Xpert
Xpert | |
---|---|
Ümumi məlumatlar | |
Ləqəbi | Xpert |
Doğum tarixi | 30 sentyabr 1990 (33 yaş) |
Doğum yeri | |
Vətəndaşlığı | |
Musiqiçi məlumatları | |
Fəaliyyəti | musiqiçi, repçi |
Fəaliyyət illəri | 2009-cu ildən |
Janrlar | rep, hip-hop[d] |
Təhsili | |
xpertmusic.com | |
Vikianbarda əlaqəli mediafayllar |
Xpert (tam adı: Şəhriyar Zahid oğlu Atababayev; 30 sentyabr 1990, Bakı) — Azərbaycan repçisi. 2019-cu ildən Xpert ləqəbilə yanaşı XXXpert ləqəbindən də istifadə edir.
Həyatı
Erkən illəri
1990-ci il sentyabr ayının 30-də Azərbaycanın Bakı şəhərində anadan olub. 1996-cı ildə 292 saylı orta məktəbə daxil olmuş və 2007-ci ildə həmin məktəbi bitirmişdir. 2007-ci ildə Qafqaz Universitetinin Türk dili və Ədəbiyyatı fakültəsinin bakalavr, 2012-ci ildə isə həmin universitetinin magistraturasına daxil olmuş və oranı bitirmişdir.
Yaradıcılığı
2009-cu ildə repçi A4 və digər iki repçinin iştirakı ilə "OD, ForMat" adlı ilk musiqi parçasını ərsəyə gətirib. İlk vaxtlarda replərinin sözləri türk dilində olmuşdur. Daha sonra repçi Naqan, SertOzan və A4-ün iştirakı ilə bir neçə musiqi parçası daha yazmışdır.
2010-cu illər
2010-cu ildə fars əsilli bir sıra repçilərin Azərbaycan repində yazdıqları diss-cavab xarakterli DissPersia adlı musiqi parçasını ərsəyə gətirib. Bu Xpertin Azərbaycan dilində yazdığı ilk musiqi parçası olmuşdur. 2010-cu ilin ortalarında bütün musiqi parçaları Qanun Beatz "Maddə 1 The Mixtape" adlı albomda yayımlanmışdır. Daha sonra repçi Ramires ilə "Yorğun Döyüşçü" adlı mahnısını yazmışdır. 2010-cu ilinin sonlarında tərkibində yer aldığı Synaps Production səsyazma şirkətinə qoşulub.
2011-ci ilin yayında Synaps Production-un "Təcili Yardım" adlı konsertindən bir gün sonra hərbi xidmətə yollanmışdır. Hərbi xidmətə yollanmamışdan əvvəl səsyazmasını etmiş olduğu musiqi parçaları 11 noyabr 2011-ci ildə Synaps Production tərəfindən "Makar10" adlı albomda toplanaraq 100 nüsxə tirajla satışa buraxılmışdır. Bu zaman Xpert hərbi xidmətdə olmuşdur.
2012-ci ildə hərbi xidməti bitirmişdir. Qısa müddətdə bir neçə sinql buraxmışdır.
2013-cü ilin mart ayında öz evində qardaşı ila birlikdə büdcəsi 11 manat 50 qəpik olan ilk klipini çəkmişdir. 10 avqustda "Guerrilla" adlı ikinci klipini təqdim edib. Həmin ilin noyabrım 2-də solo konserti baş tutmuş və ikinci albomu olan "Akula"nı təqdim etmişdir.
5 aprel 2014-cü ildə "Sarışan Hallar" və 15 avqust 2014-cü ildə isə "Bataqlıq Donuzu" kliplərini təqdim etmişdir.
2015-ci ilin əvvəlində sayca 6-cı, satış üçün isə nəzərdə tutulmuş 3-cü albomunun təqdimat videosunu təqdim etmişdir. 9 may 2015-ci ildə ikinci solo konsertini vermişdir.[1] 30 sentyabr tarixində Xpertin "Və bir də" klipini təqdim etmişdir.
Şəxsi həyatı
Ailəlidir və Məryəm adlı qızı var.
Diskoqrafiya
Xpert-in diskoqrafiyasına 3 studiya albomu daxildir.
- Studiya albomları
İstinadlar
- ↑ E.P. "В БАКУ АЗЕРБАЙДЖАНСКИЙ РЕПЕР ДАСТ КОНЦЕРТ" ( (rus.)). vesti.az. 2015-05-09. 2017-06-10 tarixində arxivləşdirilib. İstifadə tarixi: 2017-06-10.