M.V.Lomonosov adına Moskva Dövlət Universitetinin Bakı filialı
| M.V.Lomonosov adına Moskva Dövlət Universitetinin Bakı filialı | |
|---|---|
 | |
| Əsası qoyulub | 27 fevral 2009 |
| Ölkə | |
| Sayt | msu.az |
M.V.Lomonosov adına Moskva Dövlət Universitetinin Bakı filialı və ya qısaca MDU Bakı filialı — Azərbaycan Respublikası Təhsil Nazirliyinin tabeliyində olan ali təhsil müəssisəsi[1].
Tarixi
M.V.Lomonosov adına Moskva Dövlət Universiteti rəhbərliyinin təklifi və Аzərbaycan Respublikasının Prezidenti İlham Əliyevin yanvar 2009-cu il tarixli sərəncamına əsasən yaradılıb. Filial rəsmi surətdə 27 fevral 2009-cu ildə açılıb.
Filialın açılması ölkə daxilində dünyanın ən nüfuzlu universitetlərinin birində təhsil almağa və Rusiyanın tanınmış almləri ilə Azərbaycan elminin sıx əlaqəsinə şərait yaradır. M.V.Lomonosov adına Moskva Dövlət Universiteti Bakı filialının rektoru filologiya elmləri doktoru, professor Nərgiz Paşayevadır.
Yaranma tarixi
Filialın yaranması haqqında razılaşma Rusiya Federasiyasının təhsil və elm naziri Andrey Fursenkonun 2007-ci ilin martında Azərbaycana səfəri zamanı əldə edilimişdı.
2009-cu iln fevralında MDU Bakı filialının açılışı oldu. Açılışda Аzərbaycan Respublikasının Prezidenti İlham Əliyev, Moskva Dövlət Universitetinin rektoru Viktor Antonoviç Sadovniçi, Rusiya təhsil və elm naziri Andrey Fursenko, Azərbaycanın birinci xanımı, UNESCOnun xoş məramlı səfiri Mehriban Əliyeva iştirak etdilər.
Fakültələr
2013/2014 tədris ilində filialda 5 fakültə fəaliyyət göstərir:
- Filologiya
- Tətbiqi riyaziyyat
- Kimya
- Psixologiya
- İqtisadiyyat
Gələcəkdə fakültələrin və tələbələrin sayının artacağı gözlənilir.
Fəaliyyəti
2010/2011- ci tədris ilində filialda dörd ixtisas üzrə 263 tələbə təhsil alır. Tədrisdə Moskvadan ezam olunmuş tanınmış alimlərlə yanaşı Bakı universitetlərinin də yüksək hazırlıqlı alimləri dərs keçirlər. 20 sentyabr 2010-cu ildə MDU-nun rektoru, Rusiya Elmlər Akademiyasının rektoru Viktor Sadovniçi Rusiya Prezidenti Dmitri Medvedyevin səfəri çərçivəsində MDU Bakı filialını da ziyarət etdi. O filialada tədris və təşkilatı məsələləri yüksək qiymətləndirdi.[2]
Kampus
Həmçinin bax
- M.V.Lomonosov adına Moskva Dövlət Universiteti
- İ.M.Seçenov adına Birinci Moskva Dövlət Tibb Universitetinin Bakı filialı
İstinadlar
- ↑ ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı. (az.)
- ↑ http://news.day.az/society/226808.html
Xarici keçidlər
