Samirə Səfərəliyeva
 | Bu məqalədə bəzi məlumatlarının mənbəsi göstərilməmişdir. |
| Samirə Səfərəliyeva | |
|---|---|
| Samirə Elxan qızı Səfərəliyeva | |
| Doğum tarixi | 3 İyun |
| Doğum yeri | |
| Atası | Elxan |
| Anası | Xədicə |
| Milliyyəti | azərbaycanlı |
| Təhsili | |
| Fəaliyyəti | jurnalist |
| Fəaliyyət illəri | 1998-ci ildən |
| Mükafatları |
 [1] |
Samirə Elxan qızı Səfərəliyeva — Azərbaycan jurnalisti, televiziya aparıcısı.
Samirə Səfərəliyeva 3 iyun tarixində Bakı şəhərində anadan olub. Valideynləri Səfərəliyev Elxan Nuruş oğlu və Səfərəliyeva Xədicə Həzi qızı Laçın rayonunda anadan olduqlarından uşaqlığı elə bu rayonda keçib.[mənbə göstərin]
Şəxsi həyətı[redaktə | mənbəni redaktə et]
Ailəlidir. Ruslan (2003) və Mədinə (2011) adında iki övladı var.[2]
Fəaliyyəti[redaktə | mənbəni redaktə et]
1981-ci ildə Nizami rayonundakı 129 nömrəli orta məktəbin 1-ci sinfinə gedib. 1991-ci ildə orta məktəbi bitirib, sənədlərini Bakı Dövlət Universitetinin Jurnalistika fakültəsinə verib. Lakin daxil ola bilməyib. Müxtəlif qəzetlərdə ştatdankənar müxbir kimi fəaliyyətə başlayıb. İlk yazısı isə Laçın rayonunda nəşr edilən “Laçın” qəzetində çıxıb.[mənbə göstərin]
1993-cü ildə Qərb Universitetinin "Ümumbəşər siyasəti və iqtisadiyyatı" fakultəsinə daxil olub. Axşam şöbəsində oxuduğu üçün günortalar qəzet və jurnallarda jurnalistik fəaliyyətini davam etdirib. 1998-ci ildə ANS ÇM radiosunda dj kimi fəaliyyətə başlayıb. Bir müddət işləyəndən sonra ”Xəbərçi” verilişinə aparıcı keçirilib. 2000-ci ilədək burada müxbir, aparıcı, redaktor assistenti, aparıcı-redaktor işləyib. Daha sonra isə ANS-in “Salam Azərbaycan” səhər kanalında aparıcı redaktor, daha sonra isə şef redaktor vəzifələrində çalışıb.
2007-ci ildə ANS PRESS Nəşriyyat Evində www.anspress.ws saytında Azərbaycan bölməsinin redaktoru kimi fəaliyyət göstərib. 1 il sonraANS TV Bədii Publisistik Verilişlər Departamentində, Baş Prodüsserin müavini vəzifəsinə keçirilib. 2009-cu ildə Daha sonra yenidən ANS PRESS Nəşriyyat Evində www.anspress.ws saytının həm Azərbaycan həm də Rus bölməsinin şef redaktoru kimi fəaliyyət göstərib. |18|12|2021}}
2010-cu ildə Bədii Publisistik Verilişlər Departamentinin Baş Redaktoru vəzifəsinə təyin edilib. 2016-cı ilin fevral ayına kimi bu vəzifədə çalışıb[3]
2019-cu il oktyabrın 1-dən REAL TV-də Baş direktorun layihələr üzrə müavini vəzifəsinə təyin olunub.
Keçdiyi kurslar[redaktə | mənbəni redaktə et]
S. Səfərəliyeva Asiya Dialoqu İctimai Birliyinin vasitəsilə 1 ay ərzində Türkiyənin CNN Türk telekanalında jurnalist kimi staj keçərək sertifikat almışdır. Daha sonra isə 1 həftə ərzində Ankara və İstanbulda TRT və Habertürk kanallarında staj keçib. Rusiyanın Sankt Peterburq şəhərində "Школа журналистики" məktəbində kurs keçib.[4]
Mükafatları[redaktə | mənbəni redaktə et]
22 iyul 2020-ci ildə Azərbaycan Respublikası Prezidentinin Sərəncamı ilə Samirə Səfərəliyeva kütləvi informasiya vasitələrinin inkişafında xidmətlərinə görə "Tərəqqi" medalı ilə təltif edilib.
İstinadlar[redaktə | mənbəni redaktə et]
- ↑ "Arxivlənmiş surət". 2021-11-11 tarixində arxivləşdirilib. İstifadə tarixi: 2021-11-11.
- ↑ "Arxivlənmiş surət". 2021-11-11 tarixində arxivləşdirilib. İstifadə tarixi: 2021-11-11.
- ↑ https://news.milli.az/society/402586.html Arxivləşdirilib 2021-11-11 at the Wayback Machine.
- ↑ "Laçın yurdu" jurnalı, № 2(4), 2011, Bakı, "Nurlar", 2012.