Mixail Xodorkovski

Vikipediya, azad ensiklopediya
Toghrul R (müzakirə | töhfələr) (Rəssam → Siyasətçi) tərəfindən edilmiş 14:10, 14 yanvar 2020 tarixli redaktə
Naviqasiyaya keç Axtarışa keç
Mixail Xodorkovski
rus. Михаил Борисович Ходорковский[1]
Şəxsi məlumatlar
Doğum tarixi 26 iyun 1963(1963-06-26)[2][3] (60 yaş)
Doğum yeri
Təhsili
  • D. Mendeleyev Rusiya Kimya Texnologiyası Universiteti[d],
  • G.Plexanov adına Rusiya İqtisadiyyat Universiteti[d]
Fəaliyyəti təşəbbüskar, xeyriyyəçi
Uşaqları 4[4]
khodorkovsky.ru
Vikianbarın loqosu Vikianbarda əlaqəli mediafayllar

Mixail Borisoviç Xodorkovski (26 iyun 1963, Moskva) — rusiyalı sahibkar, ictimai xadim, publisist. Hal-hazırda Segejada (Kareliya Respublikası) ümumi rejimli koloniyada 11 illik azadlıqdan məhrum edilmə cəzasını çəkib,[6] Rusiya Federasiyasının Prezidenti Vladimir Putinin 20 dekabr 2013-cü il tarixli sərəncamı ilə o əfv olunaraq azadlığa çıxıb .

Həyatı

1997—2004-cü illərdə "YUKOS" neft şirkətinin əsas sahibi və rəhbəri olmuşdur. 2003-cü ildə həbs olunub. Həbs olunduğu zaman dünyanın ən zəngin insanlarından biri olmuşdur[7][8][9]. 2005-ci ildə məhkəmə barəsində hökm çıxararaq dələduzluq və başqa cinayətlərin törədilməsində təqdirli bilmişdir. "YUKOS" şirkəti müflis elan edilmişdir. 2010-2011-ci illərdə Xodorkovski barəsində yeni hallara görə yeni hökm verilmişdir.

Xodorkovskinin cinayət təqibi Rusiya və beynəlxalq ictimaiyyət tərəfindən ziddiyyətli qiymət aldı: bəziləri Xodorkovskinin ədalətli şəkildə məhkum olunduğunu, digəriləri siyasi motivlərlə təqib olunan vicdan məhbusu hesab edirlər.[10][11][12]

"Beynəlxalq amnistiya" Xodorkovski və onun həmkarı Platon Lebedevə "Vicdan məhbusu" statusu vermişdir.[13]. Avropa insan haqları məhkəməsi 2011-ci ilin mayında çıxardığı qərarında həbs zamanı prosedur pozuntularının olduğunu, ibtidai istintaq və məhkəmə baxışı, həbsdə saxlanılmaya dair şikayətlərə baxılma zamanı insan ləyaqətini alçaldan faktların mövcudluğunu müəyyən etmiş.[14]. Eyni zamanda AİHM hesab etmişdir ki, Xodorkovskinin cinayət təqibinin siyasi motivlərinin təkzibedilməz sübutları təqdim olunmamışdılar.[15][16][17].

24 iyul 2012-ci ildə Xodorkovskinin şikayəti əsasında Rusiya Federasiyası Ali Məhkəməsinin hakimi V.M. Lebedev tərəfindən nəzarəti icraatı başlandığı məlum oldu[18]. 20 dekabr 2012-ci ildə Moskva şəhər məhkəməsinin rəyasət heyəti qanunvericiliyin liberallaşması ilə əlaəqdar həbs müddətini 13 ildən 11 ilədək azaltmışdır. 29 may 2013-cü ildə usiya Federasiyası Ali Məhkəməsi Xodorkovski və Lebedevə daha yüngül cəzanın təyin olunmasının mümkünlüyü ilə əlaqədar yenidən nəzarət icraatına başladı[19].

Qüvvədə olan hökmlərə əsasən Xodorkovski azadlığa 25 oktyabr 2014-cü ildə çıxmalı idi.[6]. Ancaq Rusiya Federasiyasının Prezidenti Vladimir Putinin 20 dekabr 2013-cü il tarixli sərəncamı ilə o əfv olunaraq azadlığa çıxdı.[20]

İstinadlar

  1. ↑ https://tvrain.ru/teleshow/vechernee_shou/mihail_hodorkovskij-548380/.
  2. ↑ Ray M. Mikhail Khodorkovsky // Encyclopædia Britannica (ing.).
  3. ↑ Michail Chodorkowskij // Munzinger Personen (alm.).
  4. ↑ https://www.theguardian.com/world/2007/jul/02/russia.lukeharding1.
  5. ↑ Deutsche Nationalbibliothek Record #131474650 // Ümumi tənzimləmə nəzarəti (GND) (alm.). 2012—2016.
  6. ↑ 1 2 Суд смягчил приговор М. Ходорковскому и П. Лебедеву :: Политика :: Top.rbc.ru
  7. ↑ The 500 richest people in the world, according to Forbes magazine  (ing.)
  8. ↑ World’s Richest People 2004. Mikhail Khodorkovsky
  9. ↑ World’s Richest People 2003. Mikhail Khodorkovsky
  10. ↑ Каспаров. Ru | Михаил Ходорковский
  11. ↑ Аргументы и Факты
  12. ↑ [1][2]
  13. ↑ Russian businessmen declared prisoners of conscience after convictions are upheld, Amnesty International, 24 May 2011
  14. ↑ "ОБОБЩЕНИЕ - Через 6 лет после осуждения Ходорковского ЕСПЧ не нашел в его аресте политики". 2013-02-15 tarixində arxivləşdirilib. İstifadə tarixi: 2013-02-13.
  15. ↑ CASE OF KHODORKOVSKIY v. RUSSIA (Application no. 5829/04), JUDGMENT, STRASBOURG, 31 May 2011
  16. ↑ ЕСПЧ не признал дело Ходорковского политически мотивированным. — РИА Новости, 31 мая 2011 года
  17. ↑ Дело ЮКОСА — ЕСПЧ не признал политически мотивированным уничтожение компании ЮКОС
  18. ↑ Глава Верховного суда вмешался в дело М. Ходорковского и П. Лебедева :: Общество :: Top.rbc.ru
  19. ↑ http://www.interfax.ru/russia/txt.asp?id=309544
  20. ↑ Указ о помиловании Михаила Ходорковского, 20 декабря 2013 года, 12:00
Mənbə — "https://az.wikipedia.org/w/index.php?title=Mixail_Xodorkovski&oldid=4995807"