Böyük İstanbul avtovağzalı
Böyük İstanbul avtovağzalı | |
---|---|
türk. Büyük İstanbul Otogarı | |
Ümumi məlumatlar | |
Status | Tamamlandı |
Ünvan | Bayrampaşa, Əsənlər |
Ölkə | Türkiyə |
Şəhər | İstanbul |
Koordinatlar | 41°02′24″ şm. e. 28°53′39″ ş. u. |
Tamamlanıb | 1987 |
Açılma | 1994 |
Sahibi | İstanbul Böyükşəhər Bələdiyyəsi |
Dizayn və konstruksiya | |
Memar | Məhməd Çubuq[1] |
Veb-sayt | |
buyukistanbulotogari.ist | |
Vikianbarda əlaqəli mediafayllar |
Böyük İstanbul avtovağzalı (türk. Büyük İstanbul Otogarı) və ya rəsmi adı ilə İstanbul 15 iyul demokratiya avtovağzalı (türk. İstanbul 15 Temmuz Demokrasi Otogarı) — Bayrampaşa ilçəsinin sərhədləri daxilində olmasına baxmayaraq, Əsənlər mərkəzinə çox yaxın olduğu üçün İstanbulun Avropa hissəsində yerləşən və Əsənlər Avtobus Terminalı olaraq da bilinən şəhərlərarası avtobus terminalı.
1980-ci illərdə Topqapıda yerləşən İstanbul Trakya Avtovağzalının kifayət etməməsindən sonra 1987-ci ildə İstanbul Böyükşəhər Bələdiyyəsi ilə Böyük İstanbul Avtobus İdaretmələri ASC arasında imzalanan müqavilə ilə fəaliyyətə başladı. Türkiyənin və Avropanın ən böyük, dünyanın ən böyük 3. avtovağzalıdır. 2014-cü il etibarilə Büyük İstanbul avtovağzalında 168 ofisdə 324 avtobus şirkəti xidmət göstərirdi.
Bundan əlavə, fərqli memarlığı ilə diqqəti cəlb edən Cümhuriyyət məscidi də avtobus terminalı içərisində yerləşir.
Avtovağzalın adı 15 İyul çevriliş cəhdi zamanı həlak olan vətəndaşların xatirəsinə "İstanbul 15 iyul demokratiya avtovağzalı" olaraq dəyişdirildi.[2][3]
Tarixçə
1980-ci ildə, İstanbulun Avropa hissəsində yeni bir terminal tikməyə başladı.[4] Topqapı avtobus terminalında sıxlıq yaranmağa başladı. 1987-ci ildə yeni terminalın inşasına başlanıldı. 1994-cü ildə terminallar xidmətə girdi. Tikili 140 milyon dollara başa gəlmişdir.[5]
Statistik göstəricilər
- Quruluş çoxmərtəbəlidir. Avtobuslar üçün 450-500, müvəqqəti isə 1000-dən çox dayanacaq var.
- Gündə təxminən 15 min avtobus daşınma həyata keçirir.
- Terminal günlük 600.000 sərnişin tutumuna malikdir.
- Terminallarda işləyən 3000-5000 nəfər işləyir.
- Hər ay bir 30 milyona yaxın sərnişin bu vağzaldan istifadə edir.
Tənqidlər
Avtobus terminalı xaotik və çirkin memarlığı səbəbilə geniş tənqid edilmişdir. Terminal daxilində daim avtobus sıxlığı mövcuddur. Terminalın təhlükəsizliyi ən aşağı səviyyədədir. Vağzalın dərinliklərinə enmək sakinlər tərəfindən təhlükəli hesab olunur. Vağzal zirzəmisində narkomanlar, evsizlər və qeyri-qanuni iş sahiblərinə rast gəlmək mümkündür.[6]
İstinadlar
- ↑ "Otogardaki tıkanıklığın sebebi gidiş katının projeden çıkarılması! - 23-10-2013". emlakkulisi.com (türk). İstifadə tarixi: 7 may 2020.
- ↑ "İstanbul Otogarı'nın adı değişti". www.ntv.com.tr (türk). İstifadə tarixi: 4 may 2020.
- ↑ "İstanbul Otogarı'nın adı değişti". www.haberturk.com (türk). İstifadə tarixi: 4 may 2020.
- ↑ "En büyük gecekondu". www.hurriyet.com.tr (türk). İstifadə tarixi: 4 may 2020.
- ↑ "İşletme ve Fiziki Kapasite". Otogar İstanbul. 20 aprel 2012. İstifadə tarixi: 4 may 2020.
- ↑ "Esenler Otogarı'nın Alt Katında Yaşanan Tüyler Ürpertici Hayatları Oradaki Esnaftan Dinleyince Kanınız Donacak". Onedio (Turkish). İstifadə tarixi: 4 may 2020.