Yaşayış binası (Şəddadilər küçəsi, 24 A)

Yaşayış binası
Ölkə	Azərbaycan
Şəhər	Gəncə
Yerləşir	Şəddadilər küçəsi 24 A
Tikilmə tarixi	XVIII əsrin I yarısı
Üslubu	Arran memarlıq məktəbi
Azərbaycandakı tarixi abidələrin milli qeydiyyatı
İstinad nöm.	3857
Kateqoriya	yaşayış binası
Əhəmiyyəti	Yerli əhəmiyyətli
Vikianbarda əlaqəli mediafayllar

Şəddadilər küçəsi 24 A ünvanında yerləşən yaşayış binası – Gəncə şəhərində yerləşən yerli əhəmiyyətli tarix-memarlıq abidəsi. Gəncə üçün xarakterik olan "Günbəzli ev"lərin dövrümüzə çatmış azsaylı nümunələrindən biridir.

Memarlıq xüsusiyyətləri

Bina planda kvadrata yaxın düzbucaqlı formasına malikdir. Bir otaqlı evin üstü günbəzlə örtülmüşdür. Qapı və pəncərə yerlərinin uğurlu yerləşdirilməsi nəticəsində binanın sadə fasadı olduqca canlı görüntü əldə etmişdir.

Digər günbəzli evlərdə olduğu kimi, bu binada da memar evin interyerinin həllinə daha çox diqqət yetirmişdir. Şəddadilər küçəsi 24 A ünvanındakı evin interyeri sqraffito tipli oyma ilə zəngin bəzədilmişdir. Ağ ornament təsviri dərin tünd boz fonla kontrastda yaxşı qəbul edilərək kompozisiyanın tamlığı ilə diqqət cəlb edir.

Divar boyunca yerləşən ləmədən yuxarıda 25–30 sm dərinlikli niş yerləşir. İncə alebastr çətiri çəpəri ilə ayrılmış niş, oxvari tağ formasında tamamlanır.

Evlərin interyerlərində bu cür nişlər, kuzə, badə və dekorativ boşqab kimi interyer elementlərinin yerləşdirilməsi üçün nəzərdə tutulurdu.

• 
  Evin Ə. Salamzadə tərəfindən çəkilmiş ümumi görünüşü və planları
• 
  Yan kəsimdə günbəzli (ikinci mərtəbə) və tağtavanlı (birinci mərtəbə) otaqların görünüşü
• 
  Evin interyerini bəzəyən divar naxışı

Ədəbiyyat

• Джеванширова, Н.А. Жилые дома Кировабада XVII-XIX веков. Баку: Памятники архитектуры Азербайджана. 1950.