Vitalina Bibliv

Vitalina Bibliv
ukr. Віталіна Миколаївна Біблів
Doğum tarixi	15 oktyabr 1980(1980-10-15) (43 yaş)
Doğum yeri	Vasilkov[d], Kiyev vilayəti, Ukrayna SSR, SSRİ
Vətəndaşlığı	Ukrayna
Fəaliyyəti	aktrisa
Təhsili	Kiyev Milli Teatr, Film və Televiziya Universiteti[d] (–2003)
Mükafatları
IMDb	ID4590363
Vikianbarda əlaqəli mediafayllar

Vitalina Bibliv (ukr. Біблів Віталіна Миколаївна; 15 oktyabr 1980, Vasilkov^[d], Kiyev vilayəti) — Ukraynalı teatr, kino və televiziya aktrisası. Qızıl Yula Milli Mükafatının laureatı (2019), Ukraynanın Əməkdar Artisti (2020).

Bioqrafiya

Vitalina Bibliv 15 oktyabr 1980-ci ildə Kiyev vilayətinin Vasilkov şəhərində anadan olub.

Məktəb müəllimi İnna Puşkareva aktyorluq peşəsinin seçimində ona köməklik edir. Doqquzuncu sinifdə Müəllimlər günündə Vitalina Verka Serduçkanın parodiyasını etmək tapşırılır. Şübhə etsə də, müəllim onun xarizmasına inanır.

Məktəbdən sonra Vitalina Mədəniyyət məktəbində oxuyur. Müsahibəsində qeyd edir ki, məktəbdən klon olmaq və sirkdə işləmək arzusunda olub. O vaxta qədər estrada və sirk təhsili yalnız bir məktəbdə əldə edilə bilərdi və Vitalina ali təhsil almağa çalışırdı. 2003-cü ildə o, Kiyev Teatr İnstitutunu bitirir.

2003–2004-cü illərdə Kiyev Azad Səhnə Teatrının aktrisası olur. 2003–2008-ci illərdə Kiyev "Atelye 16" teatrında aktrisa kimi çalışır. 2008-ci ildən — "Qızıl Qapı" Kiyev Akademik Teatrında işləsədə Kiyev Akademik Gənc Teatrı ilə əməkdaşlıq edərir. 2015-ci ildə Stas Jirkovun "Stalkers" tamaşasında Slava rolunu oynayan Vitalina Bibliv teatr kəşfinə çevrilir.

Kinoda debütü 2004-cü ildə baş verir. O, Nikolay Kaftanın "Kor sevgi" serialında kiçik bir rol alır. Tənqidçilər Vitalinanın yəhudi ana rolunu oynadığı Eva Neumanın rejissoru olduğu "Mahnılar mahnısı" filminə xüsusi diqqət yetirirlər. Kino Avropanın ən yaxşı filmi (2012), Odessa Beynəlxalq Film Festivalının beynəlxalq və yerli müsabiqəsinin ən yaxşı filmi (2015) kimi tanınıb.

2009-cu ildə o, Ukraynanın 20 ən yaxşı aktrisasından biri seçilir.

Kiyev Mədəniyyət və İncəsənət Kollecində dərs deyir.

Hazırda Kiyevdə yaşayır və işləyir.

Mükafatları

• 2016 — "Stalkers" tamaşasındakı roluna görə "İkinci planda aktrisanın ən yaxşı tamaşası" nominasiyasında Kiyev Pektoral Teatr Mükafatına namizəd.
• 2019 — IV "Güzgü divarı" Teatr Mükafatında ("Həftənin Güzgüsü. Ukrayna" qəzeti) "Miss Yuliya" tamaşasında, "Qızıl Qapı" teatrında oynadığı rola görə qələbə.
• 2019 — "Qızıl Dziga Milli Kino Mükafatı". İkinci planda ən yaxşı aktrisa üçün Qızıl Dziga mükafatı
• 2020 — Ukraynanın əməkdar artisti.