Zərifə Əliyeva (gəmi-bərə)
 | |
|---|---|
 | |
| Sahibi | Azərbaycan Dövlət Xəzər Dəniz Gəmiçiliyi |
| İstismara verilmə tarixi | 28 aprel 2022 |
| İstehsalçı | Bakı Gəmiqayırma Zavodu |
| Şərəfinə adlandırılıb | Zərifə Əliyeva |
| Sinifi | Ro-Pax[d] |
 Vikianbarda əlaqəli mediafayllar | |
Zərifə Əliyeva – 2022-ci ildə istismara verilmiş və Azərbaycan Xəzər Dəniz Gəmiçiliyinə məxsus olan Ro-Pax tipli gəmi-bərə. Gəmi alim və həkim Zərifə Əliyevanın şərəfinə adlandırılmışdır.[1]
Tarixi[redaktə | mənbəni redaktə et]
Gəmi-bərə Azərbaycan Xəzər Dəniz Gəmiçiliyinin sifarişi ilə Bakı Gəmiqayırma Zavodunda inşa olunmuşdur. Tikilib istismara verilməsi 3 ilə başa gəlmişdir.[2] Gəmi-bərə 28 aprel 2022-ci ildə istismara verilmişdir. İstismara verilmə mərasimində Azərbaycan prezidenti İlham Əliyev iştirak etmişdir.[1] İlk səfəri 5 may 2022-ci ildə Qazaxıstanın Kurık limanına olmuşdur.[3]
Gəmi istismarda olduğu ilk il ərzində 163 səfər həyata keçirmiş, 148 vaqon, 1061 ədəd minik avtomobili, 5595 ədəd yük avtomobili/TIR, 5616 nəfər sərnişin daşımışdır. Səfərlər Aktau-Ələt, Ələt-Aktau, Türkmənbaşı-Ələt, Ələt-Türkmənbaşı, Kurık-Ələt, Ələt-Kurık istiqamətləri üzrə həyata keçirilmişdir.[4] Almaniya prezidenti Frank-Valter Ştaynmayer 2023-cü ilin iyununda gəmini ziyarət etmişdir.[5]
Xüsusiyyətlər[redaktə | mənbəni redaktə et]
Gəmi-bərənin layihəsi 2021-ci ildə istismara verilən Ro-Pax tipli "Azərbaycan" gəmi-bərəsi ilə eynidir. Otuz nəfərlik heyət üzvünün idarə etdiyi gəmi-bərə ilə eyni vaxtda 100 sərnişin, sistern tipli 56 vaqon və ya 50 yük avtomobili/TIR daşımaq mümkündür.[1] Gəminin uzunluğu 154,5 metr, eni 17,7 metr, bortunun hündürlüyü 7,5 metr, sürəti isə 14 uzeldir.[3][2] "Azərbaycan" və "Zərifə Əliyeva" gəmi-bərələri bu göstəricilərinə görə Xəzər hövzəsində istismar olunan digər gəmi-bərələrdən daha öndədir. Gəmidə yük lifti, helikopter meydançası, dalğalı havada gəminin sabitləşdirilməsi sistemi, dartıcı lokomotivlər vardır.[1]
Gəmi-bərədə akademik Zərifə Əliyevanın elmi axtarışlarını, qazandığı uğurları, insanlara münasibətini, həyat və fəaliyyətini əks etdirən guşə yaradılmışdır. Guşədə onun haqqında foto və video məlumatlar, kitablar toplanmışdır.[1]
Populyar mədəniyyətdə[redaktə | mənbəni redaktə et]
28 aprel 2023-cü ildə Azərbaycan Xəzər Dəniz Gəmiçiliyinin 165 illik yubileyinə həsr olunmuş iki poçt markasının birində "Zərifə Əliyeva" gəmi-bərəsi təsvir olunmuşdur.[6]
Qalereya[redaktə | mənbəni redaktə et]
-
İlham Əliyev istismara verilmə mərasimində. -
Zərifə Əliyevaya həsr olunmuş guşə. -
Göyərtə. -
Kabin. -
Yataq otağı.
İstinadlar[redaktə | mənbəni redaktə et]
- ↑ 1 2 3 4 5 "İlham Əliyev "Zərifə Əliyeva" gəmi-bərəsinin istismara verilməsi mərasimində iştirak edib". President.az. 28 aprel 2022. 2023-12-12 tarixində arxivləşdirilib. İstifadə tarixi: 12 dekabr 2023.
- ↑ 1 2 "Fuad Mədətov: "Zərifə Əliyeva" gəmi-bərənin tikilib istismara verilməsi 3 ilə başa gəlib"". Dəniz Xəbər. 28 aprel 2022. 2023-12-12 tarixində arxivləşdirilib. İstifadə tarixi: 12 dekabr 2023.
- ↑ 1 2 "Ro-Pax tipli "Zərifə Əliyeva" gəmi-bərəsi ilk səfərinə çıxıb". ASCO. 5 may 2022. 12 December 2023 tarixində arxivləşdirilib. İstifadə tarixi: 12 dekabr 2023.
- ↑ "Ötən il istismara verilən "Zərifə Əliyeva" gəmi-bərəsi ilə bu günədək 163 səfər həyata keçirilib". AzərTAC. 28 aprel 2023. 2023-12-12 tarixində arxivləşdirilib. İstifadə tarixi: 2023-12-12.
- ↑ "Almaniya prezidenti "Zərifə Əliyeva" gəmi-bərəsində olub - FOTO". APA.az. 21 iyun 2023. 2023-12-12 tarixində arxivləşdirilib. İstifadə tarixi: 12 dekabr 2023.
- ↑ "Azərbaycan Xəzər Dəniz Gəmiçiliyinin 165 illik yubileyi". Azərpoçt. 28 aprel 2023. 2023-06-09 tarixində arxivləşdirilib. İstifadə tarixi: 12 dekabr 2023.