Tuz gölü

Tuz gölü
türk. Tuz Gölü
Ümumi məlumatlar
Mütləq hündürlüyü	905 m
Eni	50 km
Uzunluğu	80 km
Sahəsi	1600—2500 km²
Dərin yeri	5 m
Orta dərinliyi	1-2 m
Yerləşməsi
38°50′00″ şm. e. 33°20′00″ ş. u.
Ölkə	Türkiyə
Tuz gölü
Vikianbarda əlaqəli mediafayllar

Tuz gölü (türk. Tuz Gölü) — Türkiyənin ikinci ən böyük gölü. Gölün duzluluğu 340 ‰-dir. Anadolunun mərkəzində, Konyadan 105 km şimal-şərqdə və Ankaradan 150 km cənub-şərqdə yerləşir.

Strabon Qalatiya və Kapadokiya sərhədindəki Tatta gölündən bəhs edir.

İlin çox hissəsi dayazdır (1-2 m) və duz gölünün sahəsi 1500 km²-dir. Adətən uzunluğu 80 km və eni 50 km, dəniz səviyyəsindən 905 m yüksəkdir.

Göl Türkiyənin mərkəzi platosundakı tektonik çuxuru doldurur. Gölə iki böyük dərə axır amma göl əsasən yeraltı mənbələrdən və yağışdan qidalanır. Axar çayları yoxdur. Kanallar və dərələr Tuz gölünə axdığı yerlərdə, bataqlıqlar meydana gətirir. Yay aylarında buxarlanma səbəbi ilə Tuz gölü suyunun çox hissəsini itirir, ortalama qalınlığı 30 sm olan bir duz qat əmələ gəlir. Duz qatı gölün dibində çökür. Qışda duz yenidən yağış və ətraf torpaqlardan axan su ilə həll olur.

Göldəki üç duz mədəni Türkiyənin istehlak etdiyi bütün duzun təxminən 70% -ni istehsal edir. Duz mədəni, əsasən duzun təmizlənməsi və emalı ilə əlaqəli olan bölgədəki sənaye fəaliyyətinin istiqamətini müəyyənləşdirir. Göl becərilən torpaqlarla əhatə olunmuşdur, yalnız cənub və cənub-qərbdə şoran torpaqların su altında qalması səbəbindən torpağın becərilməsi mümkün deyildir.

2001-ci ildə qonşu çöllərlə birlikdə Tuz gölü xüsusi mühafizə olunan ərazi elan edildi. Gölün cənub hissəsindəki bir qrup adada böyük bir Qızılqaz populyasiyana aid yuvalama bölgəsi vardır. Bundan əlavə, burada ağqalın qaz və Səhra müşğülünə rastlamaq mümkündür.

Tuz gölü təbii qaz deposu

Türkiyə Rusiya və İrandan aldığı qaz miqdarının təzyiqi, payız və qışda böyük bir problemlər yaradır. Bu problemi aradan qaldırmaq üçün, Duz gölünün altındakı duz blokları içərisində təbii qaz anbarının qurulması düşünülür. Tuz gölündən 40 km cənubda olan Sultanhanında təbii qaz tutumu 1 milyard m³ olan 12 süni duz mağarası qurulur. Səthin 1 100 m-dən 1 400 m-ə qədər olan duz təbəqələri su basaraq əriyəcək və duzlu su Tuz gölünə veriləcəkdir. Müəssisəyə ilk qaz 2017-ci ilin fevral ayında verilir və saxlama fəaliyyətinə başlanılır.

Mənbə

• Uzaydan Tuz Gölü