Azərbaycan Respublikası Silahlı Qüvvələrinin Hərbi Akademiyası

Vikipediya, azad ensiklopediya
Jump to navigation Jump to search
Azərbaycan Respublikası Silahlı Qüvvələrinin Hərbi Akademiyası
Azərbaycan Respublikası Silahlı Qüvvələrinin Hərbi Akademiyası.png
Əsası qoyulub 1999
Tip Hərbi Akademiya
Şəhər Bakı
Ölkə

Azərbaycan Respublikası Silahlı Qüvvələrinin Hərbi AkademiyasıAzərbaycan Respublikası Silahlı Qüvvələri üçün ali hərbi təhsilli komandir və qəragah zabitlərinin, hərbi-elmi işçilərin hazırlanmasını, onların ixtisasının artırılmasını, hərbi iş sahəsində elmi tətqiqatların aparılmasını və dövlət orqanlarında çalışan yüksək vəzifəli şəxslərə respublikanın müdafiəsi ilə əlaqədar hərbi-strateji, hərbi-iqtisadi və hərbi-siyasi məsələlərin öyrədilməsini təmin etmək məqsədi ilə Azərbaycan Respublikası Prezidentinin 20 fevral 1999-cu il tarixli fərmanı ilə Azərbaycan Respublikası Silahlı Qüvvələrinin Hərbi Akademiyası yaradılmışdır.

Haqqında[redaktə | mənbəni redaktə et]

Hərbi Akademiyada iki il müddətində təhsil alan dinləyicilər taktiki və operativ səviyyədəki birlik və qərargahlarda komandir və qərargah zabitləri vəzifələrində çalışmaq üçün hazırlanırlar.

Hərbi Akademiyada təşkil olunmuş tədris prosesi hərbi-strateji, operativ-taktiki, eləcə də hərbi-siyasi və hərbi-iqtisadi məsələlərin öyrənilməsini təmin edir.

Azərbaycan Respublikası Silahlı Qüvvələrinin Hərbi Akademiyasının nəzdində Strateji tətqiqatlar və dövlət müdafiəsini idarəetmə və hərbi diplomatiya kursları da fəaliyyət göstərir. Kursların vəzifəsi respublikanın müdafiəsi ilə əlaqədar hərbi-strateji, hərbi-iqtisadi və hərbi-siyasi məsələlərin öyrənilməsini təmin etməkdir.

Hazırda akademiyaya general-leytenant Heydər Piriyev başçılıq edir. Heydər Piriyev Qarabağ uğrunda gedən döyüşlərdə iştirak etmişdir. Azərbaycan Respublikasının Prezidenti Heydər Əliyev tərəfindən general rütbəsi verilmişdir. 2002–2009-cu illərdə AAHM-in rəisi, 2009–2013-cu illərdə Naxçıvan Muxtar Respublikasında ordu korpusunun qərərgah rəisi vəzifələrində xidmət etmişdir. 2014-cü ilin iyul ayında Azərbaycan Respublikası Prezidentinin Fərmanı ilə general-leytenant ali hərbi rütbəsi verilmişdir.

Rəhbərlik[redaktə | mənbəni redaktə et]

2014-cü ilin iyun ayında Heydər Kamal oğlu Piriyevə Azərbaycan Respublikası Prezidentinin Fərmanı ilə növbəti general-leytenant ali hərbi rütbəsi verilmiş və o, Azərbaycan Respublikası Silahlı Qüvvələrin Hərbi Akademiyasının rəisi təyin edilmişdir.[1]

3 avqust 2021-ci ildə Hikmət Həsənov Ordu Korpusu komandiri vəzifəsindən azad edilərək Hərbi Akademiyanın rəis müavini təyin olunub.[2][3]

Məzunlar üçün[redaktə | mənbəni redaktə et]

Azərbaycan Respublikası Silahlı Qüvvələri Hərbi Akademiyasını bitirmiş məzunlar üçün döş nişanında ağ fonda silahlı qüvvələrin emblemi təsvir olunur və qızılı rəngli palıd yarpaqları ilə haşiyəyə alınır.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]