Savmel Qriqoryan

Vikipediya, açıq ensiklopediya
Keçid et: naviqasiya, axtar
Savmel Qriqoryan
erm. Սամվել Գրիգորյան
Samvel Grigoryan-1-.jpg
Savmel Qriqoryan (1970-ci il)
Doğum tarixi 20 aprel 1907(1907-04-20)
Doğum yeri Şuşakənd, Xocalı
Vəfatı 7 iyun 1987 (80 yaşında)
Vətəndaşlıq Flag of the Soviet Union.svg SSRİ
Milliyyəti erməni
Təhsili ali

Samvel Avanesoviç Qriqoryan (d.20 aprel, 1907, Xocalı, Şuşakənd-v.7 iyun, 1987) — erməni, Qırmızı Əmək Bayrağı (1967), Azərbaycan SSR Əməkdar Mədəniyyət İşçisi (1970), Azərbaycan SSR Xalq Şairidir (1984), Azərbaycan SSR Ali Sovetinin deputatı (1959-1985).

Həyatı[redaktə]

Samvel Qriqoryan 20 aprel 1907-ci ildə Xocalının Şuşakənd kəndinə dəmirçi ailəsində anadan olub[1]. Yerevan Dövlət Universitetinin tarix-ədəbiyyat fakültəsini (1925-1929) bitirib.

1967-ci ildə Qırmızı Əmək Bayrağı ordeni alıb, 1970-ci ildə Azərbaycan SSR Əməkdar Mədəniyyət İşçisi, 1984-cü ildən Azərbaycan SSR Xalq Şairi idi. 1959-1985-ci illərdə Azərbaycan SSR Ali Sovetinin deputatı olub.

Azərbaycan Radio Verilişləri Komitəsində işləyib.

Qriqoryan 7 iyun 1987-ci ildə dünyasını dəyişmişdir.

Yaradıcılığı[redaktə]

1926-cı ildə ədəbi yaradıcılığa başlayıb. Daha çox xalqlar dostluğu mövzusunda yazıb.

Puşkin, Lermontov, Taras Şevçenko, həmçinin Azərbaycan klassiklərinin əsərlərini erməni dilinə tərcümə edib.

1957-ci ildə Bakıda nəşr olunan “Ədəbi Azərbaycan” jurnalının redaktoru olub.

Samvel Qriqoryanın 1967-ci ildə Azərbaycan Dövlət Nəşriyyatında “Dünya qəlbimdədir” adlı kitabı işıq üzü görüb.

“Ədəbiyyat və incəsənət” qəzetinin 1976-cı il sayında Samvel Qriqoryanın “Bir foto-şəklin tarixi” yazısı işıq üzü görüb.

Qriqoryanın Üzeyir Hacıbəyovun anadan olmasının 100 illiyi ərəfəsində dahi bəstəkarla bağlı xatirələri “Ədəbiyyat və İncəsənət” qəzetinin 1984-cü il 3 avqust sayında dərc olunub.

Qriqoryanın “Kommunist” qəzeti 1984-cü il, 30 noyabr sayında “Azərbaycan” adlı şeiri dərc olunub.

“Ədəbiyyat və İncəsənət” qəzetinin 1986-cı il, 24 oktyabr sayında Samvel Qriqoryan Azərbaycanın xalq şairi Səməd Vurğuna həsr etdiyi şeir işıq üzü görüb.

1986-cı ildə isə xalq şairi Süleyman Rüstəmin anadan olmasının 80 illiyi münasibətilə Samvel Qriqoryan ona açıq məktubla təbrikini çatdırıb. “Ədəbiyyat və incəsənət” qəzetinin 14 mart sayındaı “Şair dostuma açıq məktub”u dərc olunub.

İstinadlar[redaktə]

  1. Azərbaycanın Xalq Şairi olan erməni ARAŞDIRMA