Çingiz Fərzəliyev

Çingiz Fərzəliyev
Doğum tarixi	20 noyabr 1943(1943-11-20) (80 yaş)
Doğum yeri	Bakı, Azərbaycan SSR, SSRİ
Fəaliyyəti	rəssam
Fəaliyyət illəri	1973-cü ildən
Mükafatları

Çingiz Fərzəliyev — Azərbaycan Milli İncəsənət Muzeyinin direktoru, Azərbaycanın Əməkdar incəsənət xadimi.

Həyatı

1943-cü il noyabrın 20-də, Bakı şəhərində anadan olmuşdur. 1973-cü ildə V.İ.Surikov adına Moskova Dövlət Akademik Bədii İnstitutunun boyakarlıq fakültəsini bitirib. 1975-ci ildən SSRİ Rəssamlıq İttifaqının üzvüdür. 1966-cı ildən respublika, ümumittifaq və beynəlxalq sərgilərin iştirakçısıdır. 2004-cü ildən Azərbaycan Dövlət Rəssamlıq Akademiyasında boyakarlıq kafedrasının müdiridir. 2006-ci ildə "Azərbaycanın Əməkdar incəsənət xadimi" fəxri adına layiq görülmüşdür. 2008-ci ildən isə Azərbaycan Dövlət Rəssamlıq Akademiyasının professorudur. 2010-ci ildən Azərbaycan Milli İncəsənət Muzeyinin direktorudur. Həmçinin 2010-ci ildən Təsviri sənət Dövlət Ekspert Komissiyasının sədridir.

Fəxri adları

• Rusiya Rəssamlıq Akademiyasının Fəxri üzvü, 2009;
• Özbəkistan Rəssamlıq Akademiyasının Fəxri professoru, 2012;
• Beynəlxalq Bioqrafik Mərkəzinin Fəxri professoru, Kembric Universiteti, Böyük Britaniya, 2015;
• «Humay» Milli Mükafatı Akademiyasının «Humay» mükafatı, 2015;
• Tbilisi Dövlət Rəssamlıq Akademiyasının Fəxri doktoru, 2015;
• V.İ.Surikov adına Moskova Dövlət Akademik Bədii İnstitutunun Fəxri professoru, 2017.

Orden və mükafatları

• MDB ölkələri Beynəlxalq memarlar İttifaqı Assosiasiyasının diplomu, 1998;
• «İncəsənətdə görkəmli şəxsiyyət» mükafatı, Beynelxalq Bioqrafik Mərkəzi, Kembric Universiteti, Böyük Britaniya 2014;
• Avstriya Respublikası qarşısındakı xidmətlərinə görə «Şərəf Ordeni», 2015;
• «İlin ən yaxşı vətənpərvər tədqiqatçı alimi» qızıl medalı, Avropa Nəşr Mətbuat Evi, 2015;
• MDB ölkələrinin “Art-kitab” nomenasiyalı XIII Beynəlxalq müsabiqəsinin I dərəcəli diplom, 2016;
• “Şəfəq” Prezident Ordeni, Gürcüstan, 2016;
• Türk dünyası incəsənətinin təbliğinə verdiyi töhfələrə görə TÜRKSOY-un xatirə medalı, 2018;
• Azərbaycan təsviri sənətinin inkişafında xidmətlərinə görə «Şöhrət» ordeni, 2018.

Nəşr fəaliyyəti

• «Natürmort haqqında hər şey», Bakı (2004)
• «Portret haqqında hər şey», Bakı (2005)
• «Mənzərə haqqında hər şey», Bakı (2006)
• «Azərbaycan Rəngkarlığı. Antologiya», Bakı (2007)
• «Azərbaycan Dövlət İncəsənət Muzeyi» , Bakı (2010)
• «Azərbaycan el sənəti», Bakı (2013)
• XX əsr Azərbaycanın təsviri sənətində tanınan 45 görkəmli incəsənət xadiminin yaradıcılığını əks etdirən “Sərvət” silsiləsindən 36 kitab, Bakı, 2014

Sərgi kuratorluğu

• «Əsrlərin qovşağında», 2010
• «In Between» - Müasir Avstriya incəsənəti sərgisi, 2011
• «Budo ruhu - Yaponiya döyüş sənətinin tarixi», 2012
• «Azərbaycan incəsənəti minilliklər boyu», 2013
• «Rus Avanqardı - XX əsr incəsənətinin fenomeni», 2015
• «Fransa incəsənəti Azərbaycan Milli İncəsənət Muzeyinin kolleksiyadan», 2017
• «Yapon incəsənəti Azərbaycan Milli İncəsənət Muzeyinin kolleksiyasından», 2018

Əsərləri

Çingiz Fərzəliyev «Qürub», 1980

Çingiz Fərzəliyev «Səqadət», 1980

Çingiz Fərzəliyev «Natürmort», 1983

Çingiz Fərzəliyev «Köhnə saat», 1987