Moltke körpüsü
| Moltke körpüsü | |
|---|---|
| alm. Moltkebrücke | |
,_170401,_ako.jpg) | |
 | |
| 52°31′18″ şm. e. 13°22′08″ ş. u. | |
| Keçid | Şpre |
| Yeri | Bezirk mitte |
| Uzunluğu | 77.6 m |
| Eni | 26,7 m |
| Açılışı | 1891 |
 Vikianbarda əlaqəli mediafayllar | |
Moltke körpüsü (alm. Moltkebrücke) — Almaniyanın Berlin şəhərində Şpree çayının üstündə qurulmuş körpü. İnşaatı 1891-ci ildə bitmiş və şimal sahildə yerləşən Alt-Moabit dəmiryol stansiyasını cənubdakı Villi-Brandt-Strasse stansiyasına və Kansler binasına binasına birləşdirir. Körpü Prussiya krallığı ordusuna 30 il başçılıq etmiş general-feldmarşal Helmut von Moltke Karl Bernhardın (1800–1891) şərəfinə adlandırılmışdır. Körpünün bitiminə az qalmış o vəfat etdi və açılış mərasimi onun cənazə karteci tərəfindən keçirildi. Körpü 3 arkadan ibarətdir və qum daşından tikilmiş həmçinin Yohan Boesen Karl Piper və Karl Beqasın heykəlləri ilə bəzədilmişdir.
Tarixi
İnşaat işləri 1888-ci ildə başlamış və 1891-ci ildə tamamlanmışdır.
Körpü 1945-ci ilin aprelində İkinci dünya müharibəsinin sonlarında ağır döyüşə şahidlik etmişdi. Alman müdafiəçilər olan 5000-ə qədər SS və Volksştrum üzvləri körpünün hər iki qurtaracağında barrikada qurmuş və buralar böyük ölçüdə dağıntılara məruz qalmışdı. Aprelin 28-də Mayor-General S.N.Perevertkinin başçılıq etdiyi sovet üçüncü şok ordusu Alt-Moabitdən aşağıya doğru savaşdılar. Onların məqsədi körpüdən sadəcə 600 metr aralıda yerləşən Reyxstaqı tutmaq idi.[1] Alaqaranlıq vaxtı sovet əsgərləri körpüyə hücum etdi.[2] Partlayışlar körpünü zədələdi və bir hissə Şpre çayına düşsədə amma hələdə üzərində kifayət qədər hərbi minik və əsgər var idi. Gecə yarısı sovet 150-ci və 171-ci diviziyaları körpünün baş tərəflərini baş verə biləcək hər hansı əks-hücuma qarşı qoruyurdular.[3] Məhz buradan onlar Reyxstaqa tərəf hərəkətə başldılar və mayın 1-də buranı zəbt etdilər.
Hər nə qədər dağıntıya məruz qalsada körpü müharibə zamanı məhv olmayan tikililərdən biri idi və öz orjinal görünüşünü saxlayırdı. Lakin körpü sonradan təmir edilmiş və müasir nəqliyyatın ağırlığına tab gətirməsi üçün gücləndirilmişdir.
İstinadlar
- ↑ Read & Fisher, pp. 435.
- ↑ Read & Fisher, pp. 444.
- ↑ Beevor, pp. 340, 347–349.
Ədəbiyyat
- Read, Anthony & Fisher, David, "The Fall of Berlin", W. W. Norton & Company, New York, 1992, ISBN 0-393-03472-0
- Beevor, Antony "Berlin: The Downfall 1945", Viking-Penguin Books, 2002, ISBN 0-670-88695-5