Suiqo İtako süsən bağı
| Suiqo İtako süsən bağı | |
|---|---|
| Suiqo İtako Ayama-en (水郷潮来あやめ園?) | |
 | |
| Məlumatlar | |
| Parkın tipi | süsən bağı |
| Ölkə | |
| Yerləşməsi |
İtako, İbaraki prefekturası,  Yaponiya |
| Sahəsi | 1,3 hektar |
| Yaradılıb | aprel 1976 |
| Ziyartəçi sayı | 800.000+ |
| Saytı | city.itako.lg.jp/page/pa… |
| Xəritədə yeri | |
 |
|
 Vikianbarda əlaqəli mediafayllar | |
Suiqo İtako süsən bağı (水郷潮来あやめ園, Suiqo İtako Ayama-en?) və ya keçmiş adı ilə Maekava süsən bağı (前川あやめ園, Maekava Ayame-en?) – Yaponiyanın İbaraki prefekturasının İtako şəhərində yerləşən yapon süsəni bağı. Hər il burada keçirilən Suiqo İtako Süsən Festivalına görə tanınır.
Tarix və xüsusiyyətlər[redaktə | mənbəni redaktə et]
Suiqo İtako süsən bağı 1976-cı ilin aprelində açılmışdır. 1,3 hektar sahəni əhatə edən[1] bu sahilyanı bağda 500 növə aid olan 1 milyondan çox rəngli süsən yetişir. Bağ mənzərəsi səbəbilə Yaponiyanın 500 ən gözəl gəzinti yerlərindən biri seçilmişdir.[2]
Bağda hər ilin may–iyun aylarında Suiqo İtako Süsən Festivalı keçirilir və 800.000-dən çox şəxs bağı ziyarət etməyə gəlir.[3] Festivalın əsas ənənələrin biri "Evlilik qayığı" adlanır. Bu zaman ənənəvi geyimdə olan və əlində süsənlər tutan əsl bir gəlin kiçik qayıqla çayı keçərək bəyə tərəf gəlir, daha sonra rikşaya minir. Festivalın digər ənənəsi isə "Süsən rəqsi" adlanır. Bağda süsənlərin gözəlliyindən bəhs edən vaka şeiri haqqında abidə, eləcə də, İtako-qasa və İtako gəlini heykəlləri yerləşir. Bu heykəllərin yanında Yukio Haşinin "İtako-qasa" mahnısı və Kikue Hanamuranın "İtako gəlini" mahnısı səsləndirilir.[1]
10 iyun tarixi bağın mənzərəsinə tamaşa etmək üçün ən ideal gün hesab olunur. Bağda süsənlə yanaşı hortenziya, visteriya, sakura və azaliya kimi mövsümi çiçəklər də yetişir.[1] Bağda gecə işıqlandırması mövcuddur.[2]
Populyar mədəniyyətdə[redaktə | mənbəni redaktə et]
2003-cü ildə Yaponiyada buraxılmış poçt markalarından biri Suiqo İtako süsən bağına həsr olunmuşdur. Markada evlilik qayığına minmiş gəlin və bağda yetişən süsənlər təsvir olunmuşdur.[4]
Qalereya[redaktə | mənbəni redaktə et]
-
Süsən bağı və Kaşima xətti -
"Evlilik qayığı" -
2011-ci ildə -
Gecə mənzərəsi
İstinadlar[redaktə | mənbəni redaktə et]
- ↑ 1 2 3 "水郷潮来あやめ園". İtako şəhərinin rəsmi saytı (yaponca). 13 aprel 2024 tarixində arxivləşdirilib. İstifadə tarixi: 13 aprel 2024.
- ↑ 1 2 "水乡潮来花菖蒲节". Ibaraki Guide (yaponca). 13 aprel 2024 tarixində arxivləşdirilib. İstifadə tarixi: 13 aprel 2024.
- ↑ "Suigo Itako Iris Festival". Visit İtako (ingilis). 2024-04-13 tarixində arxivləşdirilib. İstifadə tarixi: 13 aprel 2024.
- ↑ "「筑波山と水郷潮来のアヤメ」". Japan Post (yaponca). 13 aprel 2024 tarixində arxivləşdirilib. İstifadə tarixi: 13 aprel 2024.
Xarici keçidlər[redaktə | mənbəni redaktə et]
- city.itako.lg.jp/page/page001385.html — Suiqo İtako süsən bağının rəsmi saytı