Məmməd Rzayev

Məmməd Rzayev
Doğum tarixi	8 may 1952(1952-05-08) (72 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Təhsili	Naxçıvan Dövlət Universiteti

Məmməd Rzayev (tam adı: Rzayev Məmməd Hüseyn oğlu; d. 8 may 1952, Naxçıvan, Naxçıvan MSSR, Azərbaycan SSR, SSRİ) — Naxçıvan Dövlət Universitetinin tərbiyə işləri üzrə prorektoru, fəlsəfə elmləri doktoru, professor; Azərbaycan Respublikasının əməkdar müəllimi.

Həyatı

Məmməd Rzayev 8 may 1952-ci ildə Naxçıvan şəhərində anadan olmuşdur.

Təhsili

1958-1968-ci illərdə Naxçıvan şəhər 1 nömrəli tam orta məktəbdə təhsil almışdır.

1972-ci ildə Azərbaycan Pedaqoji İnstitutunun Naxçıvan filialı, 1980-ci ildə Bakı Dövlət Universitetinin aspiranturasını bitirmişdir.

1972-ci ildən elmi-pedaqoji fəaliyyətlə məşğuldur.

Elmi dərəcəsi və adları

• Fəlsəfə elmləri namizədi, 09.00.01 dialektik və tarixi materializm
• Fəlsəfə elmləri doktoru 09.00.11.– Sosial fəlsəfə
• Doktorluq dissertasiyasının ixtisas şifri və ixtisasın adı: 09.00.11 – Sosial fəlsəfə

Elmi əsərləri

20 kitab və 210 elmi məqaləsi çapdan çıxmışdır. 30 elmi əsəri xaricdə çap olunmuşdur.

Əsas elmi nailiyyətləri

Məmməd Rzayev ilk dəfə olaraq "Keçid dövrü şəxsiyyət tipi"ni elmi dövriyyəyə cəlb etmiş, onun ontoloji, qneseoloji və funksional meyarlarını müəyyənləşdirmişdir. Şəxsiyyət problemini hüquqi dövlət və vətəndaş cəmiyyəti quruculuğu prosesində, milli-etnik münasibətlər prizmasında, müasir siyasi həyatda və mədəniyyət sistemində hərtərəfli təhlil etmişdir.

M.H.Rzayev postsovet sosial-fəlsəfi fikrində ilk dəfə olaraq, keçid dövrü şəxsiyyətini aksioloji mövqedən təhlil etmiş, onun formalaşmasında dəyərlərin rolunu açıqlamışdır.

Əsas elmi əsərlərinin adları

1. Müasir fəlsəfədə şəxsiyyət. Bakı, "Nurlan", 2003, 167 səh.
2. Şəxsiyyətin fəlsəfəsi. Bakı, ADPU, 2004, 390 səh.
3. Şəxsiyyət və zaman. Bakı, "Elm", 2004, 83 səh.
4. Fəlsəfədə şəxsiyyət problemi. Bakı, "Elm", 2004, 114 səh.
5. Müasir şəxsiyyət: azadlıq və məsuliyyət. Bakı, ADPU, 2005, 93 səh.
6. Şəxsiyyət və dəyərlər. Bakı, ADPU, 2005, 78 səh.
7. Şəxsiyyət müasir transformasiya şəraitində. Bakı, 2007, 136 səh.
8. Keçid dövrü və şəxsiyyət. Bakı, Yurd, 2007, 391 səh.
9. İnsan kültürü və çevrenin korunması. Uluslararası coğrafiya çalışmaları. Van Universiteti, 2003, 5 səh.
10. Azərbaycan fəlsəfə tarixində çeviri və şəxsiyyət tərbiyəsi. Uluslararası simpoziumun materialları, Sakarya Universiteti, 2004, 9 səh.

Beynəlxalq simpozium, konfrans və s. iştirakı

• Mənəvi problemlərə həsr olunmuş beynəlxalq konfrans (Frunze, 1985);
• Gənc nəslin aktual problemləri (Alma-Ata, 19);
• İqtisadi inkişaf və bazar problemləri (Voronej, 1991),
• "Hər yönü ilə Naxçıvan və Qars" mövzusunda beynəlxalq elmi simpozium (Naxçıvan, 2003);
• I Uluslararası coğrafiya konqresi (Van, Türkiyə, 2003),
• Uluslararası çeviri simpoziumu (Sakarya, Türkiyə, 2004) və b.

Beynəlxalq və xarici ölkələrin elmi qurumlarında üzvlüyü

• Beynəlxalq Turizm Akademiyasının üzvü (2007)

Mükafatıları

• 16.10.2007 — "Tərəqqi" medalı.

Mənbə

• Tərbiyə işləri üzrə prorektor  (az.)