Tokio alman kəndi
| Tokio alman kəndi | |
|---|---|
| Tokyo Doitsumura (東京ドイツ村?) | |
 | |
| Məlumatlar | |
| Parkın tipi | əyləncə |
| Ölkə | |
| Yerləşməsi |
Sodeqaura,  Çiba prefekturası,  Yaponiya |
| Yaradılıb | 2001 |
| Saytı | t-doitsumura.co.jp |
| Xəritədə yeri | |
 |
|
 Vikianbarda əlaqəli mediafayllar | |
Tokio alman kəndi (東京ドイツ村, Tokyo Doitsumura?) – Yaponiyada yerləşən və alman mədəniyyətinə həsr olunmuş park. Adına baxmayaraq Tokioda deyil, Çiba prefekturasının Sodeqaura şəhərində yerləşir.[1]
Tarixi[redaktə | mənbəni redaktə et]
Tokio alman kəndi layihəsinin əslində qolf meydançası olması planlaşdırılırdı, lakin 1980-ci illərin ortasında baş verən iqtisadi çətinliklər bu ideyanın tərk edilməsinə səbəb olmuşdur. Parkın qurucusu Almaniyaya səyahət etmiş, Almaniya təbiəti ilə Sodeqauranın təbiətinin çox oxşadığını görərək alman kəndi açmaq qərarına gəlmişdir.[1]
Park 2001-ci ildə açılmışdır. 2006-cı ildən etibarən parkda keçirilməyə başlanan "qış işıqlandırmaları" layihəsindən sonra parka gələnlərin sayı artmağa başlamışdır.[1]
Xüsusiyyətlər[redaktə | mənbəni redaktə et]
Park 4 bölgəyə bölünüb: kənd bölgəsi, göl bölgəsi, market bölgəsi və park bölgəsi. Parkda qolf meydançaları, şeytan çarxı, uşaq meydançası, ev heyvanları zooparkı, balıqçılıq və qayıqçılıq üçün gölməçələr, şiitake istixanası, idman meydançaları, bazar yeri, çəmənliklər, kiçik bulaq, ferma sahələri, gül bağları yerləşir.[2] Yaponiyada xizəkçilik üçün ən böyük yamac[3] və Kanto regionundakı ən böyük atıcı qolf meydançası bu parkdadır. Ziyarətçilər Almaniyadan gətirilmiş qida məhsullarının (pivə, sosiska, donuz əti və s.) dadına baxa bilərlər.[4]
Hər qış burada keçirilən işıqlandırma Kanto bölgəsindəki 3 əsas işıqlandırma hadisəsindən biri hesab olunur.[3] Parkı işıqlandırmaq üçün 2,5 milyon lampadan istifadə olunur.[4]
İstinadlar[redaktə | mənbəni redaktə et]
- ↑ 1 2 3 "Tokyo German Village". Atlas Obscura (ingilis). 2023-05-25 tarixində arxivləşdirilib. İstifadə tarixi: 2023-07-29.
- ↑ "園内ガイド". 東京ドイツ村 | 千葉県袖ケ浦市にある花と緑のテーマパーク. 2023-03-13. 2023-07-29 tarixində arxivləşdirilib. İstifadə tarixi: 2023-07-29.
- ↑ 1 2 "Country Farm Tokyo German Village | MustLoveJapan Video Travel Guide". www.mustlovejapan.com. 2023-07-29 tarixində arxivləşdirilib. İstifadə tarixi: 2023-07-29.
- ↑ 1 2 "Country Farm Tokyo German Village". ANA (ingilis). 2010-07-29 tarixində arxivləşdirilib. İstifadə tarixi: 29 iyul 2023.
Xarici keçidlər[redaktə | mənbəni redaktə et]
- t-doitsumura.co.jp — Tokio alman kəndinin rəsmi saytı
| Foto, video və audio |
|---|
