə Ayətullah Xomeyni yazıçının ölümünə fətva verib.
16 iyun 2007-ci ildə II Yelizaveta Salman Rüşdini cəngavər tituluna layiq görüb. 26 iyun 2008-ci ildə Londonda Bukingem sarayında II Yelizaveta şəxsən cəngavər titulunu Salman Rüşdiyə təqdim edib.
