Vikipediya:Beş əsas prinsip

Vikipediya, açıq ensiklopediya
Keçid et: naviqasiya, axtar
Green check.png Bu səhifə Vikipediyanın rəsmi prinsiplərindən biridir. Səhifənin məzmunu, bütün vikipediyaçılar tərəfindən eyni dərəcədə riayət edilməsi tələb olunan qaydalardan ibarətdir. Səhifədə redaktə etmədən öncə, bu dəyişikliklərin Vikipediyaçılar tərəfindən dəstəkləndiyindən əmin olun. Düzgün hesab etmədiyiniz məqam varsa məqalənin müzakirə səhifəsində bunu aydın şəkildə ifadə edin.
Qısayol:
VP:BƏP

Vikipediya qanunları beş əsas prinsipə söykənir:

RedPillar.svg Vikipediya bir ensiklopediyadır. Vikipediya nə mübahisə meydanı, nə şəxsi internet səhifəsi, nə hər hansısa qəzet saytı, nə reklam lövhəsi, nə xatirələr kitabçası, nə sınaq "poliqonu", nə də linklər (həm xarici, həm də daxili) toplusudur. Əgər burda düşüncələrinizi yazmaq, fikirlər yürütmək, subyektiv mülahizələrinizi bölüşmək istəyirsinizsə - deməli, ünvanı səhv salmısınız. Bu niyyətinizdən daşının və Vikipediyanın mümkün qədər dəqiq və şəffaf informasiya bazasına çevrilməsinə öz töhfələrinizi verin. Əgər bu prinsiplə razı deyilsinizsə, səhifənin yuxarı sağ küncündəki "çıxış" linkini seçin.
 
GreenPillar.svg Vikipediyada məqalələr Bitərəflik Nöqteyi Nəzərindən (BNN, ing. NPOV) yazılmalıdır. Bu o deməkdir ki, məqalə yaradarkən və ya hər hansısa mövcud məqaləyə əlavə və dəyişikliklər edərkən maksimum obyektiv olmaq lazımdır. Məqalədə subyektivliyə yol verilməməlidir. Əgər hər hansısa mövzuya dair bir neçə versiya mövcuddursa, onların hər biri bərabərhüquqlu sayılmalı, bir versiyanın "doğru", digərinin isə "səhv" olduğu iddia edilməməlidir.
 
BluePillar.svg Vikipediyadan istifadə sərbəst və pulsuzdur. GNU Azad Yazma Lisenziyasına tabedir və uyğun şəkildə paylana və dəyişdirilə bilər. Unutmayın, məqalələr hər bir kəs tərəfindən dəyişdirilə bilər və heç bir qurumun nəzarəti altında deyil; buna uyğun olaraq yazdığınız hər bir şey digər istifadəçilər tərəfindən dəyişdirilə və yayımlana bilər. Məqalələrə müəllif hüquqları və GFDL lisenziyası pozuntusuna yol açan heç bir şey əlavə etməyin.
 
OrangePillar.svg Vikipediyada mübahisəli məqalə ətrafında müzakirə aparıla bilər. Bu mübahisələrə qatılmasanız belə Vikipediyaçı yoldaşlarınızla çalışın hər zaman hörmətlə rəftar edəsiz. Mehriban olun. Əgər bir mövzu ətrafında çox hay-küy varsa çalışın bu mübahisəyə qatılmayasız. Kiçik miqyaslı redaktələr üçün çalışın ki, mübahisə etməyəsiz. Unutmayın - Vikipediyada üzərində birgə fəaliyyət göstərə biləcəyiniz 100313 məqalə var. Mübahisə zamanı çalışın fikrinizi isbat edə biləcək resurslarınız (mənbə) olsun, əgər onlar yoxdursa digər tərəfin haqlı olduğunu düşünün. Səsvermə və ya buna bənzər hallarda müxtəlif istifadəçi adlarından istifadə edib nəticəni öz xeyrinizə dəyişməyin, bunun qarşısı alınır. Fikrinizi açıq və rahat bir şəkildə ifadə edin.
 
YellowPillar.svg Vikipediyanın xüsusi qanunları yoxdur, yalnız bu beş prinsipə əməl etməniz kifayətdir. Məqalələrə düzəlişlər etməkdən, bu məqalələrə əlavə edəcəyiniz məlumatların səhv olacağından qorxmayın. İstənilən məqalənin köhnə versiyası yaddaşda saxlanılır. Heç kimin onu silməyə ixtiyarı yoxdur. Yəni siz nə "qəsdən", nə də "təsadüfən" Vikipediyaya ziyan vura bilərsiniz. Səhvlər onsuz da düzəldiləcək. Bura yazılan hər bir məqalə, məlumat Vikipediyanın yaddaşına həkk olunur. Hətta idarəçilər onları silsələr belə, onlar "tarixin arxivinə" yox, Vikipediyının arxivinə "göndərilir". Bircə bunu unutmayın - Sizin burada yazdıqlarınız həm dünəniniz, həm bu gününüz, həm də sabahınız üçün əhəmiyyətlidir. Keçmişinizə, bu gününüzə və sabahınıza hörmət edin.

Həmçinin bax