Valeri Çitçyan
| Valeri Çitçyan | |
|---|---|
| Şəxsi məlumatlar | |
| Doğum tarixi | 14 fevral 1956 |
| Doğum yeri | |
| Vəfat tarixi | 14 noyabr 1995 (39 yaşında) |
| Vəfat yeri | |
| Dəfn yeri | |
| Hərbi fəaliyyəti | |
| Rütbəsi | polkovnik-leytenant |
| Döyüşlər |
|
| Təltifləri |
  |
Valeri İsaakoviç Çitçyan (erm. Վալերի Իսահակի Չիթչյան; 14 fevral 1956, Çaykənd, Xanlar rayonu – 14 noyabr 1995, Yelenovka) — Ermənistan hərbçisi, Sovet Ordusunda mayor, Ermənistan Silahlı Qüvvələrinin polkovnik-leytenantı, Birinci Qarabağ müharibəsinin iştirakçısı, Xocalı soyqırımının təşkilatçılarından biri.
Həyatı[redaktə | mənbəni redaktə et]
Valeri Çitçyan 14 fevral 1956-cı ildə Azərbaycan SSR-nin Göygöl rayonunun Çaykənd kəndində anadan olmuşdur. Atası İkinci Dünya müharibəsi iştirakçısı olub, iki dəfə "Qırmızı ulduz" ordeni ilə təltif edilmişdir.
Çitçyan məktəbi bitirdikdən sonra Bakı Ali Ümumqoşun Komandirlər Məktəbinə daxil olmuşdur. Elə həmin il SSRİ Silahlı Qüvvələrinin Uzaq Şərq Hərbi Dairəsində xidmətə daxil olmuşdur.
Qarabağ hərəkatı başlayandan sonra Dağlıq Qarabağa getmiş və 366-cı motoatıcı alayın komandiri təyin edilmişdir. O, bu dövrdə Xocalı soyqırımının təşkilatçılarından biri olmuşdur.[1] 1992-ci ilin sentyabr–oktyabr aylarında Müdafiə Ordusu Baş Qərargah rəisinin müavini olmuşdur. 1992–1993-cü illərdə Ermənistan Silahlı Qüvvələrinin şərq qrupunun, 1993–1994-cü illərdə isə ayrıca briqadanın qərargah rəisi olmuşdur. 1994-cü ildə N saylı hərbi hissənin motoatıcı alayının komandiri təyin edilmişdir. 1992–1994-cü illərdə Ermənistanın cənub-şərq sərhədlərinin özünümüdafiə hərbi əməliyyatlarında iştirak etmişdir. Şuşanın işğalında rol oynamış, Xankəndi–Şuşa istiqamətində döyüş əməliyyatlarına rəhbərlik etmişdir.[2]
14 noyabvr 1995-ci ildə Göyçə şossesində avtomobil qəzasında həlak olmuşdur. Ölümündən sonra Ermənistan və DQR-nin 2-ci dərəcəli "Döyüş xaçı" və "Şuşanın azad edilməsinə görə" medalları ilə təltif edilmişdir. O, Yerablur panteonunda dəfn olunmuşdur.
İstinadlar[redaktə | mənbəni redaktə et]
- ↑ "Niyə Xocalı qətliamı üçün 26 fevral seçildi?". Axar.Az. 27 fev 2023. 2023-05-07 tarixində arxivləşdirilib. İstifadə tarixi: 2023-10-03.
- ↑ "9 մայիսի 1992 թ.` Շուշին ազատագրված է". 2016-05-10 tarixində arxivləşdirilib. İstifadə tarixi: 2020-11-11.
Xarici keçidlər[redaktə | mənbəni redaktə et]
- 14 fevralda doğulanlar
- 1956-cı ildə doğulanlar
- Çaykənddə doğulanlar (Göygöl)
- 14 noyabrda vəfat edənlər
- 1995-ci ildə vəfat edənlər
- 39 yaşında vəfat edənlər
- Ermənistanda vəfat edənlər
- Yerablurda dəfn olunanlar
- 2-ci dərəcəli "Hərb xaçı" ordeni kavalerləri (Qarabağ)
- 2-ci dərəcəli "Hərb xaçı" ordeni kavalerləri (Ermənistan)
- Əlifba sırasına görə hərbi xadimlər
- Ermənistan tərəfindən Birinci Qarabağ müharibəsi iştirakçıları
- 366-cı motoatıcı alay
- Xocalı soyqırımını törədənlər