Çinarlı (Şəmkir)

ÇİNARLI
40°46′50″ şm. e. 46°06′54″ ş. u.
Ölkə	Azərbaycan
Rayon	Şəmkir rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	3.739 nəfər
Rəqəmsal identifikatorlar
Poçt indeksi	AZ 5713

Çinarlı — Azərbaycan Respublikasının Şəmkir rayonunun inzibati ərazi vahidində qəsəbə.

Şəmkir rayonunun eyniadlı inzibati ərazi vahidində qəsəbə. Dağətəyi düzənlikdədir. Yaşayış məntəqəsini XX əsrin əvvəllərində Azərbaycana köçürülmüş almanlar salmış və 1931-ci ilədək Yelenendorf, sonralar Georgiyevsk, 1941-ci ildən Leninfeld, 1962-ci ildən isə Lenin adlandırılmışdır. 1947-49-cu illərdə Ermənistandan zorla qovulmuş Azərbaycanlı ailələr burada yerləşdirilmışdır. 1992-ci ildən Çinarlı adı ilə rəsmiləşdirilmişdir. Rəmzi məna daşıdığı güman edilir.

Tarixi

Qəsəbənin əsasını almanlar qoyub. Bura məskunlaşan almanlar buranı Georgsfeld adlandırıblar. 1932-ci ildə qəsəbənin adı dəyişdirilərək Lenin və ya Leninfild olub. Burada yaşayan almanlar İkinci dünya müharibəsi zamanı məcburi olaraq başqa yerlərə köçürülmüş və 1948-1953-cü illərdə məcburi olaraq Ermənistandan gələn azərbaycanlılar burada yerləşdirilmişdir. Çinarlı qəsəbəsi 1991-ci ilə kimi Lenin qəsəbəsi adlanırdı. Şəmkir çayının kənarında yerləşən bu qəsəbədə bəzi qədim qalaların da qalıqları mövcuddur. Bunlardan biri də Koroğlu qalasıdır.

Qəsəbədə 2006-cı ildə böyük məscid kompleksi də inşa edilmişdir. 2009-2010-cu tədris ilində Çinarlı qəsəbə N.Süleymanov adına 2 saylı orta məktəb yenidən qurularaq istifadəyə verilmişdir.

Çinarlı qəsəbəsində yollarla da olan problemlər 2019-cu ildə öz həllini tapdı.

Mədəniyyəti

Çinarlı qəsəbəsində böyük istirahət parkı, 1980-ci ildə inşa edilmiş Qələbə kompleksi, 1990-cı il 20 yanvar şəhidlərinə ucalmış abidə və hazırda çalışmayan kinoklub mövcuddur.

Coğrafiyası və iqlimi

Coğrafiyası çox mülayim. Çinarlı qəsəbəsi bir tərəfdən Nüzgər dağı, bir tərəfdən Şəmkir çayı, digər tərəflərdən isə Şəmkirin digər səfalı yerləri ilə əhatələnir. Havasi sərindir.

Əhalisi

Əhalisi 3739 nəfərdir (2010).

İqtisadiyyatı

Böyük Şərab zavodu.

İqtisadiyyatın prioritet sahələri: kənd təsərüfatı, üzümçülük, şərabçılıq.

Qəsəbədə həmçinin iki 11 illik orta məktəb,üç ədəd kitabxana, bir məscid, bir xəstəxana, iki uşaq bağçası, bir musiqi məktəbi, bir poçt, üç aptek,bir ədəd istirahət parkı,bir şərab zavodu və gündəlik bazar mövcuddur.