Erkin Qədirli

Erkin Qədirli
Azərbaycan Respublikası Milli Məclisinin deputatı[d]
9 fevral 2020 – 31 avqust 2020
Seçki dairəsi	16 saylı Yasamal ikinci seçki dairəsi[d]
Azərbaycan Respublikası Milli Məclisinin deputatı[d]
Vəzifədədir
31 avqust 2020-ci ildən
Şəxsi məlumatlar
Doğum tarixi	13 may 1972(1972-05-13) (52 yaş)
Doğum yeri	Bakı, Azərbaycan SSR, SSRİ
Partiya	Respublikaçı Alternativ Partiyası
Təhsili	Bakı Dövlət Universiteti
Fəaliyyəti	siyasətçi
Vikianbarda əlaqəli mediafayllar

Erkin Qədirli (tam adı: Erkin Toğrul oğlu Qədirli; d. 13 may 1972, Gəncə, Azərbaycan SSR, SSRİ) — Azərbaycan Respublikası Milli Məclisinin VI çağırış deputatı.

Həyatı

Erkin Qədirli 13 may 1972-ci ildə Gəncədə anadan olub. 1994-2006-cı illərdə Bakı Dövlət Universitetinin Hüquq və Beynəlxalq Münasibətlər fakültələrində mühazirələr oxuyub. Müxtəlif vaxtlarda Beynəlxalq Qırmızı Xaç və Qırmızı Aypara Hərəkatı, BMT, Avropa Şurası, ATƏT kimi təşkilatlar üçün, həmçinin çeşidli milli və beynəlxalq layihələrdə və işçi qruplarda ekspert kimi fəaliyyət göstərib.

1998-ci ildə Beynəlxalq Cinayət Məhkəməsinin təsisinə dair Romada keçirilmiş BMT-nin Diplomatik Konfransında Azərbaycanın nümayəndə heyətinin üzvü olub. 1999-cu ildə Almaniyada nəşr edilmiş "Commentary on the Rome Statute of the International Criminal Court" (azərb. Beynəlxalq Cinayət Məhkəməsinin Roma Nizamnaməsinin Şərhi‎) kitabının müəlliflərindən biridir. 25 dekabr 2008-ci ildə yaradılmış "Respublikaçı Alternativ" (REAL) vətəndaş birliyinin həmtəsisçisilərdən biri olub.

2014-ci il mayın 13-də Respublikaçı Alternativ partiyasında başqanlıq vəzifəsindən kənarlaşdırılıb.