Rəhman Əzizzadə
| Rəhman Əzizzadə | |
|---|---|
| Doğum tarixi | 24 iyul 1993 (30 yaş) |
| Doğum yeri | |
| Mükafatları |
“Vətən naminə” medalı |
Rəhman Əzizzadə (Rəhman Həsən oğlu Əzizzadə; 24 iyul 1993, Mamusta, Lənkəran rayonu) — 2-ci qrup Qarabağ Müharibəsi əlili, Qarabağ Müharibəsi Veteranı, ehtiyyatda olan Gizir, Prezident təqaüdçüsü.
Həyatı
24 iyul 1993-cü ildə Lənkəran şəhəri Mamusta kəndində anadan olmuşdur. 2000-ci ildə Bakıda, Qaradağ rayonu Seyfulla Məmmmədov adına 110 saylı tam orta məktəbə daxil olmuşdur. 2011-ci ildə həmin məktəbi xüsusi fərqlənmə ilə bitirmişdir.
2011-ci il iyulun 25-də həqiqi hərbi xidmətə çağırılmışam. N saylı hərbi-hissədə xidmətə başlamışdır. 1 yanvar 2013-ildə hərbi xidməti xüsusi fərqlənmələr ilə başa vurmuşdur.
2013-cü ildə xidmətini davam etmək üçün Silahlı Qüvvələrin Təlim-Tədris mərkəzinə, Gizirlər kursuna daxil olmuşdur. Kursu bitirdikdən sonra Müdafiə Nazirinin müvafiq əmrinə əsasən Füzuli rayonu N saylı hərbi-hissəsində xidmətini davam etdirmişdir.
Xidməti dövründə yuxarı komandanlıq tərəfindən bir neçə fəxri fərman ilə təltif olunmuşdur. Bir neçə yüksək vəzifələrdə Vətənə xidmət etmişdir (Tağım Komandirinin Müavinini, Snayper Tağım Komandiri, Bölüyün Baş Çavuşu, Post Başçısı vəzifələrində).
28 dekabr 2014-cü ildə düşmən təxribatının qarşısını alarkən, düşmən gülləsinə tuş gəlmişdir. Nəticədə ağır yaralanaraq sağ gözünü tam, sol gözünü 8% dək görməsini itirmişdir, başında, gözündə və çiynində 100-dən artıq qəlpələr gəzdirir. 25 may 2015-ci il tarixində ehtiyyata buraxılmışdır. Azərbaycan Respublikasının Birinci Vitse-Prezidenti Mehriban Əliyevanın təşəbbüsü ilə protez gözlə təmin olunmuşdur.
Mükafatları
Ehtiyyatda olarkən Azərbaycan Respublikasının prezidenti İlham Əliyev tərəfindən "Hərbi xidmətdə fərqlənməyə görə" 3-cü dərəcəli medalı ilə, Qarabağ Müharibəsi Əlilləri, Veteranları və Şəhid ailələri ictimai birliyinin Sədri Polkovnik Mehdi Mehdiyev tərəfindən “Vətən naminə” medalı ilə təltif edilmişdir.