Bayramlı (Şəmkir)

Kənd BAYRAMLI Şəmkir rayonu Ölkə AzərbaycanAzərbaycan Region Gəncə-QazaxGəncə-Qazax Rayon Şəmkir Koordinatlar 40°55′59″N 45°55′31″E Əhalisi 2.831 nəfər (2012) Saat qurşağı Şablon:Wikidata/p421 Poçt indeksi (Mərkəzi PŞ): AZ 5700 Poçt indeksləri AZ5721 Xəritəni aç/bağla

Bayramlı – Azərbaycan Respublikasının Şəmkir rayonunun inzibati ərazi vahidində kənd.

Tarixi

Kəndin keçmiş adı Qıraq Bayramlıdır. Kəndi XIX əsrdə Tovuz rayonundan köçürülmüş ailələr Kür çayının qırağında saldığına görə belə adlandırmışlar. Kənd 1929-1930-cu illərdə Kürün qırağından indiki əraziyə köçmüşdür. Kollektivləşmə ilə əlaqədar 1930-cu ildə Kolxozkənd adlandırılan yaşayış məntəqəsinin əvvəlki adı 1992-ci ildən bərpa edilmişdir. Etnotoponimdir. 1917-1933-cü illərdə bu oykonimlər Bayramlılar, Bayraməlilər, Bayramlar variantlarında da qeydə alınmışdır. Türkmənistanın Marı vilayətində Bayraməli adlı şəhər var.

Kənddə həmcinin XI-XII əsrlərə aid Baydar şəhər xarabalıqlari yerlesir. Bu tarixi abidələr Bayramli kəndinin qədim tarixə malik oldugunu sübut edir.

Coğrafiyası və iqlimi

Rayon mərkəzi ile məsafəsi 15 kilometrdir. Kənd subtropik iqlim qurşağında yerləşir. Ərazidə daha çox mülayim hava kütlələri üstünlük təşkil edir.Qışı çox sərt deyil,yayı isə istidir.Qışda orta tempratur 2°C, yayda isə 23°C-yə yaxındır.

Bayramli kəndi çox əlverişli mövqedə yerləşmişdir. Zəyəm çayının ve Kür çayının sahilində,Şəmkir rayonunun dağətəyi bölgəsində yerləşmişdir.Suvarma işlərində Zəyəmçaydan geniş istifadə edilir. Kənd və ətrafındakı tünd və adi boz-qəhvəyi və açıq şabalıdı torpaq əkinçilik üçün yararlı və əlverişlidir.

Mədəniyyəti

Bayramli kəndində mədəniyyət evi, kitabxana, və tibb məntəqəsi, Tofiq Cəfərov adına Bayramlı kənd orta məktəbi fəaliyyət gostərir.

Əhalisi

Əhalisi 2,831 nəfərdir. Kənddə yaşayan əhali azərbaycanlılardan ibarətdir.

Görkəmli şəxsləri

• Həsənova Gülxar İbrahim qızı (10 dekabr 1918) — Azərbaycanın xalq artisti.

Şəhidlər

Vətən yolunda şəhid olmaq ilahi bir zirvəyə yüksəlməkdir. Bu zirvəni fəth etmək Allaha qovuşmaqdır. Bayramli kənd sakinləri:

• Cəfərov Tofiq Məhərrəm oğlu
• Xudaverdiyev Abbas Haqverdi oğlu

Qarabağ müharibəsində, Azərbaycanın azadlığı və bütövlüyü uğrunda vuruşlarda iştirak etmiş boyuk şücaət göstərmiş ve şəhidlik zirvesine yuksəlmislər.Hazırda Bayramlı kənd orta məktəbi Tofiq Cəfərovun adını daşiyır.Məktəbdə büstü ucaldilmışdır.

Böyük Vətən müharibəsi

Böyük Vətən müharibəsi 1941–1945 illərdə, İkinci dünya müharibəsi dövründə Sovet İttifaqı xalqlarının faşist Almaniyası və onun müttəfiqlərinə qarşı aparılan müharibədə Bayramlı kənd sakinləri də böyük qəhrəmanlıq göstərmişlər. Böyük Vətən müharibəsində iştirak etmiş Bayramlı kənd sakinləri:

• İsmayılov Məmməd Əhməd oğlu
• Həsənov İmran Həsən oğlu
• Həsənov Əli Həsən oğlu
• Həsənov məhəmməd həsən oğlu
• Cəfərov Rza Məhəmməd oğlu
• Cərov Şahverdi Məhəmməd oğlu
• Bağırov Ənvər Mirzə oğlu
• Bağırov Qasım Cəfərqulu oğlu
• Cəfərov Məhəmmədəli Məmməd oğlu
• Ələkbərov Ələsgər Cəfər oğlu
• Əskərov Zeynalabdin Muxtar oğlu
• Əskərov Askər Muxtar oğlu
• Hümbətov Əmiralı Novruz oğlu
• İsmayılov Rüstəm İsmayıl oğlu
• Məmmədov Nadir İmamqulu oğlu
• Rüstəmov Aslan İsa oğlu
• Qəhramanov Ramazan Yahya oğlu
• Bayramov Qədim Məmmədhuseyn oğlu

İqtisadiyyatı

Əhalisi əsasən kənd təsərrüfatı – heyvandarlıq, əkinçilik və bağçılıqla məşğuldur. İqtisadiyyatında üzümçülük və quşçuluq da mühüm yer tutur.

Buğda, arpa, qarğıdalı kimi taxıl bitkiləri,eləcə də soğan, kələm, pomidor, xiyar,badımcan, günəbaxan, kartof və s. bostan bitkiləri becərilir.

Sovet İttifaqı dövründə

Sovet İttifaqı dövründə Bayramlı əsasən pambiqciliq və uzumculuk üzrə ixtisaslaşmış təsərrüfata malik idi və Şəmkir rayonunda bu sahələr üzrə əsas yerileri tuturdu.

Xarici keçidlər

• Azərbaycan haqqında ətraflı məlumat
• Şəmkir Rayon İcra Hakimiyyəti