İlqar Mirzəyev

İlqar Mirzəyev
Fayl:İlqar Mirzəyev.png
Şəxsi məlumatlar
Doğum tarixi	8 may 1973
Doğum yeri	Qardabani, Gürcüstan SSR
Vəfat tarixi	14 iyul 2020 (47 yaşında)
Vəfat yeri	Tovuz rayonu, Azərbaycan
Vəfat səbəbi	Şəhid olmuşdur
Dəfn yeri	II Fəxri Xiyaban
Vətəndaşlığı	SSRİ→ Azərbaycan
Uşağı	2
Təhsili	Heydər Əliyev adına Azərbaycan Ali Hərbi Məktəbi, Azərbaycan Respublikası Silahlı Qüvvələrinin Hərbi Akademiyası
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Fayl:Azərbaycan Respublikası Quru Soşunları.png Azərbaycan Quru Qoşunları
Xidmət illəri	1991-2020
Rütbəsi	Polkovnik
Döyüşlər	Aprel döyüşləri, 2016 Tovuz döyüşləri, 2020
Təltifləri

İlqar Anzor oğlu Mirzəyev (8 may 1973, Qardabani, Gürcüstan SSR — 14 iyul 2020, Tovuz rayonu, Azərbaycan) — Azərbaycan Ordusunun polkovniki, 2020-ci il iyulunda Tovuz istiqamətində olan döyüşlərdə qəhrəmancasına şəhid olmuşdur.

Həyatı

İlqar Mirzəyev 1973-cü il mayın 8-də Qardabani şəhərində anadan olub. 1980-ci ildə elə həmin şəhərin orta məktəbinə daxil olmuş, 1990-cı ildə bitirmişdir. 1991-ci ildə Heydər Əliyev adına Ali Hərbi Məktəbə qəbul olmuşdur. İlqar Mirzəyev ailəli idi; 1 oğlu və 1 qızı yadigar qaldı.

Hərbi xidməti

İlqar Mirzəyev Azərbaycan Silahlı Qüvvələrinin polkovniki idi. O, 1995-ci ildə Heyder Əliyev adına Azərbaycan Ali Hərbi Məktəbi bitirdikdən sonra leytenant rütbəsi ilə xidmətə başlamışdır. 2003-2005- ci illərdə Azərbaycan Respublikası Silahlı Qüvvələrinin Hərbi Akademiyasında ixtisası üzrə təhsilini təkmilləşdirmişdir.

Fərqli-fərqli illərdə Bakı, Gəncə, Naxçıvan, Beyləqan, Goranboy və Şəmkirdə hərbi xidmətdə olmuşdur. 2016-cı ildə Aprel döyüşləri zamanı göstərdiyi şücaət və qəhrəmanlığa görə, "Vətənə Xidmətə görə" II və III dərəcəli medalı ilə təltif olunmuşdur.

2018-ci ildə Azərbaycan Ordusunun 100 illiyi yubiley medalı ilə təltif olunmuş və Polkovnik-Leytenant rütbəsindən Polkovnik rütbəsinə yüksəlmişdir. 2019-cu il 23 fevral tarixində 3-cü Ordu korpusunun Artilleriya rəisi təyin olmuşdur.

Azərbaycan Silahlı Qüvvələrinin Polkovniki İlqar Mirzəyev 14 iyul 2020-ci il, Tovuz istiqamətində olan döyüşlər zamanı qəhrəmancasına şəhid olmuşdur. İyulun 15-də İlqar Mirzəyev, Bakı şəhərində, İkinci Fəxri Xiyabanda son mənzilə yola salınmış və uğrunda şəhid olduğu torpağa tapşırılmışdır. Sadəcə ailə üzvləri və yaxınları üçün olan vida mərasimində müdafiə naziri Zakir Həsənov, Baş Qərargah rəisi Nəcməddin Sadıqov, Bakı şəhərinin icra başçısı Eldar Əzizov da iştirak etmişdir.

Xatirəsi

Polkovnikin şəhid olmasından bir ay sonra Azərbaycan Dövlət Rəssamlıq Akademiyasının 4-cü kurs tələbəsi Təbriz Soltanlı tərəfindən barelyefi hazırlanıb.